இன்பமும் துன்பமும்

pirasha · pirasha Fri 3 Jun 2011 - 8:21

எண்ணங்களெல்லாம் - ஏன்

எம்முள்ளே உருவாகின
எம்மை அறியாமல்
எல்லை அற்று விரிகின்றன
அவை தினம் தினம்...

ஏக்கங்களுக்குள்ளே
தாக்கு பிடிக்காது
சிக்கித் தவிக்கும்
மனம் இதற்காய்
எல்லையை உருவாக்க
எண்ணங்களை முந்தியே
விரைதிட்ட போதிலும்
அங்கேயும் முடியவில்லை

ஒருவித ஊக்கம்
உள்ளுக்குள் உத்வேகம்
சிற்சில மாற்றம்
சில நேரம் தயக்கம்
சொற்ப நேரத்தில்
செயலுடன் இணைந்தே
சிந்தையும் பயணிக்குது

முயற்சியால் புரட்சியில்
எழுச்சி பெற்றிட்ட
எண்ணங்களால் என்றுமே
புன்னகை முகத்தினிலே
பிறர் எழுச்சியில்
வீழ்ச்சியே எண்ணிடும்
நெஞ்சங்கள் முகத்தில்
எள்ளளவில் கூட எங்கையும்
காணவில்லை இன்பத்தில்

எழுவதில் தவறில்லை
எண்ணங்கள் பலவும் - அதை
ஏற்று நடப்பவர்
கைகளில் உள்ளது
இன்பமும் துன்பமும்

.................................................
-தோழி பிரஷா-
http://pirashathas.blogspot.com/
.................................................

**rameshnaga** · **rameshnaga** Fri 3 Jun 2011 - 12:29

அன்புள்ள சகோதரி!
கவிதை நன்றாயிருக்கிறது!
இன்னமும் கவிதை வாசிப்பை அதிகப் படுத்தினால்
உங்கள் கவிதையின் தரம் நிச்சயம் மிகச் சிறந்ததாக மாறும் !
என் வாழ்த்துக்கள். அன்புடன் ரமேஷ் நாகா.

செய்தாலி · செய்தாலி Sat 4 Jun 2011 - 14:41

எழுவதில் தவறில்லை
எண்ணங்கள் பலவும் - அதை
ஏற்று நடப்பவர்
கைகளில் உள்ளது
இன்பமும் துன்பமும்

இன்பமும் துன்பமும் அவரவர் ஆளுமைகளில் உள்ளது என்பதை மிக அருமையாக சொல்லி இருக்கீங்க

கவிதை மிக அருமை தோழி பாராட்டுக்கள்
உங்கள் சிறந்த சிந்தனைகளை இங்கே பகிருங்கள் தோழி

ஈகரையில் உங்களை அறிமுகம் செய்து கொள்ளுங்கள்

Sponsored content · Sponsored content

இன்பமும் துன்பமும்

இன்பமும் துன்பமும்

Re: இன்பமும் துன்பமும்

Re: இன்பமும் துன்பமும்

Re: இன்பமும் துன்பமும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக