அ.தி.மு.க.,வுடன் கூட்டணிக்கு சோனியா முயற்சி: வைகோ பேச்சு

by தாமு Tue May 24, 2011 8:08 am

வெம்பக்கோட்டை : ""அ.தி.மு.க.,வுடன் கூட்டணி வைக்கவே தமிழக முதல்வர் ஜெயலலிதாவுக்கு சோனியா வாழ்த்து தெரிவித்துள்ளார்,'' என ம.தி.மு.க., பொதுச்செயலாளர் வைகோ பேசினார்.

ம.தி.மு.க., 18 ஆண்டு துவக்கவிழாவை முன்னிட்டு வெம்பக்கோட்டை யூனியன் ஆலங்குளத்தில் வைகோ பேசியதாவது: முதல்வர் ஜெயலலிதாவுக்கு பிரதமர் என்ற முறையில் மன்மோகன் சிங் வாழ்த்து தெரிவித்துள்ளார். சோனியாவோ தனது கட்சியை சேர்ந்த 58 வேட்பாளர்களையும் கூட்டணி கட்சியினரையும் தேர்தலில் தோற்கடித்து வெற்றி பெற்ற ஜெயலலிதாவுக்கு எதற்காக வாழ்த்து சொல்கிறார். அ.தி.மு.க.,வுடன் கூட்டணி வைப்பதற்காகவே சோனியா வாழ்த்து தெரிவித்துள்ளார். விடுதலைப்புலிகளை அழிக்க கருணாநிதியின் ஆதரவு சோனியாவுக்கு தேவை பட்டதால் கூட்டணி வைத்தார். இப்போது அ.தி.மு.க.,வுடன் கூட்டணி அமைக்க நினைக்கிறார்.

தேர்தலில் தோற்று, மகள் கனிமொழியும் சிறையில் இருக்கும் இக்கட்டான நிலையில் நிராயுத பாணியாக இருக்கும் கருணாநிதி பற்றி பேச நான் விரும்பவில்லை. விடுதலைப்புலிகள் தலைவர் பிரபாகரன் இறக்கவில்லை உயிருடன் தான் இருக்கிறார், மீண்டும் வந்து போரிடுவார், வெல்வார், ஈழம் நிச்சயம் மலரும்.இவ்வாறு அவர் பேசினார்.

தினமலர்

by முரளிராஜா Tue May 24, 2011 8:13 am

அப்படி கூட்டணி வைத்தால் காங்கிரசை தோற்கடிக்க வேண்டும் என நினைத்து
அதிமுகவுக்கு வாக்களித்தவர்களுக்கு ஏமாற்றமே மிஞ்சும் சோகம்

by தாமு Tue May 24, 2011 8:19 am

பார்வையாளர்கள் நேரம் முடிந்தும் அனுமதித்த சிறை அதிகாரிகள்
புதுடில்லி : திகார் சிறையில் அடைக்கப்பட்டுள்ள தி.மு.க., எம்.பி.,யும் தனது மகளுமான கனிமொழியை முன்னாள் முதல்வர் கருணாநிதி திகார் சிறையில் சந்தித்து பேசினார்.

சிறைச்சாலையில் பக்கவாட்டில் உள்ள வாசல் வழியாக ‌கருணாநிதி சென்றார். திகார் சிறைச்சாலையின் விதிமுறைப்படி 5 மணிக்கு அனைத்து சந்திப்புகளும் முடிந்து விடும். ஆனால் முன்னாள் முதல்வர் கருணாநிதிக்காக சிறப்பு அனுமதி அளிக்கப்பட்டு மாலையில் சந்திக்க ஏற்பாடு செய்யப்பட்டதாக சிறைத்துறை அதிகாரி ஒருவர் கூறினார்.

கனிமொழியை சந்தித்த பின்னர் கருணாநிதி இன்று இரவே சென்னை திரும்புவதாக திட்டமிடப்பட்டது. ஆனால் சென்னை திரும்புவதற்காக விமான டிக்கெட் ரத்து செய்யப்பட்டு விட்டது. இன்று இரவு ஸ்டாலினும் டில்லி வர உள்ளதாக தெரிகிறது. டில்லிக்கு கருணாநிதியுடன் அழகிரியும் உடன் சென்றுள்ளார். ஏற்கனவே கனிமொழியின் கணவர் மற்றும் தாயார் ராஜாத்தி டில்லியில் உள்ளனர்.

தினக்ஸ்