காதலே உனக்கு ஒரு கடிதம்.

Jiffriya · Jiffriya Fri 27 May 2011 - 18:37

காதலர்களின் இதயத்தை திங்கிராய்
காதலர்களின் கண்ணீரை குடிக்கிறாய்
கண்களிலே உருவெடுக்கிறாய்
கல்லறையிலேயே உன் ஆட்சியை முடிக்கிறாய்

ஆரம்பத்திலே இனிக்கிறாய்
காலம் செல்ல செல்ல வாழ்கையை வலிக்கிறாய்
காதலே உனக்கு
இதயம் இல்லையோ ?

உன்னை சரணடைந்த சில மனங்கள்
பிரிவை சந்தித்து ஆங்காங்கே
அழுது கண்ணீர் வடிக்கும்
ஓசை உன் செவிகளுக்கு கேட்கவில்லையோ?

உன் மேல் வழக்கு போட
சட்டத்தில் ஒரு இடமில்லை
தோல்வி கண்ட இதயங்களின் நினைவுகளை
நீக்கிவிட மருத்துவத்தில் இடமுமில்லை

உன்னை அழிக்க உலகத்தில்
எந்த படையும் இல்லை
உன்னை சரணடைய
எந்த மனமும் இதுவரை மறந்ததில்லை

இரு இதயங்களை இணைப்பதட்காக
பல இதயங்களை பிரித்து விடுகிறாய்
பெண்களின் இதயத்தில்
மௌனத்தை ஊற்றுகிறாய்

ஆண்களின் நெஞ்சில்
கண்ணீர் துளிகளை விதைக்கிறாய்
அன்பெனும் உருவெடுத்து
கடைசியில் அனலாக மாறுகிறாய்

நிலவிலும் சென்று
விஞ்யானிகள் ஆரய்ச்சி செய்கிறார்கள்
ஆனால் கனவிலும் கூட உன்னை
ஆராய்ச்சி செய்து பார்க்க

யாரும் நினைத்ததே இல்லை
கரணம் என்னவோ இதுவரை புரியவே இல்லை
காதலே ! ஒரு நிமிடம் திரும்பிப்பார்
கண்ணீர் வடிக்கும் உள்ளங்களை
தானாகவே உணர்ந்துகொள்வாய்
வலி தாங்கும் நெஞ்சங்களை

உலகில் வாழும் எவராலும்
உன்னை திருத்த முடியாது என்கையில்
என்னால் மாத்திரம் எவ்வாறு முடியும்
ஆயினும் ஒரு தடவை உன்னிடம் கேட்க்கிறேன்

காதலே !உன் கொலை தொழிலை விட்டுவிடு
உன்னை சரணடைந்துள்ள
நெஞ்சங்களை நிம்மதியாக வாழ விடு...

முகமட் அஸ்மி.