எனக்கும், கடவுளுக்குமான பிரச்சினைகள் .

**rameshnaga** · **rameshnaga** Sun May 29, 2011 4:32 pm

எனது-
எல்லாக் கனவுகளும், வேதனைகளும்,
மெதுவாய் மரம் ஏறி -முடிச்சுகளாகின்றன
கோவில் மரங்களில்.
வெகு தூரம் பாத யாத்திரை செய்கின்றன;
மலை ஏறுகின்றன; கிரிவலம் வருகின்றன;
தெரு முனையில் ஒரு -
தோப்புக்கரணத்தில் துவங்கி
கயிலாயத்தின் உச்சிப் பனி வரை சென்று
உறைகின்றன;
ஒரு பத்துப் பைசா கற்பூரத்தின் ஒளியில்-
மெதுவாய் கீழிறங்கி
கை கூப்பி, வலி இறக்கி,
அடைக்கலமாகின்றன யாரும் அறியாத பாதங்களில்.

balakarthik · balakarthik Sun May 29, 2011 4:51 pm

`

இந்த பதிவைத் துவங்கியவர் நன்றி கூறியுள்ளார் balakarthik

மஞ்சுபாஷிணி · மஞ்சுபாஷிணி Sun May 29, 2011 4:55 pm

கவிதைகள் ஒவ்வொன்றும் ஒரு கதை சொல்வது போல் அத்தனை அற்புதமாக இருக்கிறது ரமேஷ்.. பிரச்சனைகள் என்றும் நாமாக வரவழைத்துக்கொள்பவை... நாம் முதலிலேயே ஒதுங்கி இருந்துவிட்டால் பிரச்சனைகள் எந்த ரூபத்திலும் நம்மை நாடுவதில்லை.. தாமரை இலை நீர் போல இருக்க தான் மனிதனால் முடியாமல் போய்விடுகிறது. அதிகப்படியான பாசமும் அன்பும் வைப்பதால் பிரச்சனைகளும் மேலெழுகிறது. இறைவனின் பால் அன்பை செலுத்திவிட்டால் பிரச்சனைகளும் போயே போச்ச்.

அன்பு வாழ்த்துக்கள் ரமேஷ்.