யோகா கற்றுக்கொள்ளுங்கள்! -- மிக மிக நல்லது :)

யோகாசனம் செய்வதால் உடல் உறுதி,மனம் உறுதி,ஆயுள் நீடிப்பு உண்டாகும்.நோய்களை அண்டாமல் உடலை பாதுகாக்கலாம்.வந்த நோய்களை செயல் இழக்க செய்யலாம்.


யோகாசன் கற்றுக்கொள்ள தகுந்த குருவின் உதவியை நாடுவது அவசியம்....யூடூப்பில் பார்த்தும்,டிவியில் பார்த்தும் நீங்களே முயற்சி செய்து முருங்கைகாய் போல உடம்பு முறுக்கிக்கொண்டு ஏதாவது வம்பு வந்துவிடப்போகிறது.


நான் ஒரு யோகா மாஸ்டரிடம் யோகா ஆறு மாதம் கற்றுக்கொண்டேன்..ஞாயிற்றுகிழமை ஒரு மணி நேரம் வகுப்பு.காலை 7 மணிக்கு ஆரம்பித்து 10 மணிக்கு முடியும்.நிறைய பேசுவார்.அதுவே என்னை தொடர முடியாமல் செய்துவிட்டது..மதியம் 12 மணி வரை யாரு பசி தாங்குறது.10 மணிக்கு முடிஞ்சிரும்னு பார்த்தா 12 ஆகிடும்..ஜோதிடம் பார்க்க வந்தவர்கள் என் அலுவலகத்தில் இருந்து ஃபோன் அடித்துக்கொண்டே இருப்பார்கள்..சைலண்ட் மோடில் வைத்துவிட்டு நெளிய வேண்டியிருக்கும்.


யோகா மனதில் அன்பும்,தெளிவும் ஏற்படுத்தும் என்பதை உணர்ந்திருக்கிறேன்..முக்கியமாக அனைத்து நோய்களுக்கும் மூல காரணமான மலக்கட்டு அஜீரணம் ஏற்படுவதே இல்லை...இதுவே பாதி வெற்றி.நரம்புகள் முறுக்கேறி,வலிமை உண்டாக்கும்...ரத்த ஓட்டம் சீரடையும்.


தினசரி காலை சண்டிவியில் ஆசனா ஆண்டியப்பன் யோகா சொல்லி தருவதை பார்த்திருப்பீர்கள்.சின்ன பசங்களை எல்லாம் வில்லாக வளைந்து தரையை தொடுவார்கள்..நம்மிடமிருந்து பெருமூச்சுதான் வரும்..என் பையனையும் இது மாதிரி யோகா கத்துக்க வைப்பேன்.என சொல்லும் புருசன்மார்களை ,க்கும்..நம்மால கையாலகலை..புள்ளையை யோகா கத்துக்க அனுப்புறாராம் என்பார்கள் மனைவிகள்.
ஒரே மாதிரி ரெடிமேட் முகத்துடன்...ஆசனா ஆண்டியப்பன் யோகா சொல்லிதருவதே அழகு...என் குரு மூச்சு உள்ளே வரும்போதும் வெளியே போகும்போதும் தான் கை கால்களை மடக்கி பயிற்சி செய்ய வேண்டும் என்பார்.அதாவது மூச்சு வெளிவர கால்களை நீட்ட வேண்டும்...மூச்சின் நீளத்திற்கேற்ப.மூச்சு உள்ளே இழுத்து ,வெளியேறிய பின் மீண்டும் மூச்சை இழுக்கும்போதுதான் மீண்டும் அடுத்த ஸ்டெப்..


பெரிய அப்பாடக்கரா இருக்காரேன்னு எனக்கு கடுப்பாகும்..ஆனா அதுதான் சரின்னு எனக்கு தோணுது..ஆசனா ஆண்டியப்பனை என் குரு திட்டுவார்..படக் படக் நு தோள்ல துண்டு போடுற மாதிரி காலையும் கையையும் போட சொல்றாரே என்பார்.


#நம் பாரத நாட்டின் முக்கிய அடையாளமான பரத நாட்டியமே ஒரு முழுமையான யோகாதான்.அதில் எல்லா யோகாசனங்களும் அடங்கியிருக்கிறது.






