வீழ்ந்த விமானத்தின், கடைசி 3 நிமிடங்கள்!

தாமு · தாமு Tue May 31, 2011 6:17 am

விமானத்தின் கடைசி 3 நிமிடங்களில் காக்பிட்டில் இருந்த எந்த பட்டனும் விமானிகளால் அழுத்தப்பட்டிருக்கவில்லை.
பாரிஸ், பிரான்ஸ்: இரண்டு வருடங்களுக்குமுன் விபத்துக்குள்ளான ஏர் பிரான்ஸ் விமானம் எப்படி விபத்துக்குள்ளானது என்ற விபரங்கள் கொஞ்சம் கொஞ்சமாக வெளிவரத் தொடங்கியுள்ளன. அட்லான்டிக் சமுத்திரத்துக்குள் மூழ்கிவிட்ட விமானத்தின் பாகங்களை பலத்த முயற்சியின்பின் இப்போதுதான் வெளியே கொண்டுவரத் தொடங்கியுள்ளார்கள்.

விமானத்தின் பிளாக் பாக்ஸ் பழுதடையாமல் கிடைத்துள்ளது. அதிலுள்ள தரவுகள் ஆராயப்பட்டு வருகின்றன.

விபத்து எப்படி நடைபெற்றது என்ற விபரங்கள், இன்னமும் முழுமையாக வெளியாகவில்லை. கிடைத்த சில விபரங்களில் இருந்து, விமானம் கடலில் மூழ்கிய நிமிடத்தில், அதன் விமானிகள், காக்பிட்டுக்குள்தான் இருந்திருக்கின்றனர் என்பது உறுதியாகியுள்ளது.

ஆனால், அவர்கள் அந்த நிமிடத்தில் விமானத்தைச் செலுத்தும் நிலையில் இருக்கவில்லை.

விமானம் கடலில் மூழ்கிய நிமிடத்தில், விமானம் விமானிகளின் கன்ட்ரோலில் இருக்கவில்லை. அவர்கள், விமானத்தின் எந்த சுவிட்சையும் கையாண்டிருக்கவில்லை. விமானத்தின் கடைசி 3 நிமிடங்களில் காக்பிட்டில் இருந்த எந்த பட்டனும் அல்லது சுவிட்சும் விமானிகளால் அழுத்தப்பட்டிருக்கவில்லை.

விமானிகள் காக்பிட்டுக்குள் இருந்திருக்கிறார்கள் என்பது, விமானம் விழத் தொடங்கியபோது அவர்களது குரல் பிளாக் பாக்ஸில் பதிவாகியிருப்பதிலிருந்து தெரிகின்றது. ஆனால், கடைசி 3 நிமிடங்களில் அவர்கள் இருவருமே விமானத்தை இயக்கவில்லை.

இது எப்படி நடந்திருக்கலாம்?

இதற்கு ஒரேயொரு சாத்தியம்தான் உள்ளது. விமானத்தின் கடைசி நிமிடங்களில், விமானிகள் தமது சீட்களிலிருந்து பிய்த்து வீசப்பட்டிருக்கலாம்.

விபத்து நடைபெற்ற கணத்தில் விமானம், 38,000 அடி உயரத்தில் பறந்துகொண்டிருந்தது. விபத்துக்குள்ளாகி சரியாக 3.5 நிமிடங்களில் கடலில் மூழ்கியிருக்கின்றது. அதன் அர்த்தம், நிமிடத்துக்கு 11,000 அடி என்ற வேகத்தில் கடலை நோக்கி நோஸ் டைவ் அடித்திருக்கின்றது.

இந்த வேகத்தை எந்த சீட் பெல்ட்டும் தாங்காது.

விமானிகள் தனது சீட்டிலிருந்து பிய்த்து, காக்பிட்டுக்கு உள்ளேயே வீசப்பட்டிருப்பார்கள். அத்துடன் அவர்கள் நினைவிழந்திருக்கக்கூடும். ஒருவேளை நினைவுடன் இருந்திருந்தாலும், சமாளித்து எழுவதற்குள், விமானம் கடலுக்குள் போயிருக்கும்.

தற்போது எடுக்கப்பட்டுள்ள முடிவு, இதுதான்.

கடலுக்குள் இருந்து விமானத்தின் பாகங்களை வெளியே எடுக்கும் பணி இன்னமும் முடியவில்லை. முக்கிய பாகங்கள் அனைத்தும் வெளியே வந்தபின்னர்தான், விபத்து எப்படி நடைபெற்றது என்பது உறுதிப்படுத்தப்படும்..

விறுவிறுப்பு