விடை தேடும் என் வினா

by nandhtiha Thu Sep 10, 2009 7:43 pm

வணக்கம்
ஹரிணி என்ற பெயரின் பொருள் என்ன என்று கேட்ட என் கேள்வி விடைக்காகக் காத்திருக்கிறது. சகோதரி ஹரிணி கூட பதில் சொல்ல வில்லையே?
அன்புடன்
நந்திதா

by கோவைசிவா Thu Sep 10, 2009 7:51 pm

ஹரிணி என்றால் ஹரி+ணி ஹரி - திருமால் ஹரிணி -திருமாலுடைய கமண்டலம் என்பதாகும். விடை தேடும் என் வினா 812496

by கோவைசிவா Thu Sep 10, 2009 7:54 pm

கோச்சுகாதிங்க

by **சிவா** Thu Sep 10, 2009 8:25 pm

http://www.genealogyforum.com/messages/genbbs.cgi/New/23695

by **சிவா** Thu Sep 10, 2009 8:30 pm

இதுதான் ஹரிணி - Harini

by கோவைசிவா Thu Sep 10, 2009 8:32 pm

மான் குட்டியே புள்ளி மான் குட்டியே

by nandhtiha Thu Sep 10, 2009 9:16 pm

பெருமதிப்புக்குரிய சிவா அவர்களுக்கு
வணக்கம்
ஹரிணி என்பதற்கு ஹரி+ணி என்று பிரித்து இலக்குமி என்று கொடுத்துள்ளார்கள். ஹரி என்றால் வடமொழியில் மான் என்ற ஒரு பெயரும் உள்ளது. நினைவூட்டியமைக்கு நன்றிகள் பல.

நான் படிக்கும் காலை இலக்குமி தந்த்ரம் என்ற நூல் எனது முதுகலைப் பாடத்திட்டத்தில் இருந்தது அதில் கண்ட விவரத்தைத் தெரிவிக்க ஆசைப் படுகிறேன்.
அந்த ஸ்லோகம் வருமாறு
ஹரிம் நயாமி கார்யேஷு நீயேச ஹரிணா ஸ்வயம்
ஸதா ஹரிண பாஸாஹம் ஹாரிணம் துரிதம் ஸதாம்
பொருள்
சில சமயங்களில் நான் ஹரியாகிய விஷ்ணுவை நடத்திச் செல்கிறேன். சில சமயங்களில் அவர் என்னை நடத்திச் செல்கிறார், ஹரியின் ஒளியாக நிற்கிறேன். நல்லவர்களுக்கு சீக்கிரத்தில் ஹரியை அடையாளம் காட்டுகிறேன்.(நீ நயி என்ற வடமொழி வேர்ச் சொல்லுக்கு நடத்துதல் என்ற பொருள்) அதனால் தான் குறிப்பிட்டுக் காட்டுவதனால் எனக்கு இலக்குமி என்ற ஒரு எனக்கு பெயரும் உண்டு. ஆக இலக்குமியைத் தொழுதால் ஹரியின் அருள் கிடைக்கும் என்பது இந்த ஸ்லோகத்தின் பொருள். விஷ்ணு பக்தர்கள் மான் தோலில் அமர்ந்து தியானம்செய்வதும் இதனால் தான். இராவணனுக்கு இதன் உட்பொருள் தெரிந்திருக்குமோ என்னவோ எனவே தான் மாரீசனை ஹரி என்ற சொல்லைக் குறிக்கும் தங்க மான் உருவத்தில் போகும் படி வேண்டினான்.(வேதமும் ஹிரண்ய வர்ணாம் ஹரிணீம் என்று கூறிற்று) வேறு உருவத்தில் வந்திருந்தால் இராமன் செல்லாமல் அந்தக் காரியத்தை இலக்குவனிடம் அளித்திருப்பான். இராமனை அவ்விடத்திலிருந்து வெளி வருவதற்காகத் தான் மான் உருவத்தில் போகச் சொன்னானோ என்ற ஓர் ஐயம் எனக்கு எழுந்தது, ப்ல வருடங்களாக இது என்னைக் குடைந்து கொண்டிருந்தது. இப்போது விடை கிடைத்ததைப்போன்ற ஒரு தோற்றம் கிடைக்கிறது. தங்க்ள் கருத்தை அறிய விரும்புகிறேன்
அன்புடன்
நந்திதா

by Chocy Thu Sep 10, 2009 9:45 pm

என் பெயேற்கு இவளவு விளக்கமா?

by மீனு Thu Sep 10, 2009 9:53 pm

நந்திதா அக்கா ..மெய் சிலிர்க்கிறது உங்கள் விளக்கம் பார்த்து ..எப்படி முடிகிறது இதெல்லாம் ..எப்பொழுதுமே ஏதாவது படித்து கொண்டே இருப்பீர்களா..அப்படி நாமும் படித்தாலும் பலது நினைவுக்கே வர மறுக்கின்றதே.. எப்படி அக்கா.. ஒரு சிறு பெயர் ஹரிணி.. அதற்கு எவளவு உள் அர்த்தங்கள் ..யப்பா.. பாராட்ட தகுதி இல்லை.. நன்றிகள் அக்கா