குழந்தைத் தொழிலாளர்கள்

by **சிவா** Thu Sep 10, 2009 3:35 am

குழந்தைத் தொழிலாளர்கள்

குழந்தைத் தொழிலாளர்கள் Child-worker1

தாய் வணக்கமும்
தமிழ் வணக்கமும்
தள்ளி வைக்கப்பட்டது.. ..
ஆம்!..

துக்கம் கூறும் போது
வணக்க சம்பிரதாயங்களை
என் வாய் உச்சரிக்க மறுக்கிறது!

இது கண்ணீர்!
கானல் நீரல்ல.. ..
மழலைகளின் கண்ணீரை
எழுதிப் பிழைக்கும்
எழுத்து வியாபாரியல்ல நான்!
மழலைகளின் விசுவாசி
மனித நேயச் சிறைவாசி !

தெருவெல்லாம் தீபாவளி
வீதியெல்லாம் வெளிச்ச வெள்ளம்
இதோ!-

இந்த இருட்டிலுள்ள
மழலைகளின் முகத்தில்
இரசாயன மாற்றமாய்
முதுமையின் முகவரிகள்!
இல்லையில்லை-
தலைவிதியை
தவறாய் எழுதியவனின்
புரியாத வரி வடிவங்கள்!..

இவர்களை நினைத்தால்.. ..
இதயம் வலிக்கிறது !

வாடிய பயிர்களுக்கு
வாடிய வள்ளலாரின்
கொள்கைகளை-
வடலூர் அடுப்பிலேயே
எரிய விட்டு விட்டோம்!

அஹிம்சையை போதித்த
உத்தமர் காந்தியின்
உடலைத் தானே துப்பாக்கி துளைத்தது?
அஹிம்சையைக் கூடவா
சுட்டுப் பொசுக்கி விட்டோம்?..

அன்பை போதித்த
இயேசுவைத் தானே
சிலுவையிலறைந்து மரிக்கச் செய்தோம்?
அன்புமா மரித்துப் போனது?..

இவைகளை நினைத்தாலும்
இதயம் வலிக்கிறது !..

குழந்தைத் தொழிலாளர்கள் Cambodia_child_labour_25

குழந்தைத் தொழிலாளர்கள் Cambodia_child_labour_25

by **சிவா** Thu Sep 10, 2009 3:38 am

குழந்தைத் தொழிலாளர்கள் 388181_jpg_72415t

மழலைகளின் புன்னகையை,
பூரித்துப் பார்த்திருக்கிறாயா?..
போதி மரம் தெரிகிறதா?..
யாராலும் மொழிபெயர்க்க முடியாத
ஒரு இலக்கியத்தைக் கண்டாயா?..
உன்னைப் பார்த்தும்
ஒரு ஓவியம் சிரித்ததா?..
அந்த
மழலை நந்தவனத்தையா
மயான பூமியாக்கத் துடிக்கிறாய்?..

மனிதனே!
வாழ்க்கைப் புயல்வீச்சில்
வறுமைப் பஞ்சுகள் உன்
காதுகளை அடைத்து விட்டதா?..
இந்த மழலைச் சங்கீதங்களை
மரண வாசலிலா
அபஸ்வரம் மீட்டச் சொல்கிறாய்?..

மரணத்திற்குத் தானே
கண்ணில்லை?..
மனிதனே!.. உனக்கென்ன?..

உலகில் சிறந்த
ஓவியங்களைத் தீட்டும்
இந்த-
தூரிகைகளை ஏன்
துடப்பங்களாக்கத் துடிக்கிறாய்?..

சரித்திரத்தின் பக்கங்களை
ஒப்பற்ற சிற்பங்களாய்
உருமாற்றம் செய்யும்
உளிகளையா ஊனமாக்கத் துடிக்கிறாய்?..

வெட்கப் படுங்கள் வேர்களே!
உங்கள்
விழுதுகளை அழுக விட்டதற்கு!

துக்கப்படுங்கள் தோழர்களே!
இவர்கள்
எதிர்காலம் தொலைத்து விட்டதற்கு!

கடற்கரை யோரத்தில்
காதலியின் கதகதப்பில்
சுண்டல் விற்கும் சிறுவனின்
சோகத்தை என்றாவது
சுண்டலுடன் அசை போட்டதுண்டா?
அந்த சுண்டல் விற்பவனின்
கண்ணீர்.. ..
கடல் நீரை விட உப்புக் கரிப்பதை
என்றேனும் உணர்ந்ததுண்டா?..

பூ விற்கும் சிறுமியை
"ஏய்.. பூ!" என்றழைத்து
நீ பூ வாங்கிக் கொடுக்க,
புன்னகைப்பாளே உன் பூவை-
அந்த நிமிடத்திலாவது
பூக்கார சிறுமியின்
வாட்டத்தை என்றாவது
கேட்டதுண்டா?

