அசுரனின் 1000 மாவது பதிவு - என் வாழ்வில் நடந்த சம்பவம்

First topic message reminder :

சில வருடங்களுக்கு முன்பு நான் ஒரு கூட்டுறவு உணவு பொருள் வழங்கல் (கோஆப்பரேட்டீவ்) கீழ் ஒரு 3 ரேஷன் கடைக்கு மேலாளராக இருந்தேன்.... அது ஒரு கோஆப்பரேட்டீவ் உறுப்பினர்கள் பணத்தில் இயங்கும் நியாயவிலை கடைகள்...........

இரண்டான்டுகள் சிறப்பாக நேர்மையாக எந்த ஒரு பித்தலாட்டமின்றி மக்களுக்கு குறித்த நேரத்தில் மண்ணென்னை சக்கரை எல்லாம் வினியோகித்துக்கொன்டிருந்தேன்,,,, குறிப்பாக மண்ணெண்ணை வழங்கல் திட்டத்தை புதுவிதமாக அறிமுகப்படுத்தினேன். அதானவது எங்கள் மூன்று கடைகளுக்கும் நானே பேரல்களை வாடகைக்கு மாட்டுவண்டியில் எடுத்துச்சென்று என் கண் முன்னாலேயே எண்ணையை படித்து வந்து மக்களுக்கு தினமும் மண்ணென்னை விநியோகித்தேன். அதனால் மற்ற ஊழியர்களின் வெறுப்பை சம்பாதித்து கொன்டேன்,,,,,, அவர்களால் ஷார்ட்டேஜ் காட்ட முடியவில்லை! ஏனெனில் நான் வந்த புதிதில் ஒரு நாளைக்க 300 ருபாய் வீதம் 10 ஊழியர்கள் அன்றன்று மக்களிடம் கொள்ளை அடித்ததை பகிர்ந்துகொள்வார்கள்..........(1992-95 ஆம் ஆண்டு நடந்தது) எனக்கு அப்போது சம்பளம் வெறும் 600 ரூபாய்கள் தான்.

நான் அதை ஒழுங்குபடுத்த மேலாளருக்கான போலியாக உள்ள 60 ரேசன் அட்டைகளை (எனக்கு முன் இருந்த மேலாளருடையது) அந்த ஏரியா ரேஷன் கண்காணிப்பாளரிடம் முதல் ஆளாக முன்மாதிரியாக ஒப்படைத்தேன்,,,,, இது போல் ஒவ்வொரு கடை காரரிடமும் நிறைய கார்டுகள் இருக்கும். ஆனால் என் பதவியின் காரணமாக என் சக ஊழியர்கள் என்னை எதுவும் செய்ய இயலாமல் என்னை விரட்ட காரணம் தேடிக்கொன்டிருந்தார்கள்........... ஒரு முறை சர்க்கரை எடை போடுகையில் குறைந்ததற்காக, எடைபோடும் பணியாளரை மக்கள் முன்னிலையில் கடிந்து கொன்டேன்........... அன்று மாலை வீடு திரும்புகையில் அந்த பணியாளருடன் என்னால் பாதிக்கப்பட்ட மற்றவர்களும் சில ரவுடிகளும் சேர்ந்து என்னை அடித்து துன்புறுத்தி என் முகத்தை எனக்கே அடையாளம் தெரியாத அளவிற்கு தாக்கி போட்டுவிட்டு சென்றுவிட்டனர்,,

மயங்கிய நிலையில் இருந்த நான் அப்படியே சாலை ஓரம் படுத்துவிட்டேன்,,,,,, அது நடமாட்டம் குறைந்த சாலை என்பதால்... யாரும் கவனிக்கவில்லை,,,,,இரவு ஒரு மணி இருக்கும் எனக்கு நினைவு வந்தது............ விழித்து பார்த்தால் நான் அருகாமையில் உள்ள காவல் நிலையத்தில் உள்ளே இருந்தேன்............. முகத்தில் சோடா தெளித்து என்னை நினைவு படுத்தி பிறகு விடியும் வரை என்னை அங்கே வைத்திருந்தார்கள்.

வேலையை விட்டுவிட்டு ஓடும்படி மிரட்டினார்கள் நான் பணிய மறுக்கவே நிலைய எஸ்ஐ பொய் வழக்கு போட்டுவிடுவதாக (இரவில் கஞ்சா விற்றதாக) மிரட்டினார்,,,,,, ஏனென்றால் அவர்களுக்கு வழக்கமாக கிடைக்கவேன்டிய ரேஷன் பொருட்கள் இந்த இரண்டான்டில் என்னால் கிடைக்காமல் போனதால், நான் கடிந்துகொன்ட தொழிலாளி,,,,, நான் அவரை தாக்கிவிட்டதாக பொய் புகார் அளித்ததாலும் நான் நேர்மையாக இருந்தும் எனது துறையில் என்னை பணிநீக்கம் செய்தார்கள்.

நான் யாருக்காக உழைத்தேனோ அந்த மக்கள் பின் ஒரு நாள் நான் அந்த அலுவலகத்திற்கு என்னுடைய உடமைகளை எடுக்கவும் அக்கவுன்ட் செட்டில் செய்யவும் சென்றபோது எனக்கு திருடன் பட்டம் கட்டியிருப்பது கண்டு மிகவும் வருத்தப்பட்டேன், (நான் பணத்தை கையாடல் செய்ததால் தான் என் வேலை பறிபோனதாக வதந்தி பரப்பிவிடப்பட்டிருந்தது)

என் அப்பா சிறுவயதிலேயே இறந்துவிட்டதால் தாயின் அன்பிலும் தெய்வபக்தியிலும் தன்நம்பிக்கையிலுமே வளர்ந்து பெரியவனானேன்......... மாலையில் வேலைசெய்துக்கொன்டே எனது கல்லுாரி படிப்பை முடித்தேன், (M.COM) என் தாய் சிறுவயது முதல் சொல்லிக்கொடுத்த பாடம் நேர்மை நியாயம் அடுத்தவர் பொருளுக்கு ஆசைபடாமை,,,,,,இவற்றையே என் வாழ்வின் லட்சியமாக கொன்டே இது நாள் வரை வாழ்ந்து வருகின்றேன்,,,,,,,,,,

பிறகு கணினி சான்றிதழ் (PGDCA) படித்து முடித்து ஒரு தனியார் பள்ளியில் கணக்காளராக வேலையை தொடர்ந்தேன்.....

அந்த நேரத்தில் கணிணி முதுகலை (MCA) முடித்து அதே பள்ளியில் கணினி ஆசிரியரானேன்........... அதே பள்ளியின் முலமே வெளிநாட்டில் பணிபுரியும் வாய்ப்பும் கிடைத்தது. மூன்றான்டுகள் அமீரகத்தில் புகழ்பெற்ற ஒரு கிறிஸ்தவ பள்ளியில் கணினி மற்றும் பிசினஸ் ஸ்டடீஸ் (லண்டன் சிலபெஸ்) ஆசிரியனாக பணியாற்றிவிட்டு மீண்டும் சென்னை திரும்பி இன்று கணினி ஆசிரியராக ஒரு பெரிய பள்ளியில் நல்ல சம்பளத்தில் பணியாற்றி கொண்டிருக்கிறேன்............நல்ல மனைவி ஒரு மகளுடன் இன்று சுகமாக வாழ்கிறேன்...........

என் வாழ்வில் சோதனை காலத்திலும் நான் நேர்மையாக இருந்த காரணத்திற்காக கடவுளால் அருளப்பட்ட வாய்ப்பே இந்த வெளிநாட்டு வாழ்வும் அழகான குடும்பமும் என கருதுகிறேன்,,,

ரேசன் கடைகளை பற்றி நாம் பல குறைகளையும் நிர்வாக சீர்கேட்டை பற்றியும் சொல்லிக்கொண்டிருக்கிறோம். ஆனால் நடைமுறையில் எனக்கு கிடைத்த ஒரு அரிய வாய்ப்பை நான் பயன்படுத்தி அந்த பகுதி மக்களுக்கு நேர்மையாக இருந்தால் மக்கள் எப்படி தொல்லையில்லாமல் பொருட்கள் வாங்கி செல்வார்கள் என்பதை நடைமுறையில் செயல்படுத்தி காண்பித்தேன். அது எவ்வளவு துன்பமான கடினமான பாதை என்பதை வாழ்ந்து பார்த்த எனக்கு தான் தெரியும்,,,,
இது எனது 1000 மாவது பதிவாக உங்களுடன் பகிர்ந்துக்கொள்கிறேன்
அன்புடன்
அசூரன்

