பிரிவுக்குப் பின் - 1, 2, 3, 4, 5, 6, 7, 8, 9 மற்றும் 10-வது வாரம்

by வித்யாசாகர் Wed Sep 09, 2009 10:06 pm

First topic message reminder :

சகலமானவர்களுக்கும் அறிவிப்பது என்னவென்றால்..,

தாய் திருநாட்டில் தன் மனைவியை விட்டுவிட்டு (தொழில் புருஷ லட்ச்சனமென) வெளிநாடுகளில் விதியென்று நினைத்து தன் மனைவி, குழந்தைகளை.. குடும்பத்தை பிரிந்து வந்து வாழும் ஒரு கணவனின்.., நம்மை போன்ற சக மனிதனின் வலி என்னவாயிருக்குமென்பதை "நீதியின் குரல் என்ற" தமிழிதழில் தொடர் கவிதையாக 10 மாதம் எழுதி வந்திருந்தேன். அக்கவிதைகளை நம் ஈகரையிலும் பதிவு செய்ய இருக்கிறேன்.

வாரம் ஒரு கவிதையென பத்து வாரங்கள் வரை வெளிவரும். இடை இடையே கொசுறுக் கவிதைகளோடு வெளிவரும். தங்கள் ஆதரவும் விமர்சனமும் தொடர்ந்து இருக்குமென நம்புகிறேன்.

தலைப்பு : "பிரிவுக்குப் பின்"

இக்கவிதைக்கான காரணம், நம்மோடு இருக்கும் உறவுகளின் அருமை இருக்கும் போதே புரிவதின் பேரில் குடும்பம் நலம்பெறும் என்பதால்.

வெறும், மனைவி.. கொஞ்சம் குழந்தைகள்.. கொஞ்சம் தேசமென, தன் அன்பை பிரிந்ததின் வலியது.

என் மனைவி செல்லம்மா பிரசவத்திற்கென தாயகம் சென்றிருக்கையில் வலித்து வலித்து எழுதியது..

வரும் வெள்ளியிலிருந்து ஈகரையில் காணுங்கள்.

உங்களின் ஆஹா தான் என் எழுத்துக்களை கவிதையாக்கும், தவறிருப்பின் தெரிவிப்பதும், நன்றாக இருப்பின் உற்சாகப் படுத்துவதுமான விமர்சனம் தான் என்னைப் போன்றோரை நல்ல கவிஞர்களாக வைத்திருக்குமென்பதை தாழ்மையுடன் தெரிவிக்கிறேன்.

அதற்கும் முன் என் சிரந்தாழ்ந்த நன்றிகளும் வணக்கமும் ஈகரைக்கு உரித்தாகட்டும்!

மனமின்றி.. விடைபெறுகிறேன்!

by வித்யாசாகர் Thu Oct 15, 2009 7:14 pm

முத்தங்கள்
கொடுக்கப் படுகின்றன;

தொடாமலேயே -
இனிக்கிறதென்பதில் - தான்
நீயிருக்கிறாய்!
--------------------------------
பிரிவுக்குப் பின்

by வித்யாசாகர் Thu Oct 15, 2009 7:15 pm

மழை பெய்த
ஈரத்துணி வாசத்தில்
மணக்கிறது -

நீ என் தலை துவட்டிய
உன் -
ஈரப் புடவையின் வாசம்!
-----------------------------
பிரிவுக்குப் பின்

by வித்யாசாகர் Thu Oct 15, 2009 7:16 pm

உன் அலமாரியில்
அடுக்கி வைத்திருந்த
உன் -

விட்டு சென்ற சுடிதார்களை
பார்க்கையில் தெரிந்தது;

உன்னை விட்டிருப்பது
எத்தனை கடினமென்று!
---------------------------------
பிரிவுக்குப் பின்

by மீனு Thu Oct 15, 2009 7:25 pm

அருமை வித்யாசாகர் ,,ஒரு பெண்ணை விட்டு இருப்பது,,எவளவு கஷ்டம் என்பதி..அவ டிரஸ் வைத்து கவிதை சொல்லி இருப்பது..அழகான ரசனை ..ரொம்ப நல்லா இருக்கு வித்யாசாகர் ..ஈரப் புடவையின் வாசம்..அருமை...தொடாமல் கொடுக்கப் படும் முத்தங்கள்..இப்போதெல்லாம் தொலை பேசியில் கொடுக்கும் முத்தம்..அதிகம் ..அருமை அருமை..பாராட்டுக்கள்..

by **Manik** Thu Oct 15, 2009 7:27 pm

இப்போதெல்லாம் தொலைபேசியில் கொடுக்கப்படும் முத்தம் அதிகம் மீனு உனக்கு ரொம்ப பிடிச்சிருக்குல்ல இந்த வார்த்தை

by மீனு Thu Oct 15, 2009 10:37 pm

Manik wrote:இப்போதெல்லாம் தொலைபேசியில் கொடுக்கப்படும் முத்தம் அதிகம் மீனு உனக்கு ரொம்ப பிடிச்சிருக்குல்ல இந்த வார்த்தை

பிரிவுக்குப் பின் - 1, 2, 3, 4, 5, 6, 7, 8, 9 மற்றும் 10-வது வாரம் - Page 15 838572

by வித்யாசாகர் Sun Oct 18, 2009 5:34 pm

பிரிவுக்கு பின் - (6)

நீ அழுகின்ற ஒருசொட்டுக் கண்ணீருக்கு
என் உயிரு உருகுதடி; இப்படி
இரவில் அழுது தீர்த்த வருடங்களெல்லாம்
நமக்கு வாழக் கிடைக்காத வாழ்க்கையடி...!

