நானும், நீயும், சில காயங்களும் .

by **rameshnaga** Thu May 26, 2011 12:21 pm

நீ விட்டுச் சென்ற இசைக் குறிப்புகளைத்
தேடியலைகிறது பறவை தன் மொழியோடு -நானும்;
நீ நடந்து சென்ற தடம் தேடி அலைகிறோம் நானும் -
நீ நீர் ஊற்றிய செடியின் புதிய வேர்களும்;
உன் பார்வைக்கு ஏங்கி வால் குழைத்து வளைகிறது
நீ வளர்த்த சிறு மிருகமும் ;
எனது கண்களும்.
காற்றில் வரும் உன் வாசனையை நுகர
தினம் மலர்கிறது பூ.
இரவு மட்டும் வரும் நிலவில்
உன் முகத்தை மட்டும் தேடுகிறேன் நான்.
இரவும் அற்று, பகலும் அற்று,
முட்களால் நகரும் காலத்தால் -
காயப்படுகிறோம் நானும் -
நீ மட்டும் உறைந்த கண்களும்.

by செய்தாலி Thu May 26, 2011 12:25 pm

கவிதை நல்லா இருக்கு தோழரே பாராட்டுக்கள்
தொடர்ந்து எழுதுங்க வாழ்த்துக்கள்

உங்களை ஈகரையில் அறிமுகம் செய்யுங்கள் நண்பா

by **Manik** Thu May 26, 2011 12:33 pm

அருமையான கவிதை சூப்பர் நண்பா நானும், நீயும், சில காயங்களும் . 677196

செய்தாலி அண்ணா சொன்னது போல் அறிமுகம் செய்து கொள்ளுங்கள் நண்பா நானும், நீயும், சில காயங்களும் . 678642

by கலைவேந்தன் Thu May 26, 2011 1:23 pm

அருமையான வரிகள்... வாழ்த்துகள் நண்பரே..!

by மஞ்சுபாஷிணி Thu May 26, 2011 1:33 pm

மொழிப்பெயர்ப்பு கவிதை போலிருக்கிறதே ரமேஷ்?

அருமையான கவிதை.... அன்பு வாழ்த்துக்கள்.

by ஜாவிட் ரயிஸ் Tue May 31, 2011 1:49 pm

rameshnaga wrote:நீ விட்டுச் சென்ற இசைக் குறிப்புகளைத்
தேடியலைகிறது பறவை தன் மொழியோடு -நானும்;
நீ நடந்து சென்ற தடம் தேடி அலைகிறோம் நானும் -
நீ நீர் ஊற்றிய செடியின் புதிய வேர்களும்;
உன் பார்வைக்கு ஏங்கி வால் குழைத்து வளைகிறது
நீ வளர்த்த சிறு மிருகமும் ;
எனது கண்களும்.
காற்றில் வரும் உன் வாசனையை நுகர
தினம் மலர்கிறது பூ.
இரவு மட்டும் வரும் நிலவில்
உன் முகத்தை மட்டும் தேடுகிறேன் நான்.
இரவும் அற்று, பகலும் அற்று,
முட்களால் நகரும் காலத்தால் -
காயப்படுகிறோம் நானும் -
நீ மட்டும் உறைந்த கண்களும்.

நல்ல கவிதை... வாழ்த்துக்கள்...
கவிதையின் கட்டமைப்பிலும் குறியீட்டு பிரயோகத்திலும் எனக்கு
உடன்பாடில்லை...
இலக்கிய புலிகளே... என் கருத்து பிழையாக இருந்தால் தயவு செய்து என்னை
திருத்தவும்.

by Guest Tue May 31, 2011 3:04 pm

by Jiffriya Tue May 31, 2011 3:17 pm

அழகான கவிதை வாழ்த்துக்கள்.. சூப்பருங்க

by **rameshnaga** Tue May 31, 2011 3:31 pm

அன்புள்ள ஜாவித்,
உங்களின் முழுமையான விமர்சனத்தை, மிகுந்த ஆவலுடன் எதிர் பார்க்கிறேன்-
எனது எல்லாப் படைப்புகளுக்கும்.
அது, எனது, படைப்பாக்கத்தில் உள்ள தவறுகளை திருத்திக்கொள்ள ஏதுவாய்
இருக்கும்.

அன்புடன் நன்றி !
ரமேஷ்.

by ஜாவிட் ரயிஸ் Tue May 31, 2011 4:07 pm

ரமேஷ்!

சில வேலை என் கருத்து பிழையாக கூட இருக்கலாம். எனவே என் கருத்தை
இன்னொருவரேனும் ஏற்றுக்கொள்ளதவரை நான் எதிர் விமர்சனம் செய்வது தவறு. நான்
உங்கள் படைப்பில் குறைகாண முயற்சிக்கவில்லை சகோ.. படைப்பு அருமையாக
இருக்கிறது. குறியீடுகள் பயன்படுத்தப்பட்ட விதத்திலும் கட்டமைப்பிலும் தான்
நான் முரண்படுகிறேன்.