வாழ்க்கையில் , செய்கிற தொழிலில் நேர்மை ரொம்ப முக்கியம்.அதே சமயத்தில் அதை பின்பற்றுவது என்பது அதைவிட முக்கியம்.இறைவன் நடத்திய தேர்வில் நீங்கள் வென்றுவிட்டீர்கள், அதனால் தான் உங்களுக்கு ஒரு நல்ல வாழ்க்கை இறைவன் அளித்திருக்கிறான்.இது போல் என்றும் இருக்க உங்கள் வாழ்வு சிறக்க எனது மனமார்ந்த வாழ்துகள்.

இன்றைய சூழ்நிலையில் நேர்மை, நியாயம் என்றால் கிலோ என்ன விலை எனக் கேட்கும் நிலை உருவாகிவிட்டது! அதிலும் ரேஷன் கடையில் உங்கள் கண்டிப்பினால் பாதிக்கப்பட்டோர் எண்ணிக்கை காவல் நிலையம் வரை அதிகரித்து விட்டது. அதனால்தான் உங்களை எப்படியாவது வெளியேற்றியே ஆக வேண்டும் என்ற நிலைக்கு வந்துவிட்டார்கள். இருப்பினும் உங்களின் தளராத மன உறுதிக்கும், இன்று ஒரு வெற்றியாளராக உருவெடுத்துள்ளமைக்கும் என் பாராட்டுக்கள் அசுரன்.

எப்பொழுதும் உங்களின் நேர்மை நியாயம் அடுத்தவர் பொருளுக்கு ஆசைபடாமை என்னும் கொள்கைகளை கடைபிடித்து, இந்தப் பண்பை உங்கள் மாணவர்களும் கடைபிடிக்கச் செய்யுங்கள்! இதுவே இன்றைய சூழலில் நாம் நாட்டிற்குச் செய்யும் மிகப்பெரும் நற்பணி!

அசுரன் உங்கள் பெயர் இதுவே போதும்.தாய் வைத்த பெயர்
தானே சிறக்கும்.அசுர குணம் என்பது தீமைகளை எதிர்ப்பது.
துவளாமல் போராடுங்கள.வாழ்த்துக்கள்.

நெகிழ்வாக இருந்தது. நீங்கள் உண்மையாக இருந்ததால் இன்று நல்ல நிலையில் இருக்கிறீர்கள் . கடவுள் என்றும் உங்கள் பக்கம் இருப்பாராக

இந்த அனுபவத்தை இன்று இப்போதுதான் நான் வாசித்தாலும் அன்புத் தம்பி அசுரன் வாயிலாக நேரடியாக நான் அறிந்துகொண்டேன். அப்போதும் சொன்னேன் இப்போதும் சொல்வேன்.. நல்லவர்க்கு என்றும் அழிவில்லை. சிலகாலம் சூரியன் மேகத்தில் மறைந்திருந்தாலும் வெகுவிரைவில் அக்கதிரவன் தன் நேர்மைக் கிரணங்களை நிலைநாட்டி நலம் புரிவான் என்பதில் ஐயமில்லை..! வாழ்த்துகள் ஜான்..!

மேலும் 10000 பதிவை கடக்க வாழ்த்துக்கள் அசுரன்

அசுரன், நீங்கள் பெயர் மாற்றம் செய்ததை அந்த (பெயர்மற்றம் செய்பவர்கள் தெரிவிக்கவேண்டிய திரி ) திரி இல் தெரிவித்து விட்டீர்களா? எனக்கு இப்ப தான் தெரிந்தது நீங்கதான் "பில்லா " என

நான் இப்பதான் இந்த பதிவை படித்தேன் ஜான் உங்கள் நேர்மைக்கு ஒரு சல்யூட்

Thanks அண்ணா உங்கள் அனுபவம் எனக்கு ஒரு inspire ஆக உள்ளது
It is done unto you as you
believe.

- Matthew 9:29