இரவு மூணு மணிக்கும் நாளு மணிக்கும்
சூரியன் வரமாலேயே - பொழுது விடியுதடி;
இரவு பத்தோ-பன்னிரண்டோ ஆனாக்கூட
உன் நினைவில் உயிருருக -
தூக்கமெல்லாம் எங்கோ மறைந்து தொலைக்குதடி!

நீ பேசும் குரல் கேட்க - குவைத்தின்
மாதச் சம்பளத்தில் பாதி குறையுதடி; இடையே
பேசமால் சேர்தனுப்பிய பணத்தில் உயிர்மெல்ல-உயிர்மெல்ல
விலகி ஆயுளைப்பாதியாய் குறைக்குதடி!

தெருவெல்லாம் நடந்து திரிகையில் - உன் நினைவில்
காற்றாய் கரைந்து - நேரங்கள் வருடமாய் நகருதடி;
வீட்டில் வந்து படுக்கையில் விழ்ந்தாலோ
நொடிகளெல்லாம் யுகமாய் காமச்சூட்டில் வேகுதடி!

கைத்தட்டி-வாய்பொத்தி- புலனடக்கி வாழுகையில்
இதற்குத்தான் வழ்கையான்னு
மனசெல்லாம் வலிக்குதடி;
காலமிட்ட சாபமிது 'பிரிவின் வேதனை' முற்றிலும் நரகமடி!

நீயும்-நானும் பேசிய கதைகளாயிரம்
நித்தமும் நினைவில் இனிக்குதடி;
நீயழைக்கும் ஒரேவொரு 'என்னங்க' கேட்க
வருடங்களிரண்டு கொள்ளுதடி.. கொல்லுதடி!!

நான் உதைத்த உதையின் 'வலி'
என் தாயின் வயிறறியுமா தெரியலடி;
நம் பிள்ளை உதைக்காமல் வலிக்கும் வலி
அவனைப் பிரிந்தபின் தான் உரைக்குதடி!

அவன் பேசும் பொற்சித்திரம் போல்
கையசைத்துக் கொஞ்சிச் சிரிக்கும் கடவுளோடி;
நீ வயிற்றில் சுமந்த பத்துமாதம் - நான்
மனதில் சுமந்த 'வாழ்வின் அர்த்தமடி!'

அவன் பிறந்த சேதியை - தொலைபேசியில் கேட்டு
சிரிக்க முடியாமல் அழுதது 'கொடுமையடி;
அவன் 'அப்பா!' என்றழைத்த - முதல் குரலை
நான் தொலைபேசியில் மட்டும் கேட்ட பாவியடி...!!
-------------------------------------------------------------------------------------------
வித்யாசாகர்

by kirupairajah Sun Oct 18, 2009 5:40 pm

வித்யாசாகர் wrote:பிரிவுக்கு பின் - (6)

நீ அழுகின்ற ஒருசொட்டுக் கண்ணீருக்கு
என் உயிரு உருகுதடி; இப்படி
இரவில் அழுது தீர்த்த வருடங்களெல்லாம்
நமக்கு வாழக் கிடைக்காத வாழ்க்கையடி...!

இரவு மூணு மணிக்கும் நாளு மணிக்கும்
சூரியன் வரமாலேயே - பொழுது விடியுதடி;
இரவு பத்தோ-பன்னிரண்டோ ஆனாக்கூட
உன் நினைவில் உயிருருக -
தூக்கமெல்லாம் எங்கோ மறைந்து தொலைக்குதடி!

வித்யாசாகர்

பிரிவு ஏற்பட்டால் துயரம் எந்த வளிகளில் எல்லாம் வாட்டுகிறது என்பதை உணர்த்தும் அருமையான கவிதை. நன்றி வித்தியாசாகர்!

by வித்யாசாகர் Sun Oct 18, 2009 6:08 pm

மிக்க நன்றி அருமை கிருபை!

by வித்யாசாகர் Mon Oct 19, 2009 5:20 pm

நகர்ந்துக்
கொண்டு தானிருக்கிறது
நாட்கள்;

குறைந்துக் கொண்டு
தானிருக்கிறது - என்
காலம்;

வாழ்க்கையின் வலிய
ஆட்டத்தில் -
உனை சந்திக்க வேண்டிய நாட்கள் மட்டும்
அதோ எங்கோ
வெகு தொலைவில்!
-------------------------------
பிரிவுக்குப் பின்