மங்காத்தாவில் அஜித், திரிஷா கேரக்டர்களின் ரகசியம் அம்பலம்

தாமு · தாமு Mon May 23, 2011 12:21 pm

வெங்கட் பிரபுவின் இயக்கத்தில் அல்டிமேட் ஸ்டார் அஜித்குமார் நடிக்கும் படம் மங்காத்தா. இது அஜித்குமார் நடிக்கும் ஐம்பதாவது படம் என்பது குறிப்பிடத்தக்கது. இப்படத்தில் அஜித்தின் ஜோடியாக திரிஷா நடிக்கிறார். இவர்களுடன் ஆக்ஷன் கிங் அர்ஜுன், லட்சுமி ராய், பிரேம்ஜி அமரன் உள்ளிட்ட பலர் நடிக்கின்றனர்.

சென்னை, மும்பை, ஹைதராபாத் என பறந்து பறந்து இப்படத்தின் ஷூட்டிங்கை முடித்து வருகிறார்கள். சூதாட்டத்தை மையமாக வைத்து எடுக்கப்பட்டுள்ள இப்படத்தில் அஜித் குமார் நடிக்கும் வேடம் ரகசியமாக வைக்கப்பட்டுள்ளது.

நெருங்கிய திரைப்பட வட்டாரங்களில் விசாரித்த வரை, அஜித் குமார் போலிஸ் அதிகாரியாகவும், தாதாவாகவும் மாறி மாறி வருகிறார் என்றனர். திரிஷா இப்படத்தில் முதல் முறையாக சென்னை வாழ் சேரிப்பெண்ணாக நடிக்கிறார். இதில் சிறப்பு என்னவென்றால், சென்னைத் தமிழை தனது சொந்தக் குரலில் பேசி நடித்துள்ளார்.

ஆக்ஷ்ன் கிங் அர்ஜுன் வழக்கம் போல் போலிஸ் அதிகாரியாக அஜித்தை பிடிக்க வருகிறார். இவருக்கு ஜோடியாக லட்சுமிராய் நடிக்கிறாராம். காமெடிக்கு பிரேம்ஜி அமரன் நடித்திருக்கிறாராம்.

மங்காத்தா படத்தில் ஒரு பாடல் இன்றுதான் வெளியாகியுள்ளது. முழு பாடல்களும் ஜூன் இரண்டாவது வாரத்திலும், படம் ஜூலையிலும் வெளிவரும் என்கிறார்கள்.

‘உங்காத்தா.. எங்காத்தா இல்ல சார்... இது மங்காத்தா சார்...’

st