பாடசாலை அதிபர்களுக்கும் எதிர்வரும் நாட்களில் இராணுவப் பயிற்சி: கல்வியமைச்சின் செயலாளர்

NAKKEERAN · NAKKEERAN Thu May 26, 2011 4:50 pm

பாடசாலை அதிபர்களின் செயற்திறனை அதிகரிக்கும் வகையில் அவர்களுக்கும் எதிர்வரும் நாட்களில் இராணுவப் பயிற்சியினை வழங்க கல்வியமைச்சு தீர்மானித்துள்ளது.
கொழும்பு இசிபத்தனை தேசிய பாடசாலையில் நேற்று நடைபெற்ற வைபவமொன்றில் கலந்து கொண்டு உரையாற்றும் போதே கல்வியமைச்சின் செயலளார் எச்.எம். குணசேகர மேற்கண்ட தகவலை வெளியிட்டுள்ளார்.

பாடசாலை அதிபர்களின் செயற்திறன் அதிகரிக்கப்பட்டால் தான் பாடசாலைகளின் கல்வித்தரம் அதிகரிக்கும். அதனை நோக்காகக் கொண்டு பாடசாலை அதிபர்களுக்கும் மூன்று மாத இராணுவப் பயிற்சியொன்று மிக விரைவில் வழங்கப்படவுள்ளது.

பாடசாலை அதிபர் மட்டுமன்றி பாடசாலையின் ஆசிரியர்கள் மற்றும் ஆசிரியைகளும் கூட செயற்திறன் கொண்டவர்களாக இருக்க வேண்டும். பாடசாலை மதிலால் ஏறிப்பாய வேண்டிய சந்தர்ப்பமொன்றை எதிர்கொண்டால் அதனையும் செய்யத் தயாராக இருக்க வேண்டும். மாணவர்கள் அங்கும் இங்குமாக ஒளித்துத் தப்பியோட முனையும் போது அவர்களை விரட்டிப் பிடிக்கக் கூடியவர்களாக, அதற்கான உடற்தகுதி கொண்டவர்களாக அதிபரும் ஆசிரியர்களும் இருக்க வேண்டும்.

அதற்கென முதற்கட்டமாக ஆயிரம் பாடசாலைகளின் அதிபர்கள் தோ்ந்தெடுக்கப்பட்டு இராணுவத்தினரின் மேற்பார்வையின் கீழ் பயிற்சிகக் வழங்கப்படவுள்ளனர். அவர்களுக்கான பயிற்சிகள் ரன்டம்பை இராணுவ முகாமில் வைத்து வழங்கப்படும் என்றும் கல்வியமைச்சின் செயலாளர் மேலும் தெரிவித்துள்ளார்.

NAKKEERAN · NAKKEERAN Thu May 26, 2011 4:57 pm

ஹி ஹி ஹி.. இனி இப்பிடியும் வந்தாலும் வரும்- கர்ப்பிணித்தாய்மார் ராணுவப் பயிற்சி எடுத்தாதான் பிரசவ வலியை தாங்கும் சக்தி கிடைக்கும். வந்து பயிற்சி எடுங்கோ எண்டு.

பாடசாலை அதிபர்களுக்கும் எதிர்வரும் நாட்களில் இராணுவப் பயிற்சி: கல்வியமைச்சின் செயலாளர்

பாடசாலை அதிபர்களுக்கும் எதிர்வரும் நாட்களில் இராணுவப் பயிற்சி: கல்வியமைச்சின் செயலாளர்

Re: பாடசாலை அதிபர்களுக்கும் எதிர்வரும் நாட்களில் இராணுவப் பயிற்சி: கல்வியமைச்சின் செயலாளர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக