ஆஸ்கர் விருதை பணம் கொடுத்து வாங்கினேனா.. ரஹ்மான் ஆவேசம்

by kitcha Mon May 30, 2011 2:26 pm

GA_googleFillSlot("tamil-island");

ஆஸ்கர் விருதை பணம் கொடுத்து வாங்கினேனா.. ரஹ்மான் ஆவேசம் 30-ar-rahman300

டெல்லி: ஆஸ்கர் விருதைப் பெற பணம் கொடுத்ததாக எழுந்துள்ள குற்றச்சாட்டுகளை கடுமையாக மறுத்துள்ளார் இசையமைப்பாளர் ஏ ஆர் ரஹ்மான்.

இந்தி பட இசை அமைப்பாளர்களில் ஒருவரான இஸ்மாயில் தர்பார் சமீபத்தில் நாக்பூரில் நிருபர்களுக்கு பேட்டியளித்தபோது, இசை அமைப்பாளர் ஏ.ஆர். ரகுமான் மீது சரமாரியாக குற்றம்சாட்டினார்.

அவர் கூறுகையில், 2008-ம் ஆண்டு வெளியான ஸ்லம்டாக் மில்லினர் படத்துக்காக ஏ.ஆர்.ரஹ்மான் 2 விருதுகளை வாங்கியதில் சந்தேகமாக உள்ளது. விளம்பரத்துக்காக அவர் பணம் கொடுத்து இந்த விருதுகளை வாங்கியுள்ளார் என்றே நினைக்கிறேன்.

உண்மையிலேயே ஏ.ஆர்.ரஹ்மான் திறமை உள்ளவர் என்றால் ரோஜா அல்லது பம்பாய் படத்துக்கு ஆஸ்கார் விருது வாங்கி இருக்க வேண்டியதுதானே? அவர் பணம் கொடுத்துதான் விருது வாங்கினார் என்று எனக்குத் தெரியும், என்றார்.

உடனே அவரிடம் நிருபர்கள் ஏ.ஆர்.ரஹ்மான் மீது நீங்கள் சுமத்தும் குற்றச்சாட்டுக்கு ஏதாவது ஆதாரம் உள்ளதா? எதை வைத்து இந்த குற்றச்சாட்டை சொல்கிறீர்கள்? என்று கேட்டனர்.

அதற்கு இஸ்மாயில் தர்பாரால் ஆதாரத்துடன் பதில் சொல்ல முடியவில்லை. இதையடுத்து இஸ்மாயிலுக்கு பல்வேறு துறையினரும் கடும் எதிர்ப்பு தெரிவித்துள்ளனர். ஏ.ஆர்.ரஹ்மான் மீது தேவை இல்லாமல் புழுதி வாரி தூற்றக்கூடாது என்று இந்திப்பட உலகினர் கூறியுள்ளனர்.

இந்தியர்களுக்கு ஆஸ்கார் விருது மூலம் பெருமை தேடி தந்தவர் ரஹ்மான். அவரை பற்றி இப்படியெல்லாம் பேசக்கூடாது என்று மற்றொரு இசை அமைப்பாளர் லலித் பண்டிட் கூறினார்.

இது தொடர்பாக ஏ.ஆர்.ரஹ்மானிடம் கேட்கப்பட்டது. உடனடியாக அவர் தன் மீதான குற்றச்சாட்டை மறுத்தார். அவர் கூறுகையில், ஆஸ்கார் விருதுகளை யாரும் விலை கொடுத்து வாங்க முடியாது. 3 ஆயிரம் மக்களால் விருதுகள் தேர்வு நடக்கிறது. எப்படி பணம் கொடுத்து வாங்க முடியும், என்றார்.

தட்ஸ்தமிழ்

by **கே. பாலா** Mon May 30, 2011 2:29 pm

வயிற்றெரிச்சல் யாரை விட்டது??? இஸ்மாயில் தர்பார் பொறாமையில் பேசுகிறார் கூடாது

by **அருண்** Mon May 30, 2011 2:30 pm

எல்லாம் பொறாமைதான் தமக்கு கிடைக்கவில்லை நு ஏக்கம் தான்.. ஆறுதல்

by balakarthik Mon May 30, 2011 2:30 pm

ஏம்பா ஆஸ்கார் என்ன கலைமாமணி விருதுணு நினசாரா இல்ல டாக்டர் பட்டமுணு நினசாரா காசு கொடுத்து வாங்க

by **கே. பாலா** Mon May 30, 2011 2:31 pm

balakarthik wrote:ஏம்பா ஆஸ்கார் என்ன கலைமாமணி விருதுணு நினசாரா இல்ல டாக்டர் பட்டமுணு நினசாரா காசு கொடுத்து வாங்க

by கண்ணன்3536 Mon May 30, 2011 2:41 pm

ரங்கீலா படம் வந்தபோது இந்தியில் ரகுமானுக்கு விருது கொடுப்பதாக அழைத்து அவருக்கு கொடுக்காமல் அவமானப்படுத்தினர் இந்தி திரைஉலகத்தினர் .அதற்கு ரகுமான் சொன்னது "எல்லாப்புகழும் இறைவனுக்கே..." வட இந்தியனுக்கு கொஞ்சம் பிரச்சனை தான் .சொந்த அனுபவமோ...தெரியாது அவருக்கு

by ANTHAPPAARVAI Mon May 30, 2011 2:43 pm

இவரது இசையை "காட்டுமிராண்டித் தானம்" என்று விமர்சித்தவர்கள் எல்லாம்,

இவர் "ஆஸ்கர்" வாங்கிய போது வந்து பாராட்டினார்கள்!

மக்களுக்கு இவரது இசை துள்ளலைத் தந்துள்ளது! இதை விட பெரிய விருது எதுவும் இல்லையே...

இவருக்கு முன்னாடியே ஒருத்தர் இந்த விருதை வாங்கி விட்டார்!

அதான் "ஆஸ்கார் ரவிச்சந்திரன்" ஜாலி