யோகாவின் வகைகள் 100 க்கும் மேற்பட்டவை...;




முக்கியமான யோகாசனங்கள் சில:
*உட்காசனம்
*பத்மாசனம்
*வீராசனம்
*யோகமுத்ரா
*உத்தீதபத்மாசனம்
*சானுசீரானம்
*பஸ்திமோத்தாசனம்
*உத்தானபாத ஆசனம்
*நவாசனம்
*விபரீதகரணி
*சர்வாங்காசனம்
*ஹலாசனம்
*மச்சாசனம்
*சப்தவசீராசனம்
*புசங்காசனம்
*சலபாசனம்
*தணுராசனம்
*வச்சிராசனம்
*மயூராசனம்
*உசர்ட்டாசனம்
*மகாமுத்ரா
*அர்த்தமத்த்ச்யோந்தராசனம்
*சிரசாசனம்
*சவாசனம்
*மயுராசனம்
*உசர்ட்டாசனம்
*அர்த்த மத்ச்யோந்திராசனம்
*அர்த்த சிரசானம்
*சிரசாசனம்
*நின்ற பாத ஆசனம்
*பிறையாசனம்
*பாதாசுத்தானம்
*திருகோணசனம்
*கோணாசனம்
*உட்டியானா
*நெளலி
*சக்கராசனம்
*சவாசனம்/சாந்தியாசனம்
*பவனமுத்தாசனம்
*கந்தபீடாசனம்
*கோரசா ஆசனம்
*மிருகாசனம்
*நடராசா ஆசனம்
*ஊர்த்துவ பதமாசனம்
*பிரானாசனம்
*சம்பூரண சபீடாசனம்
*சதுரகோனோசனம்
*ஆகர்சன தனூராசனம்
*ஊர்த்துவ பரவிசுடிர ஏகபாத ஆசனம்
*உருக்காசனம்
*ஏக அத்த புசங்காசனம்
*யோகா நித்திரை
*சாக்கோராசனம்
*கலா பைரப ஆசனம்
*அர்த்தபாத பச்சி மோத்தாசனாம்
*கவையாசனம்
*பூர்ண நவாசனம்
*முக்த அகத்த சிரசாசனம்
*ஏகபாத சிரசாசனம்
யோகா தருன் நன்மைகள் :
.1.உடல் வெளி உறுப்புகளும் உள் உறுப்புகளும் பலம் அடைகின்றன..புத்துணர்ச்சி அடைகின்றன..
2.ரத்த ஓட்டம் சீரடைகிறது....
3.நல்ல சிந்தனை,செயல் உண்டாகும்..
4.நாள் முழுவதும் சுறுசுறுப்புடன் இருக்கலாம்.
5.ஆயுள் நீடிக்கும்..இதற்கு மூச்சு பயிற்சி உத்தரவாதம் தருகி
றது.
6,பெரு , சிறு நோய்கள் வராமல் தடுக்கலாம்.
7. வந்த நோயினைக் கட்டுக்குள் வைக்கலாம்.
8. உற்சாகம் பெருகும். உடல் ஆரோக்கியம் கூடும்.
9. உடலின் மண்டலங்கள் அனைத்தும் (நரம்பு, இரத்த ஓட்டம் ஜீரணம்) , போன்ற மண்டலங்கள் சீரடையும்.
10..இளமையாய் இருக்கலாம்.வீரியம் கூடும்
11. நோய் எதிர்ப்பு சக்தி கூடும். வளர்சிதை மாற்றம் சீராகும்.
12.மனவலிமை கிட்டும். மன அழுத்தம் போக்கலாம்.
13.மூளை இதயத்திற்கு நல்ல ஒய்வு கிட்டும். அதன் திறனை மேம்படுத்தலாம்
14.கோபம் பயம் நீக்கலாம்.




.கீழ்க்கண்ட நோய்களைக் கட்டுப்படுத்தலாம்


1. சர்க்கரை நோய்,
2. இரத்த அழுத்தம்,
3. இதய நோய்கள் ,
4. ஆஸ்துமா சைனஸ்,
5. ஸ்பாண்டிலோடிஸ்,
6. தூக்கமின்மை,
7. அதிக உடல் எடை,
8. முதுகு வலி,
9. வலிப்பு நோய்
10. தலை வலி மற்றும் கழுத்துவலி,
11. முதுகு மற்றும் மூட்டு வலி ,
12. மாதவிடாய் பிரச்சனைகள் ,
13. கருப்பை பிரச்சனைகள் வயிறு சமந்தப்பட்ட பிரச்சனைகள் , மற்றும் பல்வேறு நோய்கள்..


என்ன நண்பர்களே உங்களுக்கும் யோகா கற்றுக்கொள்ள ஆசை வந்திருக்குமே..யோகா டீச்சரை தேடாமல் ,நல்ல மாஸ்டராக குருவாக தேடி செல்லுங்கள்....


astrosuper

மிக அருமையான விவரங்கள் யோகாவை பற்றி....

ஆமாம் உண்மையே யோகா குரு இல்லாமல் கற்றுக்கொள்வது நல்லதில்லை. எங்கள் வீட்டில் குடி இருந்த ஒருவர் இது போல தானாகவே டிவி பார்த்து செய்ய முயன்று மூக்கில் இருந்து ரத்தம் வந்து ஹாஸ்பிடலில் சேர்க்கும் அளவுக்கு போய்விட்டது.

அன்பு நன்றிகள் தாமு அருமையான பகிர்வுக்கு.

பயனுள்ள பதிவுக்கு மிக்க நன்றி தாமு..!

நல்ல பதிவு நன்றி