சந்தேகத்தின் உருவம்...

by **rameshnaga** Wed Jun 01, 2011 1:08 pm

ஒரு பாறையைப் போல் திடமாய் இல்லை அது;
நீரைப் போலும் இல்லை;
காற்றாயும் இல்லை அது.
எதனோடும் கலக்காத ஏதோ ஓர் வடிவில் -
அசையாமல் எனக்கருகில் ஒளிந்து கொண்டிருந்தது அது;
ஒரு நிழலைப் போலவும் இல்லை அது;
ஒரு கண்ணாடியாயும் இல்லை அது;
நான் செய்யும் எதையும் திருப்பிச் செய்யாவிடினும்-
என்னை உற்றுப் பார்த்துக்கொண்டிருக்கிறது அது--
தன் ஒளி மிகுந்த கண்களால்...
என் மேல் பதியும் உன் பல் தடங்களை; உனது குரூரங்களை;
மற்றும் நான் வெளிக்காட்டாத எனது வலியை.