மறைந்தும் சம்பாதிக்கும் மைக்கேல் ஜாக்சன்

மீனு · மீனு Thu Sep 10, 2009 12:31 pm

மறைந்தும் சம்பாதிக்கும் மைக்கேல் ஜாக்சன்

பாப் இசை உலகின் சக்கரவர்த்தியாக விளங்கிய மைக்கேல் ஜாக்சன் இறந்த பின்னரும் அவரது பாடல்களுக்கான �மவுசு� குறையவில்லை. இதனால் 2010ஆம் ஆண்டில் அதிக வருவாய் ஈட்டும் நட்சத்திரங்களின் வரிசையில் அவர் முதலிடம் பிடிப்பார் என கணிக்கப்பட்டுள்ளது.

மைக்கேல் ஜாக்சனின் த்ரில்லர் (Thriller) ஆல்பம் நடப்பாண்டில் இதுவரை 240 மில்லியன் டாலர் வருவாய் ஈட்டியுள்தாகவும், அவரது மற்றொரு இசை ஆல்பமான ப்ளாக் ஆர் ஒய்ட் (Black or White) விற்பனை சூடுபிடித்துள்ளதாகவும் கான்டாக்ட்மியூசிக் நிறுவனம் தெரிவித்துள்ளது.

இதே ரீதியில் மைக்கேல் ஜாக்சனின் பாப் இசை ஆல்பங்களின் விற்பனை தொடர்ந்தால் 2010ஆம் ஆண்டில் அதிக வருவாய் ஈட்டிய நட்சத்திரங்களின் வரிசையில் ஜாக்சன் முதலிடம் பிடிப்பார் என்றும் கணிக்கப்பட்டுள்ளது.

மைக்கேல் ஜாக்சன் இறப்பதற்கு முன் AEG நிறுவனம் ஏற்பாடு செய்திருந்த �திஸ் இஸ் இட்� என்ற இசை நிகழ்ச்சியில் பாடுவதற்கு ஒப்புக்கொண்டார். ஆனால் அந்த நிகழ்ச்கி நடைபெறுவதற்கு முன்பாகவே மைக்கேல் ஜாக்சன் மரணமடைந்தார்.

இந்நிலையில், �திஸ் இஸ் இட்� நிகழ்ச்சிக்காக மைக்கேல் ஜாக்சன் மேற்கொண்ட நடன ஒத்திகையின் வீடியோ காட்சிகளை திரைப்படமாக வெளியிட AEG நிறுவனம் திட்டமிட்டுள்ளதாக தகவல்கள் தெரிவிக்கின்றன.