மருந்து விற்பனை பிரதிநிதிகளுக்குபதவி உயர்வு அளிக்க வேண்டும் ஆக.17ம் தேதி "ஸ்டிரைக்'

**ந.கார்த்தி** · **ந.கார்த்தி** Wed May 25, 2011 5:29 pm

திருநெல்வேலி:பதவி உயர்வு அளிக்காத நிறுவனங்கள் மீது நடவடிக்கை எடுக்க வலியுறுத்தி வரும் ஆகஸ்ட் மாதம் 17ம் தேதி வேலைநிறுத்த போராட்டம் நடத்த மருந்து விற்பனை பிரதிநிதிகள் முடிவு செய்துள்ளனர்.இதுகுறித்து நெல்லை கலெக்டர் அலுவலகத்தில் மருந்து மற்றும் விற்பனை பிரதிநிதிகள் சங்க செயலாளர் சுப்பையா தலைமையில் பலர் அளித்த மனுவில் தெரிவித்துள்ளதாவது:நெல்லை மாவட்டத்தில் உள்ள 650க்கும் மற்பட்ட மருந்து மற்றும் விற்பனை பிரதிநிதிகள் உள்ளனர். இவர்களுக்கு பதவி உயர்வு வழங்காமல் இருந்து வரும் நிர்வாகங்களின் மீது நடவடிக்கை எடுக்க வேண்டும். தொழில் தகராறு சட்டத்தை நடைமுறைப்படுத்த விற்பனை அபிவிருத்தியை மத்திய அரசு அறிவிக்க வேண்டும். பெண் மருந்து விற்பனை பிரதிநிதிகளுக்கு 6 மாதங்கள் பேறு கால விடுப்பு அளிக்க வேண்டும்.இந்திய பெரு மருந்து நிறுவனங்களை பன்னாட்டு மருந்து நிறுவனங்களுடன் இணைப்பதை தடுக்க நடவடிக்கை எடுக்க வேண்டும். அத்யாவசிய மருந்துகளின் விலை நிர்ணயித்தலில் அரசு தலையிட்டு மிக குறைந்த விலையில் உயிர் காக்கும் மருந்துகளை பொதுமக்களுக்கு கிடைத்திட வழி வகை செய்ய வேண்டும்.இவ்வாறு அந்த மனுவில் தெரிவிக்கப்பட்டுள்ளது.இக்கோரிக்கைகளை வலியறுத்தி வரும் ஆகஸ்ட் மாதம் 17ம் தேதி அகில இந்திய அளவில் வேலைநிறுத்த போராட்டம் நடத்தவும் முடிவு செய்யப்பட்டுள்ளது.
இதில் நிர்வாகிகள் தங்க வேலாயுதம், துணை செயலாளர் பால தண்டாயுதபாணி, ராமசாமி, ராஜதுரை, சீதாராமன் உட்பட பலர் கலந்து கொண்டனர்.
தினமலர்

மருந்து விற்பனை பிரதிநிதிகளுக்குபதவி உயர்வு அளிக்க வேண்டும் ஆக.17ம் தேதி "ஸ்டிரைக்'

மருந்து விற்பனை பிரதிநிதிகளுக்குபதவி உயர்வு அளிக்க வேண்டும் ஆக.17ம் தேதி "ஸ்டிரைக்'

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக