அறுபதாம் கல்யாணம் எதற்காக கொண்டாட வேண்டும்?

by சதாசிவம் Sun May 29, 2011 11:38 am

First topic message reminder :

இன்று நாம் ஒரு நிறுவனம் தொடங்கி 5 ஆண்டுகள்,10 ஆண்டுகள் நிறைவு ஆனவுடன் அதை சிறப்பான விழாவாக கொண்டாடுகிறோம். இதை போலவே நாம் சிறப்பாக கொண்டாட வேண்டிய ஒன்று நம் பெற்றோர்களின் அறுபதாம் கல்யாணம்.

அறுபதாம் கல்யாணத்தின் சிறப்புகள் என்ன? அதை எதற்காக கொண்டாட வேண்டும்?

தமிழ், தெலுங்கு மற்றும் பல இந்திய மாநிலங்களில் பயன்படுத்தபடும் ஆண்டுகள் மொத்தம் 60.
இவை

01.	பிரபவ	31.	ஹேவிளம்பி
02.	விபவ	32.	விளம்பி
03.	சுக்ல	33.	விகாரி
04.	பிரமோதூத	34.	சார்வரி
05.	பிரசோற்பத்தி	35.	பிலவ
06.	ஆங்கீரச	36.	சுபகிருது
07.	ஸ்ரீமுக	37.	சோபகிருது
08.	பவ	38.	குரோதி
09.	யுவ	39.	விசுவாசுவ
10.	தாது	40.	பரபாவ
11.	ஈஸ்வர	41.	பிலவங்க
12.	வெகுதானிய	42.	கீலக
13.	பிரமாதி	43.	சௌமிய
14.	விக்கிரம	44.	சாதாரண
15.	விஷு	45.	விரோதகிருது
16.	சித்திரபானு	46.	பரிதாபி
17.	சுபானு	47.	பிரமாதீச
18.	தாரண	48.	ஆனந்த
19.	பார்த்திப	49.	ராட்சச
20.	விய	50.	நள
21.	சர்வசித்து	51.	பிங்கள
22.	சர்வதாரி	52.	காளயுக்தி
23.	விரோதி	53.	சித்தார்த்தி
24.	விக்ருதி	54.	ரௌத்திரி
25.	கர	55.	துன்மதி
26.	நந்தன	56.	துந்துபி
27.	விஜய	57.	ருத்ரோத்காரி
28.	ஜய	58.	ரக்தாட்சி
29.	மன்மத	59.	குரோதன
30.	துன்முகி	60.	அட்சய

ஒரு மனிதன் பிறந்த ஆண்டு மீண்டும் 60 வருடங்கள் கழித்து தான் திரும்ப வரும். மனிதனின் தீர்க்க ஆயுள் என்று கூறப்படுவது 120 ஆண்டுகள். இந்த ஆயுள் காலத்தை 9 கிரகங்கள் ஆட்சி செய்கின்றனர். இவை முறையே சூரியன் - 6 ஆண்டுகள், சந்திரன் - 10 ஆண்டுகள், செவ்வாய் - 7 ஆண்டுகள், இராகு -18 ஆண்டுகள், குரு - 16 ஆண்டுகள், சனி - 19 ஆண்டுகள், புதன் -17 ஆண்டுகள், கேது - 7 ஆண்டுகள், சுக்ரன் - 20 ஆண்டுகள். 120 ஆண்டுகள் வாழ்வது என்பது அனைவராலும் ஆகாத ஒன்று. இதனால் 60 ஆண்டுகள் பூர்தியானதை விழாவாக கொண்டாடுகிறோம். இதன் பிறகு லௌகீய (materialistic life) வாழ்க்கையில் இருந்து விடுதலை பெற்று, இறைவனின் திருத்தலங்கள் செல்லுதல், இறை சிந்தனை ஆகிய ஆன்மிக வாழ்க்கையை (spiritual life) நாம் வாழ வேண்டும்.

இவ்விழாவின் பொழுது ஆயுள் வளர்க்கும் பூஜைகள் செய்யப்படுகிறது. எமனை வதம் செய்து மார்கண்டேயனுக்கு முக்தி அளித்த இடம் திருக்கடையூர். இங்கு அறுபதாம் கல்யாணம் விழா மற்றும் பூஜை சிறப்பாக நடை பெறுகிறது.

ஆயுலில் குறை உள்ளவர்கள், உயிர் காக்கும் ஆபரேஷன் செய்பவர்கள் இந்த கோவிலுக்கு சென்று வழிபட்டால் அவர்களின் ஆயுள் நீடிக்கும் என்பது கண் கண்ட உண்மை. அபிராமி பட்டர் அருளிய கால சம்ஹார மூர்த்தி பதிகத்தையும் படிக்கலாம்.

by balakarthik Sun May 29, 2011 12:00 pm

மஞ்சுபாஷிணி wrote:ஆம் ஷஷ்டியப்த பூர்த்தி = 60 வயது
சதாபிஷேகம் = 80 வயது

அப்போ தமனாபிசேகம் எத்தனாயாவது வயது

by மஞ்சுபாஷிணி Sun May 29, 2011 12:01 pm

balakarthik wrote:
மஞ்சுபாஷிணி wrote:ஆம் ஷஷ்டியப்த பூர்த்தி = 60 வயது
சதாபிஷேகம் = 80 வயது

அப்போ தமனாபிசேகம் எத்தனாயாவது வயது

டிசம்பர்ல உன் கல்யாணம் இருக்குல்ல? அதான் தமனாபிஷேகம் அப்ப உன் வயசு எத்தனையோ அத்தனை தான்..... அறுபதாம் கல்யாணம் எதற்காக கொண்டாட வேண்டும்? - Page 2 224747944

by balakarthik Sun May 29, 2011 12:03 pm

மஞ்சுபாஷிணி wrote:
balakarthik wrote:
மஞ்சுபாஷிணி wrote:ஆம் ஷஷ்டியப்த பூர்த்தி = 60 வயது
சதாபிஷேகம் = 80 வயது

அப்போ தமனாபிசேகம் எத்தனாயாவது வயது

டிசம்பர்ல உன் கல்யாணம் இருக்குல்ல? அதான் தமனாபிஷேகம் அப்ப உன் வயசு எத்தனையோ அத்தனை தான்.....

அதாவது 13 வயசு சரியா

by மஞ்சுபாஷிணி Sun May 29, 2011 12:05 pm

ஆமாம் அதே அதே.... அறுபதாம் கல்யாணம் எதற்காக கொண்டாட வேண்டும்? - Page 2 224747944

by ANTHAPPAARVAI Sun May 29, 2011 12:10 pm

balakarthik wrote:
மஞ்சுபாஷிணி wrote:ஆம் ஷஷ்டியப்த பூர்த்தி = 60 வயது
சதாபிஷேகம் = 80 வயது

அப்போ தமனாபிசேகம் எத்தனாயாவது வயது

ரோபோ ரஜினி மாதரி, உங்களுக்கு மட்டும், உடனே எப்படித்தான் ஒவ்வொரு எழுத்தும் தனித்தனியா தெரியுதோ....

(சதா, தமனா!)

by மகா பிரபு Sun May 29, 2011 12:53 pm

அருமையான தகவலை பகிர்ந்தமைக்கு நன்றி நண்பா.

by சதாசிவம் Sun May 29, 2011 8:27 pm

சதாபிஷேகம் - 80 வயது என்பது தவறு. ஷஷ்டியப்த என்ற
சொல் 60 ஆம் எண்ணை குறிக்கும். அதுபோல் சதம் என்ற
சொல் 100 ஆம் எண்ணை குறிக்கும். நடைமுறையில் 100 வயது வரை வாழ்பவர்கள் இல்லை. ஆதலால் இதை 80 வயதில் கொண்டாடுகின்றனர். இந்த வயதுகள் பூர்த்தி ஆன பின்பு நம் கஷ்டங்கள் விலகவும் செய்த பாவங்கள்
விலகவும் சாந்தி ஹோமம் செய்யப்படுகிறது. அதனால் இது சாந்தி என்றும்
அழைக்கப்படுகிறது. . தம்பதியாக இருப்பவர்கள் இந்த சாந்தி செய்த பின்பு, ஆயுள் ஹோமம், மற்றும் திருமண விழா கொண்டாடுகின்றனர்.

60 வயதை - உக்ராத சாந்தி
70 வயதை - பீமராத சாந்தி
75 வயதை - விஜயராத சாந்தி
100 வயதை - ஷதாபிஷேக சாந்தி - இது தற்போழ்து 80 வயதில் கொண்டாடப்படுகிறது.

என்று அழைக்கப்படுகிறது.