தந்தையின் கவனக்குறைவு; பூட்டிய காருக்குள் குழந்தை பலி!

by தாமு Wed May 25, 2011 8:50 am

தந்தையின் கவக்குறைவால் பூட்டிய காருக்குள் சிக்கிக் கொண்ட மூன்று வயது குழந்தை ஒன்று பரிதாபமாக உயிரிழந்தது.

இச்சம்பவம் நேற்று முன்தினம் காலை 11.45 மணியளவில் இடம்பெற்றுள்ளது. கம்போங் வெலுக்காரை சேர்ந்தவர் இசாக் சலே. இவர் காம்போங் மோரக் பகுதியில் உள்ள தன்னுடைய உறவினர் இல்லத்தில் நிகழ்ந்த துக்க நிகழ்ச்சியில் கலந்து கொள்ள தனக்கு சொந்தமான காரில் தன்னுடைய மூன்று வயது மகளை அழைத்து சென்றிருந்தார்.

துக்க நிகழ்ச்சியில் கலந்து கொள்ள சென்ற இசாக் சாலே காரின் பின் இருக்கையில் தூங்கிக்கொண்டிருந்த தன்னுடைய மகளை விட்டு விட்டு சென்றுள்ளார். சிறிது நேரம் கழிந்த பின்னர் குழந்தையின் நினைவு வரவே ஓடிச் சென்று காரை திறந்து பார்த்தார். இந்நிலையில் தந்தையை காணாத குழந்தை அழுதபடியே மூர்ச்சையாகி கிடந்தது.

குழந்தையின் நிலைமையை கண்ட தந்தை சாலே அருகில் உள்ள மருத்துவமனையில் குழந்தையை காண்பித்தார். ஆனால் முன்னரே குழந்தை இறந்து விட்டதாக மருத்துவர்கள் தெரிவித்தனர்.

அக்குழந்தை ஏற்கனவே நெஞ்சுவலியால் அவதியுற்று வந்தாகவும் கூறப்படுகிறது. பெற்றோர்களின் கவனக்குறை காரணமாக ஒன்றும் அறியா பிஞ்சுக் குழந்தைகள் மரணமடையும் சம்பவங்கள் அண்மைக்காலமாக அதிரித்துகொண்டே வருகிறது.

செம்பருத்தி