16 வயதினிலே குருவம்மா ஜெயலலிதா!!

**ந.கார்த்தி** · **ந.கார்த்தி** Tue May 31, 2011 1:08 pm

16 வயதினிலே படத்தில் குருவம்மா என்ற ஒரு வாயாடி, எல்லாரையும் அடக்கியாளும் ஒரு கதாபாத்திரம் வரும்.

குருவம்மா என்பது அந்த படத்தின் நாயகி மயிலுவின் தாயாக வரும் கதாபாத்திரம்
ஆகும். இந்த கதாபாத்திரம் முதல்வர் ஜெயலலிதாவோடு மிகவும் பொருந்திவரும்.

செல்வி ஜெயலலிதா பதவி ஏற்றவுடனே முன்னாள் முதல்வர் மு. கருணாநிதி ஆரம்பித்து வைத்த எல்லா செயல்பாடுகளையும் முடக்க வேண்டும்,

அல்லது தொடரக்கூடாது என்ற முடிவில் வரிந்து கட்டிக்கொண்டு பழையபடியே "தான்"
என்ற இறுமாப்பு, முருங்கை மரத்தில் மீண்டும் ஏறும் வேதாளத்தை நினைவு
படுத்துகிறது.

சமச்சீர் கல்வி என்பது மு. கருணாநிதியின் தனி கற்பனையில் விளைந்த திட்டம்
அல்ல. அதுபற்றி பல அமர்வுகள் வைத்து பல படித்த பண்டிதர்களும் அனுபவம்
வாய்ந்த கல்வி அலுவலர்களையும் கொண்டு செயல்பாட்டுக்கு கொண்டு வரப்பட்ட
திட்டமாகத்தான் இருக்கும்.

மு. கருணாநிதி கொண்டு வந்த திட்டமாக இருப்பதால் அதைக்களைந்து தான்
விரும்பும் திட்டத்தை கொண்டுவர விரும்பினால் ஜெயலலிதா நிச்சயமாக பழைய
சாக்கடையிலே கால் பதித்து அரசியலை ஆரம்பிக்கிறார் என்றுதான் அர்த்தம்.

200 கோடிகளை கொட்டி ஆரம்பித்த புதிய சமச்சீர் கல்விக்கான புத்தகங்கள்
ஜெயலலிதாவுக்கோ, கருணாநிதிக்கோ சில்லறை காசுகளாக இருக்கலாம். ஆனால்
எங்களைப்போன்ற பொது மக்களுக்கு அது ஒரு பிரம்மாண்டம்.

புதிய கட்டிடத்திலிருந்து எந்த ஜோசியரின் வழி காட்டுதலின் அடிப்படையில்
மீண்டும் அவசர, அவசரமாக பழைய ஜார்ஜ் கோட்டைக்கே சட்டசபை மாற்றம்
செய்யப்பட்டது என்று தெரியவில்லை.

ஆயிரக்கணக்கான புத்தகங்கள் மீண்டும் முந்தய நூலகத்துக்கே மாற்றம் செய்யப்படுவது, இதனால் எத்தனை புத்தகங்கள் சிதிலமடைந்து போகும்?

அதைபற்றியெல்லாம் யாருக்குக் கவலை? என் பொருளாதாரமா விரயமாகுது? ஆறு கோடி மக்களுடையதுதானே யார் கேட்பது? என்ற அகம்பாவம்.

இங்கு மக்களே அரசு. நீங்கள் 5 வருடங்களுக்குத்தான்... அடக்கி வாசியுங்கள்.
முன்னாள் முதல்வர் வாங்கிய அடி இந்நாள் முதல்வரான நீங்கள் கொடுத்ததல்ல.

அது முதலாவதாக இறைவனும் பின்னர் மக்களும் சேர்ந்து கொடுத்தது. அதே அடியை
நீங்களும் வாங்கலாம். உங்களின் தனிப்பட்ட அரசியல் வக்கிர புத்தியை விளக்கி
வைத்துவிட்டு நேர்மையான எல்லா மக்களுக்கும் ஏற்ற அரசியல் குணத்தை
கையாளுங்கள்.
tmt

அசுரன் · அசுரன் Tue May 31, 2011 1:19 pm

உண்மையிலேயே சமச்சீர் புத்தகங்கள் தரம் குறைந்து தான் இருக்கிறது கார்த்திக். எங்கள் பள்ளியிலிருந்து 2 ஆசிரியர்கள் உயிரியல் அறிவியல் பாடப்புத்தகம் எழுதச்சென்றார்கள். அவர்களின் தகவலின் அடிப்படையில் தான் சொல்கிறேன். மற்றபடி இந்த ஆண்டு சமச்சீர் கல்வியை அமல் செய்துவிட்டு பிறகு பாடங்களை தரம் உயர்த்தியிருக்கலாம்.

