பிரிவுக்குப் பின் - 1, 2, 3, 4, 5, 6, 7, 8, 9 மற்றும் 10-வது வாரம்

by வித்யாசாகர் Wed Sep 09, 2009 10:06 pm

First topic message reminder :

சகலமானவர்களுக்கும் அறிவிப்பது என்னவென்றால்..,

தாய் திருநாட்டில் தன் மனைவியை விட்டுவிட்டு (தொழில் புருஷ லட்ச்சனமென) வெளிநாடுகளில் விதியென்று நினைத்து தன் மனைவி, குழந்தைகளை.. குடும்பத்தை பிரிந்து வந்து வாழும் ஒரு கணவனின்.., நம்மை போன்ற சக மனிதனின் வலி என்னவாயிருக்குமென்பதை "நீதியின் குரல் என்ற" தமிழிதழில் தொடர் கவிதையாக 10 மாதம் எழுதி வந்திருந்தேன். அக்கவிதைகளை நம் ஈகரையிலும் பதிவு செய்ய இருக்கிறேன்.

வாரம் ஒரு கவிதையென பத்து வாரங்கள் வரை வெளிவரும். இடை இடையே கொசுறுக் கவிதைகளோடு வெளிவரும். தங்கள் ஆதரவும் விமர்சனமும் தொடர்ந்து இருக்குமென நம்புகிறேன்.

தலைப்பு : "பிரிவுக்குப் பின்"

இக்கவிதைக்கான காரணம், நம்மோடு இருக்கும் உறவுகளின் அருமை இருக்கும் போதே புரிவதின் பேரில் குடும்பம் நலம்பெறும் என்பதால்.

வெறும், மனைவி.. கொஞ்சம் குழந்தைகள்.. கொஞ்சம் தேசமென, தன் அன்பை பிரிந்ததின் வலியது.

என் மனைவி செல்லம்மா பிரசவத்திற்கென தாயகம் சென்றிருக்கையில் வலித்து வலித்து எழுதியது..

வரும் வெள்ளியிலிருந்து ஈகரையில் காணுங்கள்.

உங்களின் ஆஹா தான் என் எழுத்துக்களை கவிதையாக்கும், தவறிருப்பின் தெரிவிப்பதும், நன்றாக இருப்பின் உற்சாகப் படுத்துவதுமான விமர்சனம் தான் என்னைப் போன்றோரை நல்ல கவிஞர்களாக வைத்திருக்குமென்பதை தாழ்மையுடன் தெரிவிக்கிறேன்.

அதற்கும் முன் என் சிரந்தாழ்ந்த நன்றிகளும் வணக்கமும் ஈகரைக்கு உரித்தாகட்டும்!

மனமின்றி.. விடைபெறுகிறேன்!

by ரூபன் Mon Sep 21, 2009 4:05 am

by வித்யாசாகர் Mon Sep 21, 2009 5:31 pm

உனக்கும் எனக்குமொரு
ஒப்பந்தம்.

இன்றிரவு எட்டு மணிக்கு
நீயும் வெளியே -
வந்து நில்;
நானும் -
நிற்கிறேன்;

நம் முகம்
தெரியாவிட்டாலென்ன,

நிலவிற்காவது
நம்முகம் -
ஒருசேர தெரியட்டுமே!!
------------------------
பிரிவுக்குப் பின்

by பிரகாஸ் Mon Sep 21, 2009 5:35 pm

நிலவிற்காவது
நம்முகம் -
ஒருசேர தெரியட்டுமே!! பிரிவுக்குப் பின் - 1, 2, 3, 4, 5, 6, 7, 8, 9 மற்றும் 10-வது வாரம் - Page 10 677196

by மீனு Mon Sep 21, 2009 9:06 pm

வித்யாசாகர் wrote:உனக்கும் எனக்குமொரு
ஒப்பந்தம்.

இன்றிரவு எட்டு மணிக்கு
நீயும் வெளியே -
வந்து நில்;
நானும் -
நிற்கிறேன்;

நம் முகம்
தெரியாவிட்டாலென்ன,

நிலவிற்காவது
நம்முகம் -
ஒருசேர தெரியட்டுமே!!
------------------------
பிரிவுக்குப் பின்

வித்யாசாகர் .. யாருக்கு இப்போ இந்த கவிதை மூலம் செய்தி தெரிவிக்கின்றீகள்.. நமக்கு கவிதை சொல்வது போல யாருக்கோ செய்தி சொல்லப் பட்டு இருப்பதாக மீனுவுக்கு தெரிகின்றது.. சரி சரி எட்டு மணிக்கு தெரிந்து விடும்..பொறுத்து இருந்துதான் பார்ப்போமே ..

by வித்யாசாகர் Mon Sep 21, 2009 9:23 pm

என் கவிதைகள் தனி ஒரு நபருக்கு மட்டுமானதல்ல மீனு, ஆனால் அவருக்குமானது.

பிரிவுக்குப் பின் மொத்தமும் செல்லம்மா ஊரில் இருந்த போது செல்லம்மாவை நினைத்து எழுதியது.

by வித்யாசாகர் Sat Sep 26, 2009 12:14 pm

நேற்று வெள்ளிக் கிழமை ஆயிற்றே., பிரிவுக்குப் பின்-3 தர மறந்து விட்டேன்.. சற்று பொறுங்கள்.., அந்த மனைவியை ஊரில் விட்டு வெளி நாட்டில் விதியென எண்ணித் தவிக்கும் அந்த கணவர்களுக்கு சமர்பனமான கவிதையுடன் வருகிறேன்.

