இந்தியாவின் டெஸ்ட் தகுதியை இங்கிலாந்தில் நிரூபிக்க வேண்டும்

by பாலாஜி Thu May 26, 2011 9:46 pm

இந்தியா டெஸ்ட் தரநிலையில் முதலிடம் பிடித்தது இந்தியாவில் பெரும்பாலும் பெற்ற வெற்றிகளினாலேயே, இதனால் அயல்நாட்டில் டெஸ்ட் தொடரை வென்று இந்தியா நிரூபிக்க வேண்டியுள்ளது என்று இயன் போத்தம் தெரிவித்துள்ளார்.

"இந்தியா நம்பர் 1 இடத்தைப் பிடித்தது தங்கள் உள்நாட்டில் நல்ல முறையில் கிரிக்கெட் ஆட்டத்தை வெளிப்படுத்தியதினாலேயே. ஆனால் அவர்கள் வங்கதேசத்தையும், நியூசீலாந்தையும் மட்டுமே அயல்நாட்டில் டெஸ்ட் தொடரில் வீழ்த்தியுள்ளனர். அதாவது கடந்த 6 அயல்நாட்டு கிரிக்கெட் பயணங்களில் இந்தியா இந்த இடண்டு தொடர்களைத்தான் வென்றுள்ளது. எனவே இந்தியா இங்கிலாந்தில் நிரூபிக்க வேண்டியுள்ளது என்று கூறுகிறார் போத்தம்.

ஜூலை மாதம் இந்திய அணி இங்கிலாந்து பயணம் மேற்கொண்டு 3ஆம் நிலையில் உள்ள அந்த அணியை 4 டெஸ்ட் போட்டிகளில் சந்திக்கிறது.

அதேபோல் இயன் போத்தம் ஐ.சி.சி. யின் தரவரிசைக் கோட்பாட்டின் மீது நம்பிக்கை கொண்டவரல்ல என்பதையும் தெரிவித்தார். இங்கிலாந்துட்னான் சிறந்த டெஸ்ட் அணி. ஸ்ட்ராஸ் தலைமையில் கடைசி 6 தொடர்களில் வெற்றி பெற்றுள்ளது. இங்கிலாந்து அணிதான் சிறப்பான டெஸ்ட் கிரிக்கெட் ஆட்டத்தை வெளிப்படுத்தி வருகிறது என்று கூறுகிறார் போத்தம்.

- வெப்துனியா