புரோட்டா வாங்குவதில் தகராறு; 25 பேர் மீது வழக்குப்பதிவு

by kitcha Mon May 30, 2011 7:00 pm

மதுரை முனிச்சாலை அருகே உள்ள கான்பாளையம் 1-வது தெருவைச் சேர்ந்தவர் பாலகிருஷ்ணன். இவர் அதே பகுதியில் புரோட்டா கடை வைத்து நடத்தி வருகிறார்.

நேற்று இரவு இஸ்மாயில்புரம் 10-வது தெருவைச் சேர்ந்த அ.தி.மு.க. நிர்வாகி குமார் என்ற பாலையா புரோட்டா வாங்க பாலகிருஷ்ணன் கடையில் காத்திருந்தார்.

அப்போது தெற்கு சட்டமன்ற அ.தி.மு.க. தொகுதி செயலாளர் ராஜபாண்டியனும் புரோட்டா வாங்க வந்தார். இருவரில் யார் முதலில் புரோட்டா வாங்குவது என போட்டி ஏற்பட்டது. இது சிறிது நேரத்தில் வாய்த்தகராறாக மாறியது. மேலும் இருதரப்பினரும் தங்களுடைய ஆதரவாளர்களை சம்பவ இடத்திற்கு வரவழைத்தனர்.

இரு கோஷ்டிகளும் ஒருவரையொருவர் கம்பு, கல் போன்றவற்றால் சரமாரியாக தாக்கி கொண்டனர். பின்னர் இருதரப்பினரும் தாக்கி கொண்டதில் பாலையா மற்றும் ராஜபாண்டிக்கு காயம் ஏற்பட்டது.

இருவரும் சிகிச்சைக்காக மதுரை அரசு ஆஸ்பத்திரியில் சேர்க்கப்பட்டுள்ளனர்.

இது தொடர்பாக இரு தரப்பினரும் கொடுத்த புகாரின்பேரில் தெப்பக் குளம் போலீசார் வழக்குப் பதிவு செய்து கோஷ்டி மோதலில் ஈடுபட்ட 25 பேர் மீது வழக்குப்பிவு செய்து விசாரணை நடத்தி வருகின்றனர்.

அ.தி.மு.க.வினர் ஒரு வருக்கொருவர் தாக்கி கொண்டதால் அந்த பகுதி யில் சிறிது நேரம் பரபரப்பு ஏற்பட்டது.

நக்கீரன்