சீனாவுக்கு அடுத்து, இந்தியாவிலேயே புகைப்பிடிப்பு பழக்கம் அதிகம் : பிரபலங்கள் விழிப்புணர்வு

நேற்று மே 31ம் திகதி உலக புகையிலை மறுப்பு தினம் உலகம் முழுவதும் அனுஷ்டிக்கப்பட்டது. உலகில் சீனாவுக்கு அடுத்து அதிகம் புகைப்பிடிக்கும் பழக்கம் கொண்ட இரண்டாவது நாடாக இந்தியா திகழ்கிறது என உலக சுகாதார மையம் வெளியிட்ட புள்ளிவிபரம் கூறுகிறது.



241 மில்லியன் மக்கள், அதாவது மொத்த சனத்தொகையில் 35% வீதமான மக்கள் புகைப்பிடிப்பதாகவும், பெண்களில் 47% வீதமான மக்கள் புகைப்பிடிப்பதாகவும், புகைப்பழக்கம் தொடர்பான புள்ளிவிபரம் ஒன்று கூறுகிறது. இதில் 38% வீதமானோர் சிகரட்டும், 29.3% வீதமானோர் பீடியும், 33.8% வீதமானோர் புகையிலையும் உபயோகபிப்பதாக அப்புள்ளிவிபரம் கூறுகிறது.

இந்தியாவுக்கு அடுத்து சிங்கப்பூர், கனடா, தாய்லாந்து,பிரேசில் ஆகிய நாடுகளை சேர்ந்த மக்கள் சமீபகாலமாக அடிமைப்பட்டு வருவதாக உலக சுகாதார நிலையம் தெரிவித்துள்ளது.

புகைப்பிடிப்பு எதிர்ப்பு தினத்தை முன்னிட்டு இந்தியாவில் தமிழகத்திலும் இதற்கான விழிப்புணர்வு நிகழ்வுகள் இடம்பெற்றன. புகையிலை பழக்கத்திலிருந்து எதிர்கால தலைமுறையினரை காப்பாற்ற வேண்டும் என முன்னாள் மத்திய அமைச்சர் அன்புமணி ராமதாஸ் வலிறுத்தினார்.



இந்தியாவில் புகையிலை தடுப்பு சட்டவிதிகளை முழுமையாக செயல்படுத்த வேண்டும் எனவு, பொது இடங்களிலும், பணி இடங்கலிலும் புகை பிடிப்பதை தடை செய்யும் ஆவணையை செயல்படுத்த வேண்டும் எனவும், முன்னாள் மத்திய அமைச்சர் அன்புமணி ராமதாஸ் வலிறுத்தினார்.

இதேவேளை பல சினிமா நட்சத்திரங்களும், பிரபலங்களும் புகையிலை மறுப்பு தினத்தில் தமது விழிப்புணர்வு பிரச்சாரங்களை மேற்கொண்டனர்.
பாலிவூட் மட்டுமல்லாது தமிழிலும் சிறப்பான நடிப்பை வெளிப்படுத்திவரும் நடிகை சமீரா ரெட்டி, பெண்கள் புகைப்பிடிக்கும் பழக்கத்தை கைவிட வேண்டுமென வலியுறுத்தினார்.

அவர் நடிக்கும் பாலிவூட் திரைப்படங்களில் பெண்கள் புகைப்பிடிக்கும் காட்சிகள் அடிக்கடி இடம்பெற்று வரும் நிலையில், இதற்கு அவர் எதிர்ப்பு தெரிவித்திருப்பது நல்ல வரவேற்பை பெற்றிருக்கிறது.

கடின உடற்பயிற்சிகள், நல்ல உணவு பழக்க வழக்கங்கள் இருக்குமாயின் புகைப்பிடிக்கும் பழக்கத்தை நிறுத்திவிடலாம். யோகா, மூச்சுப்பயிற்சி என்பவற்றாலும் கூட கொஞ்சம் கொஞ்சமாக புகைப்பிடிப்பதை நிறுத்திவிடலாம் என தனது ரசிகர்களுக்கு அவர் ஆலோசனை செய்துள்ளார்.


tm