இசைஞானி மீது இசைக்கலைஞர்கள் கோபம்!

**ந.கார்த்தி** · **ந.கார்த்தி** Mon May 30, 2011 11:36 am

இசைக்கலைஞர்களை மட்டம் தட்டிப் பேசியதாக இசைஞானி இளையராஜா மீது
குற்றச்சாட்டு எழுந்துள்ளது. சமீபத்தில் தனியார் தொலைக்காட்சி நடத்திய
நிகழ்ச்சி ஒன்றில் கலந்து கொண்ட இளையராஜா பேசிய பேச்சுத்தான் இப்போது
இசைக்கலைஞர்கள் மத்தியில் சூட்டைக் கிளப்பியுள்ளது.
அப்படியென்ன பேசினார் ராஜா? கடந்த சில வருடங்களாகவே வெவ்வேறு மேடைகளில்
பேசிவரும் வார்த்தைகளைதான் அன்றும் பேசியிருக்கிறார் அவர். ஹங்கேரி
இசைக்கலைஞர்களை நான் அழைத்து வந்து பயன்படுத்துகிறேன். அது ஏன் என்று
பலரும் கேட்கிறார்கள். அவர்களை போல இங்குள்ளவர்களால் வாசிக்க முடியாது.
அதனால்தான் பயன்படுத்துகிறேன், என்றாராம்.
இளையராஜா ஒருகாலத்தில் டாப்பில் இருந்தபோது ஹங்கேரி இசைக்கலைஞர்களா
வந்து வாசிச்சாங்க. நாங்கதானே வாசிச்சோம். இன்னும் சொல்லப் போனா அப்போது
அவரது பாடல்கள் மக்களை கவர்ந்த மாதிரி இப்போது கவரவில்லையே. அவர் சொல்வது
போல அந்த கலைஞர்கள்தான் பெஸ்ட் என்றால் பாடல்களும் அப்படி இருக்கணுமே, ஏன்
இல்லை? ஹங்கேரி இசைக்கலைஞர்களை வாழ்த்தி பேசட்டும். அதற்காக எங்களை மட்டம்
தட்டணுமா என்று குமுறுகிறார்கள், இசைக்கலைஞர்கள்!தமிழ் சினிமா

மகா பிரபு · மகா பிரபு Mon May 30, 2011 11:40 am

காலம் செய்த கோலமிது

அப்துல்லாஹ் · அப்துல்லாஹ் Mon May 30, 2011 11:54 am

இசைஞானியின் அந்தப் பேட்டியை நானும் பார்த்தேன் ஸ்டார் விஜய் யில் வந்தது. நீங்கள் குறிப்பிடுவதும் இந்த நிகழ்ச்சியைத்தான் என்று நினைக்கிறேன். அவருக்கு என்ன பிரச்சினையோ அன்னைக்கு எல்லாரையும் பிடித்து விளாசினார்.
அழகர் சாமியின் குதிரை திரைப்படம் பற்றிய ஒரு கலந்துரையாடல் அது.