கண்கலங்கிய கலைஞர் - கவலைப்படும் கனிமொழி !

தாமு · தாமு Wed 25 May 2011 - 18:00

அப்பா என்னைக் கண்டதும் கண்கலங்கினார் என, திஹார் சிறையில் கலைஞர் சந்தித்தது தொடர்பாக கனிமொழி எம்.பி தனியார் தொலைக்காட்சிச் செய்தியாளரிடம் தெரிவித்தாகத்

தமிழகச் செய்தித் தகவல்கள் சில தெரிவிக்கின்றன. டில்லி சிறப்பு நீதிமன்றத்தில் நேற்று செவ்வாய்க்கிழமை கனிமொழி ஆஜர்படுத்தப்பட்ட போது, அவரை சகோதரரும், முன்னாள் துணை முதல்வருமான ஸ்டாலின் நீதிமன்ற அறையில் சந்திப்பேசினார்.

இச்சந்திப்பின் போது முன்னாள் மத்திய அமைச்சர் ஆ.ராசா, கலைஞர் டி.வி நிர்வாக இயக்குநர் சரத்குமார் ஆகியோரையும் சந்தித்து உரையாடினார். சுமார் 30 நிமிடங்கள் வரையில் அவர்களுடன் உரையாடிய பின், அங்கு வந்த கனிமொழியின் வழக்கறிஞர் சண்முகசுந்தரம் அவர்களுடன் வழக்குத் தொடர்பான விவரங்களைக் கேட்டறிந்தார். கனிமொழியின் கணவர் அரவிந்தன், சரத்குமார் மனைவி ஆகியோரிடமும் ஸ்டாலின் நலம் விசாரித்தார்.

பின்னர் நீதிமன்ற அறையில் தனியார் தொலைக்காட்சி செய்தியாளரிடம் கனிமொழி பேசிய போது, நேற்று சிறையில் தந்தையார் வந்து சந்தித்ததாகவும், சந்திப்பின் போது, அவர் மிகவும் வேதனையுடனும், சோர்ந்து போயும் காணப்பட்டதாகவும் தன்னைக் கண்டதும் அவர் கண்கலங்கியதாகவும் குறிப்பிட்டார். அவரது முதுமையான வயதில் இதுபோன்ற சூழ்நிலைகளை அவர் எதிர்கொள்ள வேண்டியிருப்பது மிகவும் கவலை அளிப்பதாகவும், குறிப்பிட்டதாகத் தெரிவிக்கப்படுகிறது.

கனிமொழி நீதிமன்ற அறையில் இருந்தபோது, திமுகவின் முன்னாள் அமைச்சர்கள் பொன்முடி, துரைமுருகன், ஆகியோரும் தாயார் ராஜாத்தி அம்மாள், மற்றும் மத்திய அமைச்சர் டி.ஆர்.பாலு ஆகியோரும் சந்தித்து உரையாடியதாகவும் தெரிய வருகிறது. கனிமொழியைச் சந்தித்த பின் ஸ்டாலின், கலைஞர், ஆகியோர் சென்னை திரும்பியிருப்பதாகவும் தெரிய வருகிறது.

4tm