நுகர்வோர் கோர்ட் உத்தரவிட்டது.

murugesan · murugesan Mon May 30, 2011 7:57 pm

லோன் வழங்காமல் அடமானபத்திரம் மட்டும் எழுதிய வாங்கிய, பொட்டல் புதூர் தொடக்க வேளாண்மை கூட்டுறவு பாங்க் நிர்வாகம், இரு விவசாயிகளுக்கு தலா 28 ஆயிரம் ரூபாய் நஷ்டஈடு வழங்க நுகர்வோர் கோர்ட் உத்தரவிட்டது.அம்பாசமுத்திரம் அருகேயுள்ள வெள்ளிக்குளம் எம்.ஜி.ஆர்.,நகரை சேர்ந்தவர் முருகன். விவசாயி. இவர் கடந்த 2007ம் ஆண்டு உழவு மாடு வாங்குவதற்கு 30 ஆயிரம் ரூபாய் லோன் கேட்டு பொட்டல் புதூர் தொடக்க வேளாண்மை கூட்டுறவு பாங்க்கில் லோன் கேட்டு மனுத்தாக்கல் செய்தார். அவரது மனுவை பரிசீலனை செய்த அதிகாரிகள், அவரது வீட்டை அடமானமாக எழுதி வாங்கினர். ஆனால் குறிப்பிட்ட காலத்திற்குள் அவருக்கு லோன் கிடைக்கவில்லை.இதுகுறித்து கடந்த 2010ம் ஆண்டு கலெக்டரிடம் புகார் மனு அளித்தார். அந்தமனு மீதும் முறையான நடவடிக்கை எடுக்கப்படவில்லை.இதையடுத்து கடந்த 2010ம் ஆண்டு ஜூன் 1ம் தேதி வக்கீல்கள் முருக முரளிதரன், ஆறுமுகராஜ், சுப்பையா மூலம் நுகர்வோர் கோர்ட்டில் முருகன் வழக்கு தொடர்ந்தார். வழக்கை நுகர்வோர் கோர்ட் நீதிபதி ராமச்சந்திரன், உறுப்பினர்கள் பாலசுப்பிரமணியன், ஜெசிந்தா ஆகியோர் விசாரணை நடத்தினர்.வழக்கில், லோன் வழங்கப்படுவதற்கு முன்பே பொட்டல் புதூர் கூட்டுறவு பாங்க் முருகனின் வீட்டை அடமானமாக வாங்கியது தவறு. எனவே அவருக்கு ஏற்பட்ட மன உளைச்சலுக்கு 25 ஆயிரம் ரூபாயும், வழக்கு செலவிற்கு 3 ஆயிரம் ரூபாயும் வழங்க பொட்டல் புதூர் தொடக்க வேளாண்மை கூட்டுறவு பாங்க்கிற்கு நுகர்வோர் கோர்ட் உத்தரவிட்டது.இதுபோல் அதே ஊரைச்சேர்ந்த நாராயணன் என்பவர் தொடுத்த வழக்கிலும் 25 ஆயிரம் ரூபாய் நஷ்டஈடும், வழக்கு செலவிற்கு 3 ஆயிரம் ரூபாயும் வழங்க வேண்டும் எனவும் நுகர்வோர் கோர்ட் உத்தரவிட்டது.

நுகர்வோர் கோர்ட் உத்தரவிட்டது.

நுகர்வோர் கோர்ட் உத்தரவிட்டது.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக