வீடு புகுந்து தந்தை-மகன் வெட்டிக் கொலை, இளம்பெண் தற்கொலை விவகாரத்தில் பயங்கரம்

இளம் பெண் தற்கொலை சம்பவம் எதிரொலியாக பட்டப்பகலில் வீடு புகுந்து தந்தை-மகன் கொடூரமாக வெட்டி கொலை செய்யப்பட்டனர்.

இது தொடர்பாக மருமகன் உள்பட 5 பேர் கொண்ட கும்பலை போலீசார் வலைவீசி தேடி வருகின்றனர்.

பிரபல ரவுடி

புதுச்சேரி முத்தியால்பேட்டை பகுதியை சேர்ந்தவன் தாடி கணேசன்(வயது 36). இவனுக்கு திருமணமாகி 2 குழந்தைகள் உள்ளனர்.

புதுச்சேரி லாஸ்பேட்டை சாமிபிள்ளைத்தோட்டம் மெயின்ரோட்டை சேர்ந்தவர் சத்தியமூர்த்தி(வயது 52). சாராயக்கடையில் வேலை பார்த்து வந்தார். இவரது மனைவி மீனாட்சி. இவர்களுக்கு பிரகாஷ்(32), பிரதீபா(27), சிவசக்தி(17), தாசன்(16), சிவரிஷி(15) என 5 பிள்ளைகள் உள்ளனர்.

காதல்

இந்த நிலையில் கடந்த 2 வருடங்களுக்கு முன்பு பள்ளிக்கூடம் சென்ற சிவசக்தியை தாடி கணேசன் சந்தித்து காதலித்தான். பின்னர் சிவசக்தியை தாடி கணேசன் திருமணம் செய்து கொண்டான். தாடி கணேசனும், சிவசக்தியும் முத்தியால்பேட்டை பகுதியில தனிக்குடித்தனம் நடத்தி வந்தனர். சுமார் 21/2 வருடம் கழித்து இவர்களது வாழ்க்கையில், கடந்த 10-ந் தேதி புயல் வீசியது. வீட்டில் யாரும் இல்லாத நேரத்தில் சிவசக்தி தற்கொலை செய்து கொண்டார்.

மகள் சாவில் மர்மம்

சிவசக்தி உடலை பார்த்து அவரது குடும்பத்தினர் கதறி அழுதனர். இதையடுத்து தனது மகள் சாவில் மர்மம் இருக்கிறது. தாடி கணேசன் மீது எங்களுக்கு சந்தேகம் உள்ளது. எனவே அவரிடம் விசாரணை நடத்த வேண்டும் என்று முத்தியால்பேட்டை போலீஸ் நிலையத்தில் சத்தியமூர்த்தி புகார் செய்தார்.

சத்தியமூர்த்தி குடும்பத்தினருக்கும், தாடி கணேசனுக்குமிடையே தகராறு ஏற்பட்டது.

தந்தை-மகன் படுகொலை

இந்த நிலையில் நேற்று காலை சத்தியமூர்த்தியும் அவரது மகன் பிரகாசும் மர்ம நபர்களால் வெட்டி கொலை செய்யப்பட்டனர்.

தகவல் அறிந்த போலீசார் விரைந்து வந்தனர்.

சம்பவ இடத்திற்கு மோப்பநாய் அஜீத் வரவழைக்கப்பட்டது. அது சத்தியமூர்த்தி, பிரகாஷ் ஆகியோரின் வீட்டை மோப்பம் பிடித்து சிறிது தூரம் ஓடியது. ஆனால் யாரையும் கவ்வி பிடிக்கவில்லை.

மருமகன் மீது வழக்குப்பதிவு

தனது கண் முன்னே நடந்த சம்பவம் குறித்தும், கணவனை கொலை செய்த நபர்கள் குறித்தும் லாஸ்பேட்டை போலீஸ் நிலையத்தில் மீனாட்சி புகார் செய்தார். இதன் பேரில் தாடி கணேசன், கருணா, மணிகண்டன், பிரபாகரன் மற்றும் சிலர் மீது போலீஸ் இன்ஸ்பெக்டர் ரங்கநாதன் வழக்குப்பதிவு செய்து விசாரணை நடத்தி வருகிறார்.

தனிப்படை போலீசார் குற்றவாளிகளை வலைவீசி தேடி வருகின்றனர்.

தினதந்தி

அட பாவிகளா

ஆம் அண்ணா நேற்று டி‌வி இல் இதன் வீடியோ பார்த்தேன் கசாப்பு கடையில் இருப்பது போல ரத்த வெள்ளத்தில் பிணமாக இருந்தனர்