என்னவள்

மிதிலா · மிதிலா Wed Jun 22, 2011 7:34 pm

என்னவள்

மின்மினிப்பூச்சிகள் வடம் இழுத்துச் செல்லும் கற்பனை தேர்
அவளது கனவு உலகின் அத்தனை தெருக்களுக்கும் பரிச்சயமே

ஏதோ ஒன்றை ஆதியாய் பற்றி தொடரும் அவளது கதைகள்
அந்தமின்றி தொலைந்து போகின்றன அவளது உறக்கதினுள்

என்றுமே வசந்தம் வீசி களைத்திருக்கும் அவளது கதை காடுகள்
அதில் களைப்பின்றி சுற்றி வருவாள் ராஜகுமாரியாய்

தினமும் நேரம் தள்ளியே வரும் எனது உறக்கம்
தவறுகளோடு அவள் பேசும் மழலைக்காக

ரசிக்கத் தூண்டும் அவளது சின்ன கோபங்கள்
என் பொய்யான அழுகையில் கறைந்து விடுகின்றன

பௌர்ணமி அன்று மட்டுமே ஜொலிக்கும் நிலவிற்கு பொறாமை
தினமும் ஜொலித்திடும் என் மகள் என்னும் நிலவின் மேல்

மஞ்சுபாஷிணி · மஞ்சுபாஷிணி Wed Jun 22, 2011 8:41 pm

ஹௌ ஸ்வீட்.....

மழலைகளின் மொழியை கேட்பதற்கும் மழலைகளின் செயல்களும் நம்மை உலகம் மறக்கச்செய்வது மட்டுமல்ல, நம்முள் புதைந்த சோகங்களை கூட நிவர்த்தி செய்துவிடும் அற்புத சக்தி கொண்ட குட்டி தேவதைகள் தான் மழலைகள்...

அருமையான வரிகள் மிதிலா.... அன்பு வாழ்த்துகள்.