இந்த பதிவைத் துவங்கியவர் நன்றி கூறியுள்ளார் அசுரன்

அசுரன் · அசுரன் Tue May 31, 2011 1:21 pm

தமிழகத்தில் சமச்சீர் கல்வி என்பது அனைவருக்கும் ஒரே பாடத்திட்டமாக இருந்திருக்கவேன்டும். ஆனால் மெட்ரிக் பள்ளிகளை மட்டும் மாற்றிவிட்டு சிபிஎஸ்ஈ பள்ளிகள் மற்றும் பன்னாட்டு பள்ளிகளை தமிழகத்துக்குள் வாழவைப்பது மிகவும் தவறான செயல். இவற்றுடன் ஒப்பிடுகையில் சமச்சீர்கல்வி ஸ்டேன்டர்ட் கம்மி தான். உண்மையான அரசாங்கம் மக்கள் மீது அக்கரை இருந்தால் அனைத்து கல்வி முறைகளையும் ஒழித்துவிட்டு வெறும் சமச்சீர் தான் தமிழகத்திற்கு என்று கொண்டு வந்திருக்கவேன்டும்.

அசுரன் · அசுரன் Tue May 31, 2011 1:26 pm

நம்மிடம் நல்ல பைக் ஒன்றும் ஓட்டை சைக்கிள் ஒன்றும் இருக்கிறது. அடுத்த வீட்டுக்காரனிடம் ஏசி காரும் ஒரு எலிகாப்டரும் இருக்கு. நாம சமச்சீர் என்று சொல்லி நம்ம புள்ளைங்களுக்கு புதிய சைக்கிள் வாங்கித்தருகிறோம் என்று வைத்துக்கொண்டால் நாமும் அடுத்த வீட்டுக்காரனும் ஒன்றாக மாட்டோம். சமச்சீர் என்றால் அந்த தெரிவே காருக்கு மாற வேன்டும் அல்லது எலிக்காப்டருக்கு மாற வேன்டும். பழைய நிலையான சைக்கிளுக்கு மாறினால் பின்னால் போவது சைக்கிள் வைத்திருக்கும் வீடு தானே தவிர அடுத்த வீட்டுக்காரன் அல்ல. இங்கு நான் அடுத்த வீட்டுக்காரன் என்று சொன்னது மற்ற பாடத்திட்டங்கள். நம்மிடமுள்ள பைக் என்று சொன்னது நமது மெட்ரிக் முறையை. நீங்களே யோசியுங்கள். எல்லா பள்ளிகளும் சமச்சீர் என்றால் பணம் உள்ளவன் சிபிஎஸ்சி பள்ளிக்கு தாவிவிடுவான் அதனால் வாழ்வடைவதும் வளம் பெறுவதும் மத்திய பள்ளிகளே!

**ந.கார்த்தி** · **ந.கார்த்தி** Tue May 31, 2011 1:30 pm

அசுரன் wrote:நம்மிடம் நல்ல பைக் ஒன்றும் ஓட்டை சைக்கிள் ஒன்றும் இருக்கிறது. அடுத்த வீட்டுக்காரனிடம் ஏசி காரும் ஒரு எலிகாப்டரும் இருக்கு. நாம சமச்சீர் என்று சொல்லி நம்ம புள்ளைங்களுக்கு புதிய சைக்கிள் வாங்கித்தருகிறோம் என்று வைத்துக்கொண்டால் நாமும் அடுத்த வீட்டுக்காரனும் ஒன்றாக மாட்டோம். சமச்சீர் என்றால் அந்த தெரிவே காருக்கு மாற வேன்டும் அல்லது எலிக்காப்டருக்கு மாற வேன்டும். பழைய நிலையான சைக்கிளுக்கு மாறினால் பின்னால் போவது சைக்கிள் வைத்திருக்கும் வீடு தானே தவிர அடுத்த வீட்டுக்காரன் அல்ல. இங்கு நான் அடுத்த வீட்டுக்காரன் என்று சொன்னது மற்ற பாடத்திட்டங்கள். நம்மிடமுள்ள பைக் என்று சொன்னது நமது மெட்ரிக் முறையை. நீங்களே யோசியுங்கள். எல்லா பள்ளிகளும் சமச்சீர் என்றால் பணம் உள்ளவன் சிபிஎஸ்சி பள்ளிக்கு தாவிவிடுவான் அதனால் வாழ்வடைவதும் வளம் பெறுவதும் மத்திய பள்ளிகளே!

உண்மை தான் அண்ணா 16 வயதினிலே குருவம்மா ஜெயலலிதா!! 678642