ஐஸ்லாந்தில் மீண்டும் எரிமலை வெடித்தது:4 விமான நிலையங்கள் மூடப்பட்டன

தாமு · தாமு Mon May 23, 2011 3:29 pm

ஐஸ்லாந்தில் கடந்த ஆண்டு ஒரு எரிமலை வெடித்தது. அதில் இருந்து வெளியேறிய புகை மற்றும் சாம்பல் காற்றில் பரவியது. இதனால் ஐரோப்பா கண்டத்தில் விமான போக்குவரத்து கடுமையாக பாதிக்கப்பட்டது.

அதுபோன்று சம்பவம் தற்போதும் நடந்துள்ளது. ஐஸ்லாந்தின் தலைநகரான ரெய்க்ஜாவிக் அருகே உள்ள கிரிம்ஸ்வோட் எரிமலை திடீரென வெடித்தது. இதனால் அந்த எரிமலை அமைந்துள்ள பகுதியில் வசிப்பவர்கள் வெளியேற்றப்பட்டு வேறு இடங்களில் தங்க வைக்கப்பட்டுள்ளனர்.

இதற்கிடையே குழம்புடன் புகை மற்றும் சாம்பலையும் எரிமலை வெளியேற்றி வருகிறது. இந்த சாம்பல் 20 கி.மீட்டர் உயரத்துக்கு காற்றில் பரவி அருகே உள்ள ரெய்க்ஜாவிக் நகரில் படர்ந்து கிடக்கிறது. மேலும் இது பரவி ஐஸ்லாந்தில் உள்ள விமான நிலையங்களுக்கும் சென்றடைந்துள்ளது.

இதனால், விமான போக்குவரத்து பாதிக்கப்பட்டுள்ளது. கெப்லாவிக் உள்ளிட்ட 4 விமான நிலையங்கள் மூடப்பட்டுள்ளன. இதைத் தொடர்ந்து வெளிநாடுகளுக்கு செல்ல முன்பதிவு செய்திருந்த பயணிகள் பெரும் அவதிக்குள்ளாகினர்.

எரிமலை தொடர்ந்து வெடித்து சாம்பல் பரவும் பட்சத்தில் அது மற்ற ஐரோப்பிய நாடுகளுக்கும் பரவும். இதனால் கடந்த ஆண்டை போன்று மற்ற நாடுகளிலும் விமான போக்குவரத்து பாதிக்கும் அபாயம் உள்ளது.

மாலை மலர்

**Manik** · **Manik** Mon May 23, 2011 3:30 pm

பாவம் அந்நாட்டு மக்கள் விமான போக்குவரத்து பாதிப்பில் வேதனையுடன் இருப்பார்கள் ஐஸ்லாந்தில் மீண்டும் எரிமலை வெடித்தது:4 விமான நிலையங்கள் மூடப்பட்டன 440806

ஐஸ்லாந்தில் மீண்டும் எரிமலை வெடித்தது:4 விமான நிலையங்கள் மூடப்பட்டன

ஐஸ்லாந்தில் மீண்டும் எரிமலை வெடித்தது:4 விமான நிலையங்கள் மூடப்பட்டன

Re: ஐஸ்லாந்தில் மீண்டும் எரிமலை வெடித்தது:4 விமான நிலையங்கள் மூடப்பட்டன

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக