பிரிவுக்குப் பின் - 1, 2, 3, 4, 5, 6, 7, 8, 9 மற்றும் 10-வது வாரம்

by வித்யாசாகர் Wed Sep 09, 2009 10:06 pm

First topic message reminder :

சகலமானவர்களுக்கும் அறிவிப்பது என்னவென்றால்..,

தாய் திருநாட்டில் தன் மனைவியை விட்டுவிட்டு (தொழில் புருஷ லட்ச்சனமென) வெளிநாடுகளில் விதியென்று நினைத்து தன் மனைவி, குழந்தைகளை.. குடும்பத்தை பிரிந்து வந்து வாழும் ஒரு கணவனின்.., நம்மை போன்ற சக மனிதனின் வலி என்னவாயிருக்குமென்பதை "நீதியின் குரல் என்ற" தமிழிதழில் தொடர் கவிதையாக 10 மாதம் எழுதி வந்திருந்தேன். அக்கவிதைகளை நம் ஈகரையிலும் பதிவு செய்ய இருக்கிறேன்.

வாரம் ஒரு கவிதையென பத்து வாரங்கள் வரை வெளிவரும். இடை இடையே கொசுறுக் கவிதைகளோடு வெளிவரும். தங்கள் ஆதரவும் விமர்சனமும் தொடர்ந்து இருக்குமென நம்புகிறேன்.

தலைப்பு : "பிரிவுக்குப் பின்"

இக்கவிதைக்கான காரணம், நம்மோடு இருக்கும் உறவுகளின் அருமை இருக்கும் போதே புரிவதின் பேரில் குடும்பம் நலம்பெறும் என்பதால்.

வெறும், மனைவி.. கொஞ்சம் குழந்தைகள்.. கொஞ்சம் தேசமென, தன் அன்பை பிரிந்ததின் வலியது.

என் மனைவி செல்லம்மா பிரசவத்திற்கென தாயகம் சென்றிருக்கையில் வலித்து வலித்து எழுதியது..

வரும் வெள்ளியிலிருந்து ஈகரையில் காணுங்கள்.

உங்களின் ஆஹா தான் என் எழுத்துக்களை கவிதையாக்கும், தவறிருப்பின் தெரிவிப்பதும், நன்றாக இருப்பின் உற்சாகப் படுத்துவதுமான விமர்சனம் தான் என்னைப் போன்றோரை நல்ல கவிஞர்களாக வைத்திருக்குமென்பதை தாழ்மையுடன் தெரிவிக்கிறேன்.

அதற்கும் முன் என் சிரந்தாழ்ந்த நன்றிகளும் வணக்கமும் ஈகரைக்கு உரித்தாகட்டும்!

மனமின்றி.. விடைபெறுகிறேன்!

by பாலாஜி Mon Nov 16, 2009 10:09 pm

வித்யாசாகர் wrote:நீ -
என்னோடில்லாத
கணங்களில் -
மரணம் வந்தென்னை
பாதி மென்று விடுகையில்,
தடுத்துக் காப்பாற்றி
விடுகிறது;

நீ -
எப்பொழுதேனும்
அனுப்பும் கடிதம்!
--------------------------------
பிரிவுக்குப் பின்

பிரிவு கொடியது என்பதை , இதை விட வேறு வார்த்தைகளால் கூற இயலாது.

இப்பொழுது , நானும் சில கவிதைகள் எழுத முயற்சிசெய்து , சில கவிதைகளை ஈகரையில் பதிவு செய்துள்ளேன்.

by வித்யாசாகர் Mon Nov 23, 2009 11:29 am

வை.பாலாஜி wrote:என்னது முடியபோகுதா , வேண்டாம் சகோ, இன்னும் தொடர வேண்டும் என்பது எங்கள் விருப்பம். என் பத்து வாரங்களில் முடிக்கவேண்டும் , இன்னும் தொடர வேண்டும் என்பது என்து விருப்பம்.

பிரிவுக்குப் பின் உங்களுக்காய் மீண்டும் தொடரும்..

by பாலாஜி Mon Nov 23, 2009 12:35 pm

வித்யாசாகர் wrote:
வை.பாலாஜி wrote:என்னது முடியபோகுதா , வேண்டாம் சகோ, இன்னும் தொடர வேண்டும் என்பது எங்கள் விருப்பம். என் பத்து வாரங்களில் முடிக்கவேண்டும் , இன்னும் தொடர வேண்டும் என்பது என்து விருப்பம்.
பிரிவுக்குப் பின் உங்களுக்காய் மீண்டும் தொடரும்..

பிரிவுக்குப் பின் - 1, 2, 3, 4, 5, 6, 7, 8, 9 மற்றும் 10-வது வாரம் - Page 23 938222

பிரிவுக்குப் பின் - 1, 2, 3, 4, 5, 6, 7, 8, 9 மற்றும் 10-வது வாரம் - Page 23 755837

by மீனு Mon Nov 23, 2009 12:51 pm

வித்யாசாகர் wrote:மிக்க நன்றி மீனுகுட்டி ரூபன்.. தம்பி..

இனியும் என் படைப்புகள் தொடர்ந்து இருக்கும்..நீங்கள் முன்பு கேட்ட மீன் கவிதைக்கு எழுதிய 'மீனும் மீனும் பேசுகின்றன' தலைப்பில் தான் அடுத்த தொடர் ஆரம்பமே.

என்னால் இயன்றவரை எழுதுகோலின் துணை கொண்டே வாழ்வின் எஞ்சிய பயணம் நீளும்.. அந்த நீண்ட நெடுந்தூர என் பயணத்தை கடக்க ஈகரையும் நீங்களுமாகிய அன்புள்ளங்கள் அனைவரும் தோள் கொடுப்பீர்களென்றே நம்புகிறேன்.. தோழர்களே..

மிக்க நன்றி என் அன்புள்ளங்களே.. அநேகம் நாளை வர இயலாது. மற்ற நாள் வருவேன்.. சந்திப்போம்.. இரவு வணக்கம்!

கண்டிப்பாக வித்யாசாகர் ,உங்கள் கவிதைகளை நமக்கு தாருங்கள்,நாம் ஆவலுடன் காத்து இருக்கின்றோம் ,
மீனும் மீனும் பேசி கொண்டன,தலைப்பு அருமையா இருக்கு ,அபப்டி என்ன தான் பேசும் அவை ,கண்டிப்பா சுவையா இருக்கும் உங்கள் கவிதைகள் வித்யாசாகர் ,உங்கள் பணி தொடரவும்,உங்களுடன் சேர்ந்தே பயணிக்கவும் ஈகரை நண்பர்கள் இப்பவே ரெடி வித்யாசாகர்

by mdkhan Mon Nov 23, 2009 12:54 pm

by வித்யாசாகர் Wed Dec 02, 2009 1:58 pm

அன்பு தம்பியின் படங்கள் எத்தனை அழகு பாராட்டாமல் இருக்க முடியவில்லை மிக்க நன்றி கான்

by வித்யாசாகர் Wed Dec 02, 2009 2:07 pm

உன்னை அடைந்தப்
பின்னரே இரவின்
வெளிச்சங்கள் கூட -
ரகசியமாய் புரிந்தது;

உன்னை பிரிந்த
பின் தானே -
பகலில் கூட வாழ்வின்
இருள்கள் துளிர்கின்றன!

உண்மையில் பகலை தொட்டு
அடையாளம் கண்டுகொள்ளும்
என்னால் -
இரவை தான் நீயின்றி
தொடவே முடிவதில்லை;

ஆயினும் -
இப்போதெல்லாம்
இருபத்தி நான்கு மணிநேர
இருட்டில் தான் வாழ்கிறேன் நான்
உன் - பிரிவுக்குப்பின் என்பது
உனக்கும் எனக்குமே புரியும்!!
--------------------------------------
பிரிவுக்குப் பின்

by வித்யாசாகர் Wed Dec 02, 2009 2:15 pm

நீயும் நானும்
தெருவில் நடக்கையில் -
நீ என் கை பிடித்து வருவாய்,
உள்ளுக்குள்ளே -
ஆயிரம் தேவதைகள் கூட
நடப்பது போல் உணர்வேன்;

இங்கும் நான்
தனியே நடக்கையில்
நீ ஆயிரம் தேவதைகளோடு வந்து
என் கை பிடித்துக் இழுக்கிறாய்;
நான் திரும்பிப் பார்ப்பேன் -
நீ மட்டும் தெரிவதேயில்லை!
-------------------------------------
பிரிவுக்குப் பின்

by வித்யாசாகர் Wed Dec 02, 2009 2:20 pm

எத்தனையோ
பூக்களுக்கு மத்தியில்
சிரிக்கும்
ஏதோ ஒரு
அதிசய பூவிலிருந்து தான்
துவங்குகிறது
அத்தனை ஆண்களின்
வாழ்க்கையும்;

எனக்கும் நீ
அப்படித் தான் -
இடையே சற்று
பிரிவென்னும் முட்களோடு!
--------------------------------
பிரிவுக்குப் பின்

by பாலாஜி Wed Dec 02, 2009 2:24 pm

வித்யாசாகர் wrote:ஆயினும் -
இப்போதெல்லாம்
இருபத்தி நான்கு மணிநேர
இருட்டில் தான் வாழ்கிறேன் நான்
உன் - பிரிவுக்குப்பின் என்பது
உனக்கும் எனக்குமே புரியும்!!
--------------------------------------
பிரிவுக்குப் பின்

மிக அருமையான கவிதை வித்யா , உங்கள் கவி திறனக்கு நான் தலை வண்ங்குகின்றேன்.
பிரிவுக்குப் பின் - 1, 2, 3, 4, 5, 6, 7, 8, 9 மற்றும் 10-வது வாரம் - Page 23 677196