விழிகளிங்கு தவமிருக்கிறது...

ஹாசிம் · ஹாசிம் Sun Jun 05, 2011 10:06 am

என்னவனே என்னுயிரே
துயில் தேடும் கண்களோடு
தனிமையின் தவிப்பில்
விழிகளிங்கு தவமிருக்கிறது

பஞ்சணையில் தனித்து
பருவத்தின் வெம்பலில்
மோகத்தின் வேட்கையோடு
காலத்தை வசைபாடுகிறேன்

என்னெதிரே காட்சிதந்து
எனக்கென்று வேதமுரைத்து
என்னோடிருந்த நிம்மதியை
காதலனாய் திருடிச்சென்றாயே

தொட்டபோது ஸ்பரிசத்தையும்
(முத்தம்)இட்டபோது தாகத்தையும்
விட்டபோது தேடலையும்
நிரந்தரமாய் தேவையாக்கினாயே

நீ என்னோடு உள்ளபோது
உணர்ந்திடாத உணர்வுகளை
நித்திரை தொலைத்திங்கு
அசைபோடச் செய்கிறதே...

ரபீக் · ரபீக் Sun Jun 05, 2011 10:07 am

ஹாசிம் · ஹாசிம் Sun Jun 05, 2011 10:11 am

[quote="ரபீக்"] குஓட்டே
நன்றி றபீக் விழிகளிங்கு தவமிருக்கிறது... 678642

செய்தாலி · செய்தாலி Sun Jun 05, 2011 10:22 am

மனதை வருடும் கவித்துவமான அழகுமிகுந்த கவிதை
இல்லறத்தை இரசித்து உணர்ந்தவர்களுக்கு ஆயிரம் அர்த்தங்கள் சொல்லும் வரிகள்
இதமான தமிழை கொண்டு கோர்க்கப்பட்ட கவித்துவ வரிகளில் பெண்மையின் ஏக்கம்

வாசிக்கையில் இனிக்கிறது உங்கள் தமிழ்
வாழ்த்துக்கள் பாராட்டுக்கள் தோழரே

இந்த பதிவைத் துவங்கியவர் நன்றி கூறியுள்ளார் செய்தாலி

முரளிராஜா · முரளிராஜா Sun Jun 05, 2011 10:25 am

என் விழிகளும் தவமிருக்கிறது உங்கள் கவிதைகளுக்காக சூப்பருங்க

ஹாசிம் · ஹாசிம் Sun Jun 05, 2011 11:35 am

செய்தாலி wrote:மனதை வருடும் கவித்துவமான அழகுமிகுந்த கவிதை
இல்லறத்தை இரசித்து உணர்ந்தவர்களுக்கு ஆயிரம் அர்த்தங்கள் சொல்லும் வரிகள்
இதமான தமிழை கொண்டு கோர்க்கப்பட்ட கவித்துவ வரிகளில் பெண்மையின் ஏக்கம்

வாசிக்கையில் இனிக்கிறது உங்கள் தமிழ்
வாழ்த்துக்கள் பாராட்டுக்கள் தோழரே

மிக்க நன்றி சகோ

ஹாசிம் · ஹாசிம் Sun Jun 05, 2011 1:47 pm

முரளிராஜா wrote:என் விழிகளும் தவமிருக்கிறது உங்கள் கவிதைகளுக்காக

கண்டிப்பாக பலன்கிடைக்கும் தோழரே நன்றிகள்

அப்துல்லாஹ் · அப்துல்லாஹ் Sun Jun 05, 2011 3:02 pm

நல்ல கவிதை
காதலில் தலைவியின் மென்மையான தாபம் கலந்த ஒரு மௌன யுத்தம். மலர்ப் பஞ்சணையும் மைவிழியும் தலைவன் அருகில் இல்லாத வெறுமையைக் கட்ட எழுத்தினால் செய்யப்பட்ட ஒரு கண்ணாடி..

மஞ்சுபாஷிணி · மஞ்சுபாஷிணி Sun Jun 05, 2011 4:03 pm

ஏக்க வரிகள் மிக அருமை ஹாசிம்....

வெளிநாடு செல்லும் கணவன்கள்.....
பிரிந்திருக்கும் மனைவியின் கண்ணீர் துளிகள்....
நிதம் நிதம் நித்திரை தொலைக்கும் இணைகள்....
ஒருவர்பால் ஒருவர் கொண்ட அன்பையும் காதலையும் மெல்ல அசைப்போட்டு
கனவுகளும் கற்பனைகளும் மட்டுமே வளர்க்கும் கண்ணீர் காவியங்கள் இதோ இங்கு கவிதையாக....

மிக மிக அருமையான வரிகள் ஹாசிம்..... சூப்பருங்க