Latest topics

அரிசி திட்ட துவக்க விழாவிற்கு செல்லக் கூடாது-கட்சியினருக்கு அமைச்சர் சண்முகம் அறிவுறுத்தல்

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

அரிசி திட்ட துவக்க விழாவிற்கு செல்லக் கூடாது-கட்சியினருக்கு அமைச்சர் சண்முகம் அறிவுறுத்தல்

Post by மகா பிரபு Wed Jun 01, 2011 9:57 am

விழுப்புரம் மாவட்டத்தில் இன்று நடக்கும் இலவச அரிசி வழங்கும் திட்ட துவக்க
விழாவிற்கு, ஆளுங்கட்சியினர் சென்று தொந்தரவு செய்யக் கூடாது என, அமைச்சர் சண்முகம் உத்தரவிட்டுள்ளார்.இலவச அரிசி திட்டத்தை, தமிழக முதல்வர் ஜெ., இன்று சென்னையில் துவக்கி வைக்கிறார். மாநிலத்தில் பிற இடங்களிலும் இன்று இலவச அரிசி திட்டம் துவக்கப்படுகிறது. அனைத்து ரேஷன் கடைகளிலும் கார்டுதாரர்களுக்கு இன்று முதல், அரிசி வழங்கப்படும் என அறிவிக்கப்பட்டுள்ளது.விழுப்புரம் மாவட்டத்தில் இன்று துவங்கும் திட்டத்தை, பள்ளிக் கல்வி அமைச்சர் சண்முகம் துவக்கி வைப்பார் என, ஏற்கனவே அறிவிக்கப்பட்டது. ஆனால், அமைச்சரின் விழுப்புரம் வருகை ரத்தானது.

இந்நிலையில், இலவச அரிசி திட்டத்தை முதல்வர் ஜெ., இன்று சென்னையில் துவக்கி வைக்கிறார். அதனால், விழுப்புரம் மாவட்டத்தில் அதிகாரிகளே திட்டத்தை துவக்கி வைத்து விடுவர். ஆளுங்கட்சியினர் யாரும் ரேஷன் கடைகளுக்கு சென்று கொடி, தோரணங்கள் கட்டக் கூடாது.விழாவில் "கட்சியினர் கலந்து கொள்வேன் என அடம் பிடிக்கக் கூடாது' என நிர்வாகிகளுக்கு, அமைச்சர் சண்முகம் உத்தரவிட்டுள்ளார்.இந்த திட்டம் மக்களுக்கு ஆடம்பரம் இல்லாமல் சென்று சேர வேண்டும். அதனால் யாரும் அங்கு சென்று தொந்தரவு செய்யக் கூடாது. யாராவது தொந்தரவு செய்தால் அவர்கள்மீது நடவடிக்கை எடுக்கப்படும் எனவும் எச்சரித்துள்ளார்.

தினமலர்

மகா பிரபு: வி.ஐ.பி; பதிவுகள் : 9587
இணைந்தது : 16/02/2011