வளர்ந்து கொண்டு இருக்கிறோமா நாம்?

**rameshnaga** · **rameshnaga** Tue May 31, 2011 8:15 pm

புடவைகள் சல்வார் ஆகி வெகு காலமாகி விட்டன;
வேட்டிகளோ, பர்முடாசாகி விட்டன.
சமையலறைகள் ஃபாஸ்ட் ஃபுட் டில் ஒளிந்து விட,
கதை சொல்லும் காலங்கள் --
மல்லாந்து கிடக்கின்றன சின்னத் திரையின் நெடும் தொடரின் முன்.
கிராமங்கள் -
திண்ணைகளைத் தொலைத்து விட்டு
அடுக்குமாடிக் குடியிருப்பில் அறைகளாகி இருந்தன.
வயல்கள் வீடுகளாகி விட-
மரம் தேடி அலைகிறது ஒரு பழைய பறவை.
இரவில்-உணவு கேட்டு வருபவனுக்காக
ஒரு கை சோறு அதிகம் வைக்காத -
காலங்களில் வசிக்கும் குழந்தைகள் தம்
புத்தகத்திலிருப்பதை தமது வீடுகளில்
சப்தமாக வாசிக்கின்றன...
"யாதும் ஊரே ; யாவரும் கேளிர்"-என.

uma rani · uma rani Tue May 31, 2011 10:39 pm

ய்தார்தத்தை கண் முன் நிறுத்துவது போல் இருக்கிறது அருமையிருக்கு

அசுரன் · அசுரன் Tue May 31, 2011 10:47 pm

கரி அடுப்பு கியாஸ் ஆன மாதிரி! புன்னகை

காலத்திற்கேற்ற மாற்றம் தேவைதானே! இப்பவெல்லாம் திருடர்களும் கெட்டவர்களும் பிச்சை காரர்கள் மற்றும் நல்லவர்களை போல வேசம் போட்டு வருவதால் எதுக்கும் ஜாக்கிரதையாக நாம் உண்டு நமது குடும்பம் உண்டு என்று இருப்பதே நல்லது!