குழந்தைத் தொழிலாளர்கள் IndiaChildLabor450

குழந்தைத் தொழிலாளர்கள் IndiaChildLabor450

by **சிவா** Thu Sep 10, 2009 3:40 am

குழந்தைத் தொழிலாளர்கள் 2979512240_485773cf58

உன் நண்பனின் திருமண நாளுக்கு
பரிசுப் பொருள் வாங்க
காதலியோடு கை கோர்த்து
கடைவீதியெங்கும் நடை போட்டு
பளபளக்கும் பாத்திரங்களைப்
பார்த்தபடி வருவாயே-
அப்போது, அதைப் பளபளக்கச் செய்த
கைகளைப் பார்த்ததுண்டா நீ?..
அப்படி பளபளக்கச் செய்துவிட்டு
பொலிவிழந்து போய்
நாய்கள் கூட
மனிதனென்று ஒப்புக் கொள்ளாமல்
துரத்திய கதை கேட்டதுண்டா?..

சுற்றித் திரிந்த களைப்பு நீங்க
சூடாகக் காப்பி சாப்பிட
ஓட்டலுக்குள் நுழைந்து
இட்லியும் சாம்பாரும் மனம் பரப்ப
இட்லியின் நடுவில்
வேகாத பகுதியைத்
தொட்டுக் காட்டும் காதலிக்காய்
மனமுடைந்து போனவரே!-
என்றேனும்
தண்ணீர் தந்த சிறுவனையும்
எச்சில் எடுக்கும் சிறுவனையும்
நினைத்ததுண்டா?..
அவர்களின் வெந்த மனங்களைத்தான்
படித்ததுண்டா?..

இவையெல்லாம் முடிந்து
வீட்டில் நுழையுமுன்னே-
"அம்மா!-
மளிகைச் சீட்டு காலையில் கொடுத்தேனே
வந்து விட்டதா?" எனக் கேட்பீரே-
அங்கு-

"மூச்சிரைக்கத் தூக்கி வந்த சிறுவனுக்கு
மோர் கொடுத்தாயா?.." அட-
"நீராவது கொடுத்தாயா?" எனக்
கேட்டதுதான் உண்டா?

இப்படி
சுண்டல் காரனாய், பூக்காரியாய்,
பாலீஷ் போடுபவராய்
எச்சில் எடுப்பவனாய்
குப்பை பொறுக்குபவனாய்
இன்னும் எத்தனை எத்தனை முகமூடிகள்!?..

சுதந்திர இந்தியாவில்
இவர்கள் மட்டுமென்ன
நிரந்தர அடிமைகள்?..
இந்தப் பாவிகளை யார் இரட்சிப்பது?

குழந்தைத் தொழிலாளர்கள் Child_labour_indian_child_labourers_4d

குழந்தைத் தொழிலாளர்கள் Child_labour_indian_child_labourers_4d

by **சிவா** Thu Sep 10, 2009 3:42 am

அறியாமையால் கல்லாதிருந்தால்
இவர்கள் குற்றவாளிகள்!
அடித்தும் திருத்தலாம்!
ஆனால்-
இவர்களை, வறுமைக்கும் பட்டினிக்கும்
பெற்றெடுத்த குற்றவாளிகள்
நீங்கள்!

எனவே-
துக்கப் படுங்கள் தோழர்களே!
இவர்கள் எதிர்காலம்
தொலைத்து விட்டதற்கு!

இந்த விஞ்ஞான யுகத்திலும்
அக்னிக் குஞ்சுகள்
அஞ்ஞாத வாசம் செய்வதா?
சோதனைக் குழாய்கள்
குஞ்சு பொரித்தாலும்,
இன்குபேட்டர் கள்
அடை காத்தாலும்,
மழலை அடிமைகள்
என்பது மட்டும்
மறுமொழியில்லாத நிரந்தரமா?

வயதுக்கு மீறிய வருமான மென
வாய் பிளக்காதீர்! அது
கொழுத்த யானைகள்
ருசிக்கு தின்ற போது
சிதறிய கவளங்கள்!

இந்த எரிமலை நெருப்பு
நான் நத்தையாய்
சுமந்து வரும் நீர்க்குடங்களால்
அணையாது!
கறுப்படிந்து கிடக்கும்
மழலை அடிமைகளின்
வாழ்க்கையைத் தூக்கி நிறுத்தத்
தோள் கொடுங்கள்!

அந்த
மெல்லினக் கூட்டத்தைக்
குத்தகை கொண்டோரின்
குறுமதி அறுக்க
வாள் எடுங்கள்!..

- ப. சத்திய நாராயணன்.

குழந்தைத் தொழிலாளர்கள் 6900zk

by mathans Thu Sep 10, 2009 6:46 am

[b]இக் குழந்தைகலேய் பாக்கவே மனது பொறுக்குதில்லை நமக்கு
அனால் நமது தாய் நாட்டிலோ யாரும் கேப்பார் இல்லாமல் நம் தமிழ் மக்களெய் சிங்களவன் கொன்னு குவிக்குறான் அதுக்காவது ஊர் உலக நாடு சிங்களவனை வன்மெயா கண்டிக்கவாவது வேண்டாமா?
இந்த கொடுமையை எங்கே போய்
[/b]

by Sponsored content

குழந்தைத் தொழிலாளர்கள்

குழந்தைத் தொழிலாளர்கள்

Re: குழந்தைத் தொழிலாளர்கள்

Re: குழந்தைத் தொழிலாளர்கள்

Re: குழந்தைத் தொழிலாளர்கள்

Re: குழந்தைத் தொழிலாளர்கள்

Re: குழந்தைத் தொழிலாளர்கள்