அஜித் - கெளதம் கூட்டணி முறிந்தது

'ஏகன்' படத்தைத் தொடர்ந்து அஜித் நடிக்கும் படத்தை சிவாஜி புரொடக்‌ஷன்ஸ் தயாரிக்கிறது. இப்படத்தை கெளதன் மேனன் இயக்குவதாக முடிவானது. அதன்படி அஜித்திடம் கெளதம்மேனன் கதை சொன்னார். அஜித்திற்கும் அந்த கதை பிடித்துப்போகவே, திரைக்கதை எழுதி முடித்ததும் இம்மாதம் படப்பிடிப்பை தொடங்க சிவாஜி புரொடக்‌ஷன் திட்டமிட்டது.

தொடர் குண்டுவெடிப்பு வழக்கில் கைதான தீவிரவாதி அபுசலீம் மற்றும் அவனது காதலி மோனிகாபேடியின் வாழ்க்கையை தழுவியே இப்படத்தின் கதை எழுதப்பட்டதாக தகவல்கள் வெளியாகின. அபுசலீமின் வேடத்திலேயே அஜித் நடிப்பதாக இருந்தது.

இந்நிலையில் கதையில் சில மாற்றங்களை கெளதமிடம் அஜித் கூறியதாக தெரிகிறது. இதனை கெளதம் ஏற்காததால் இருவருக்கும் இடையே கருத்து வேறுபாடு ஏற்பட்டுள்ளது. இதனால் இந்த பிராஜக்டிலிருந்து கெளதம் தீடீரென விலகிக்கொண்டுள்ளார்.

இதுகுறித்து கெளதம்மேனன் கூறியதாவது:-

“ வாரணம் ஆயிரம் படம் தாமதமாக வெளியாகிறது. இதனால் அஜித் படத்தை இப்போதைக்கு இயக்க இயலாது என்று கூறினேன். ஆனால் உடனடியாக படப்பிடிப்பை தொடங்கவேண்டும் என அவர்கள் கேட்டனர். இதனால் அப்படத்திலிருந்து நான் விலகிவிட்டேன்.'சென்னையில் ஒரு மழைக் காலம்' படப்பிடிப்பு தொடர்ந்து நடைபெறவுள்ளது. இப்படம் ஏப்ரலில் வெளிவரும். அதன்பிறகு மகேஷ்பாபு நடிக்கும் தெலுங்கு படத்தை இயக்குகிறேன்” என்றார்.

இந்நிலையில் அஜித் படத்தை தரணி இயக்கப்போவதாக கூறப்படுகிறது