அமெரிக்காவின் மிகச் சிறிய நகரம்: மொத்த சனத்தொகை ஒரு நபர்

First topic message reminder :



அமெரிக்காவின் மிகச் சிறிய நகரான மொனாவியில் ஒரே ஒரு நபர் மட்டும் தான் வசிக்கின்றார் என்பதை உங்களால் நம்ப முடிகின்றதா?

77 வயதான எல்சி எலியர் என்னும் பெண் தான் அந்த நபர். இந்த நகரத்தில் பெரும்பாலான கட்டிடங்கள் நொருங்கிக் கீழே விழுந்துவிட்ட போதிலும் எல்சி மட்டும் அங்கே வாழ்வைக் கொண்டு செல்கின்றார்.

இந்த நகரின் தேவாலயத்தில் கடைசியாக இடம்பெற்ற நிகழ்வு எல்சியினுடைய அப்பாவின் இறுதிச் சடங்கு தான். இந்தச் சம்பவம் நடந்து தற்போது 50 ஆண்டுகள் ஆகிவிட்டது.



எல்சி ஒரு மது சாலையில் பணியாற்றுகிறார். இவர் ஒருவர் தான் தொழிலாளி என்பதாலும் நகரில் இந்த மதுசாலை மட்டும் தான் இருப்பதாலும் எல்சியின் பியர் வியாபாரம் நன்றாக நடக்கிறது. இந்த நகரைக் கடந்து செல்லும் மக்களில் எவரேனும் எல்சியின் மதுசாலையில் தமது வாகனத்தை நிறுத்திவிட்டு பியர் அருந்திச் செல்வர்.





இந்த நகரின் தெருக்கள் உண்மையில் தெருக்கள் போன்றே காட்சியளிக்கவில்லை. புற்களும் மரங்களும் வளர்ந்து ஒரு சிறிய பாதை போன்றே காட்சியளிக்கிறது. 1930ஆம் ஆண்டுப் பகுதியில் கூட இந்த நகரில் மொத்தமாக வெறும் 150 பேர் தான் வசித்து வந்தனர். மூன்று தசாப்தங்களாக இந்த நகரத்துப் பள்ளிக்கூடத்தில் மாணவர்கள் எவரும் இல்லை.





எல்சி தன்னுடைய பொழுதினை இங்குள்ள வாசகசாலையில் தான் கழிக்கின்றார். இந்த வாசகசாலையில் 5000 புத்தகங்கள் உள்ளன. பெரும்பாலான புத்தகங்கள் எல்சியின் இறந்து போன கணவருடையது. எல்சி மிகச் சிறியவளாக இருந்தபோது அவளது கணவரை முதலில் இங்குள்ள பாடசாலையில் தான் சந்தித்தார்.





எல்சிக்காக நீங்கள் கவலைப்பட வேண்டாம். அவர் அந்த நகரத்தை நேசிப்பதால் தான் அங்கேயே இருக்கிறார். அந்த நகரின் மேயரும் எல்சி தான். தனக்கு தானே எல்சி வரியினை செலுத்தி அந்நகரின் தெரு விளக்கினை திருத்தியுள்ளார். எல்சிக்குத் தெரியும், தன்னைத் தானே கவனித்துக் கொள்ள முடியாத சந்தர்ப்பம் ஏற்படும் போது மற்றவர்களைப் போன்றே தானும் அவ்விடத்தை விட்டுச் செல்ல வேண்டும் என்று.




ஆனால், அதுவரை அவர் அங்கேயே இருந்து அந்த மதுசாலையை நடத்திக்கொண்டு வாழ்வை அனுபவிப்பார்.



படம் இங்க்கே

http://www.vanakkamnet.com/%e0%ae%85%e0%ae%ae%e0%af%86%e0%ae%b0%e0%ae%bf%e0%ae%95%e0%af%8d%e0%ae%95%e0%ae%be%e0%ae%b5%e0%ae%bf%e0%ae%a9%e0%af%8d-%e0%ae%ae%e0%ae%bf%e0%ae%95%e0%ae%9a%e0%af%8d-%e0%ae%9a%e0%ae%bf%e0%ae%b1%e0%ae%bf/