சகோ.. ஒருமுறை சொன்னார் எல்லாம் பிரிவும் வருத்தத்திற்குரியதல்ல என்று; உண்மை தான். பிரிவென்பதே நம்மை இன்னும் சற்று கூடுதல் அன்போடு மிக வலிய பலத்திற்காய் சேர்த்து வைப்பது தான். ஆயினும் அதற்கும் இடையிலான ஒரு பிரிவின் வலி தான் இந்த பிரிவுக்குப் பின் கவிதைகள். முழுக்க முழுக்க தன் அன்பான மனைவியை ஊரில் விட்டுவிட்டு அவருடைய அன்பில் இரண்டு வருடமோ ஒரு வருடமோ எப்போது முடியுமென தவிக்கும் ஒரு தவிப்பின் ஒரு சின்ன வெளிப்பாடுகள் இந்த கவிதைகள்..

by வித்யாசாகர் Sat Sep 26, 2009 12:26 pm

பிரிவுக்குப் பின் - (3)

கோடி நட்சத்திரங்களில்
உயிர் பெற்றாவது
ஒன்றாக நீயிருக்க மாட்டாயா...?

உள்ளிழுக்கும் -
உயிர்வரை சுவாசத்தில்
சிறு காற்றாக நீயிருக்க மாட்டாயா...?

பொங்கும் கடலெங்கும் - அலை
முட்டும் கரையிலாவது -
உன் காலடிச் சுவடுகள் தென்படாதா..?

உயிர் குத்தி விழியசையும்
காட்சிகளிலெங்கிலும் -
நீயாக நீயாக - நீயாக இருக்கக் கூடாதா..?

உயிர் கொள்ளும் இதய நெருப்பில்
நானழிந்தாவது -
நீயாக மாட்டாயா..?

உடல் கொள்ளும் கட்டில் பசிக்கு
ஒரு கனவிலாது வந்து -
உயிர் மீட்டுத் தருவாயா..?

சுடர் மின்னும் தீக்
காட்டில் -
ஒரு பிணமெரியும் காட்சி கண்டேனே..,
பிணம் அதுவா..?
பிணம் நானா..?
உன் நினைவேன் தனிமையை கேட்கிறதே..?

ஒரு வானம்; ஒரு பூமி;
ஒரு காற்று; ஒரு தண்ணீர்;
ஒரு உறக்கம்; ஒரு பசி;
இந்த உலகம்.. இந்த வாழ்க்கை-
எல்லாம் உன்முன் - தோற்கிறதே..?

ஒரு தொடுதல் -ஒரு பார்வை;
ஒரு சிரிப்பு - ஒரு சப்தம்;
உயிர் மிஞ்சும் விலை பேசி
குவைத்தின் பணம் தான் -
கொள்ளை கொள்கிறதே..?

இரண்டாய் - மூன்றாய் வருடங்களை
தலை மேல் சுமந்து -
உனக்கும் எனக்குமாய் - இதயம்
அறுகிறதே..?

கடுங்குளிர் - கடும் வெயில்
இங்கே சுடவில்லை;
என்னை தொடவில்லை;
மீளா உன் பிரிவே -
வலியென வலியென.. என்னை வதைக்கிறதே!
------------------------------------------------------------
_வித்யாசாகர்

by மீனு Sat Sep 26, 2009 12:45 pm

உயிர் கொள்ளும் இதய நெருப்பில்
நானழிந்தாவது -
நீயாக மாட்டாயா..?

உடல் கொள்ளும் கட்டில் பசிக்கு
ஒரு கனவிலாது வந்து -
உயிர் மீட்டுத் தருவாயா..?

அருமையான கவிதை..இங்கு நிறைய விடயம் சொல்லப் பட்டு இருக்கின்றது..வார்த்தைகளால் சொல்லுகில் பல பக்கம் ஆகும் ..கவிதையால் கொஞ்ச வரிகளாக பெரிய விஷயத்தை சொல்லி இருப்பது வித்யாசாகரின் சிறப்பு பிரிவுக்குப் பின் - 1, 2, 3, 4, 5, 6, 7, 8, 9 மற்றும் 10-வது வாரம் - Page 10 677196

பிரிவுக்குப் பின் - 1, 2, 3, 4, 5, 6, 7, 8, 9 மற்றும் 10-வது வாரம் - Page 10 154550

by kirupairajah Sat Sep 26, 2009 12:53 pm

சுடர் மின்னும் தீக்
காட்டில் -
ஒரு பிணமெரியும் காட்சி கண்டேனே..,
பிணம் அதுவா..?
பிணம் நானா..?
உன் நினைவேன் தனிமையை கேட்கிறதே..?

அருமையாக இருக்கிறது, நன்றி வித்தியாசாகர்

by **சிவா** Sat Sep 26, 2009 12:59 pm

அன்றில் பறவை (Ibis) ஜோடி இணைந்த பின் ஆண் பறவையோ, பெண் பறவையோ இறந்து விட்டால் மற்றையது இரை தேடாதாம். நீர் அருந்தாதாம். வேறு பறவையுடனும் இணையாதாம். இறக்ககளை விரித்துக் கூவிக் கூவி ஓலமிட்டு இறந்து விடுமாம். மாடப் புறா தனது ஜோடி மடிந்து விட்டால், சிறு சிறு கற்களை முழுங்கி விட்டு பறக்குமாம். வயிற்றில் உள்ள கற்களின் பாரத்தால் தரையில் விழுந்து மடிந்து விடுமாம்.

இப்பறவைகளின் காதலை விட மனிதனின் காதல் உயர்வானதா?