என்ன வேலை பார்க்கிறோம் என்பதல்ல முக்கியம் ?

**ந.கார்த்தி** · **ந.கார்த்தி** Tue May 31, 2011 1:17 pm

டாக்டர், இன்ஜினியர், லாயர் மட்டும் வேலை இல்லை. டிரைவர்,
பிளம்பர், கார்ப்பென்டரும் வேலைதான். ஆனால் எல்லோருக்குமே பெரிய வேலைக்கு
போகத்தான் ஆசை. காரணம் அதுதான் கவுரவம் என பலரும் நினைக்கிறார்கள்.
எல்லோருமே அப்படி நினைத்தால் சிறிய வேலைகளை யார்தான் பார்ப்பது?
நல்லவேளையாக, உலகம் முழுவதுமே இப்போது நிலைமை மாறி வருகிறது.

இந்தியாவில் 52 சதவீதம் பேர் 25 வயதுக்கும் குறைவானவர்கள். இவர்களில்
பாதிக்கும் மேல் பள்ளி இறுதிப் படிப்பைக் கூட முடிக்க முடியாமல் நிறுத்தி
விடுகிறார்கள். வறுமை, பள்ளி அருகில் இல்லாதது போன்ற காரணங்களால் படிப்பை
தொடர முடிவதில்லை. இப்படி படிப்பை பாதியில் விட்டவர்களுக்கு எந்தத்
தொழிலும் தெரிவதில்லை. பள்ளி பாடங்கள் வாழ்க்கைக்கு உதவுவதில்லை. மொத்த
மக்கள் தொகையில் வெறும் 12 சதவீதம் மட்டுமே படிப்பு மூலம் தொழிலை கற்றுக்
கொள்கிறார்கள்.

மற்றவர்கள் அனைவரும் வேலையில் சேர்ந்து கொஞ்சம் கொஞ்சமாக கற்றுக்
கொள்கிறார்கள். இதனால் ஒரு தொழிலை கற்றுக் கொண்டு அதில் காலூன்றுவதற்குள்
வயதாகி விடுகிறது. வருமானமும் பெரிதாக கிடைப்பதில்லை. இவ்வளவு பெரிய
இந்தியாவில் மொத்தம் 9,000 தொழில் பயிற்சி மையங்களும் பாலிடெக்னிக்குகளும்
மட்டுமே உள்ளன. இவற்றின் மூலம் ஆண்டுக்கு 10 லட்சம் பேர் மட்டுமே ஏதாவது
ஒரு தொழிலை கற்றுக் கொள்கிறார்கள்.

இவர்களிலும் பாதிப்பேர், இன்ஜினியரிங் சீட் கிடைக்காமல் வேறு வழியில்லாமல்
வேண்டா வெறுப்பாக வந்து சேர்பவர்கள். இப்படி ஐடிஐயிலும் பாலிடெக்னிக்கிலும்
படிப்பவர்களை இளக்காரமாக பார்ப்பவர்கள் இன்னமும் இருக்கிறார்கள். லண்டனில்
செட்டிலாகி விட்ட இந்திய டாக்டர் ஒருவர், சமீபத்தில் தனது வேலையை மாற்றி
விட்டார். மாறிய வேலை பிளம்பர். லண்டனில் டாக்டரை விடவும் பிளம்பர் அதிகம்
பணம் சம்பாதிப்பதை மாறியதற்கு காரணமாக கூறியிருக்கிறார். சீனாவில்
பிளம்பிங் படிப்பில் பிஎச்டி பட்டம் வரை தருகிறார்களாம்.

எல்லா வேலையுமே மதிப்புக்கு உரியதுதான். என்ன வேலை பார்க்கிறோம் என்பதல்ல
முக்கியம். பார்க்கும் வேலையில் நாம் எந்த அளவுக்கு பெரிய ஆளாக இருக்கிறோம்
என்பதுதான் முக்கியம். அதை உணர்ந்தால் டிரைவர், பிளம்பர், கார்ப்பென்டர்,
மெக்கானிக் வேலைகளுக்கு ஆள் கிடைக்காமல் அலைவது குறையும்.

என்ன வேலை பார்க்கிறோம் என்பதல்ல முக்கியம் ?

என்ன வேலை பார்க்கிறோம் என்பதல்ல முக்கியம் ?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக