உயிர் காக்கும் நீச்சல் கற்போம்

நீச்சல் கற்றுக் கொள்வது மிகவும் அவசியம். படகு விபத்து நடக்கும்போது, நீச்சல் தெரிந்தால் நம் உயிரை காப்பாற்றிக் கொள்வதோடு, மேலும் பலரின் உயிரையும் காப்பாற்றி விடலாம். நீச்சலே தெரியாத நெசவு தொழிலாளி ஒருவர் அணையில் மூழ்கிய 4 பேரை உயிருடன் மீட்டிருக்கிறார். ஆனால் அவர் சுழலில் சிக்கி தண்ணீரில் மூழ்கி பலியாகி விட்டார். காஞ்சிபுரத்தில் இருந்து 50 பேர் கொண்ட குழுவினர் திருப்பூர் மாவட்டம் திருமூர்த்தி மலைக்கு சுற்றுலா வந்தனர். திருமூர்த்தி அணையில் குளித்துக்கொண்டிருந்த போது சரிதா, அனிதா மோகனா, சங்கீதா ஆகிய 4 பேரை தண்ணீர் இழுத்து சென்றது.

அவர்களுடன் வந்த தேவராஜ் என்பவர் உடனடியாக தண்ணீரில் குதித்தார். நீச்சல் தெரியாத நிலையிலும் துணிச்சலுடன் 3 பெண்களை காப்பாற்றினார். தண்ணீரில் மூழ்கி தவித்த சிறுமி அனிதாவை தேவராஜ் போராடி காப்பாற்றினார். ஆனால் எதிர்பாராதவிதமாக தேவராஜ் சுழலில் சிக்கிக்கொண்டார். தண்ணீரில் தத்தளித்த அவர் கண்ணிமைக்கும் நேரத்தில் நீரில் மூழ்கி பலியானார். தேவராஜின் சொந்த ஊர் காஞ்சிபுரம் தாயார்குளம். நெசவு தொழிலாளி. மனைவியும், ஒரு மகளும் உள்ளனர். மீட்கப்பட்ட அனிதாவின் தாய் கூறுகையில், ‘தண்ணீரில் மூழ்கிய மகளை காப்பாற்ற சொல்லி கதறினேன்.

அவள் கைகளை பிடித்து தூக்கி தேவராஜ் காப்பாற்றிவிட்டார்’ என கண்ணீர்மல்க கூறினார். மீட்கப்பட்ட 4 பேரையும் உடுமலை அரசு மருத்துவமனையில் சந்தித்து ஆறுதல் கூறிய உடுமலை எம்எல்ஏ ஜெயராமன் 4 பேரை காப்பாற்று வதற்காக அணையில் குதித்து பலியான தேவராஜுக்கு தீரச்செயல் விருது வழங்கவும், அவரது குடும்பத்துக்கு முதல்வர் நிவாரண நிதி வழங்கவும் அரசிடம் பரிந்துரை செய்வதாக உறுதி அளித்துள்ளார். கிராமங்களில் பிறந்து வளர்பவர்கள் ஆறு, ஏரி, குளம், கிணறு என தேடிப்போய் நீச்சல் கற்றுக் கொள்கிறார்கள். ஆனால் அதெல்லாம் இல்லாத சிட்டியில் இருப்பவர்கள் நீச்சல் பற்றி அறியாமலே வளர்கிறார்கள்.

சென்னையில் அரசு நீச்சல் குளங்களில் 12 நாளில் நன்றாக நீச்சல் கற்றுக் கொடுக்கிறார்கள். பள்ளி விடுமுறை தினங்களில் பயிற்சிக்கு போகலாம். ஆனால் அதில் மாணவர்கள் ஆர்வம் காட்டுவதில்லை. பள்ளிகளில் மாணவர்கள் விளையாட மைதானமே இருப்பதில்லை. எனவே அங்கு நீச்சல் கற்றுக்கொள்ள வழியில்லை. உயிர் காக்கும் நீச்சலை பிள்ளைகள் கற்றுக் கொள்ள பெற்றோர் தான் முயற்சி எடுக்க வேண்டும். ஆபத்தான நேரங்களில் நீச்சல் கைகொடுக்கும்.


தமிழ் முரசு

பகிர்ந்தமைக்கு நன்றி அண்ணா
கிராமங்களில் எல்லாம் நான்கு வயதிற்க்கு முன்பே நீச்சல் கற்று கொடுக்கிறார்கள் இங்கு நீச்சல் குளங்கள் இல்லை ஆனால் வாய்க்கால்கள்,கிணறுகளில் தான் பழகுகிறார்கள் நீச்சல் என்பது அருமையான பொழுதுபோக்காக கோடை காலங்களில் உள்ளது

உண்மை நண்பா

தேவராஜ்ஜின் செயல் பாராட்டதக்கது

அவரை நாம் நிச்சயம் பாராட்ட வேண்டும்

அனைவரும் கண்டிப்பாக நீச்சல் கற்க வேண்டும் .

நல்ல முயற்சி தகவலுக்கு நன்றி தாமு ஜீ
அவரை நாம் நிச்சயம் பாராட்ட வேண்டும்