இலங்கை அரசுக்கு எதிராகக் கண்டனப் பேரணி

by **சிவா** Tue Nov 11, 2008 2:00 pm

மலேசியாஇன்று

இலங்கை அரசு அந்நாட்டு தமிழ் மக்களுக்கு எதிராக நடத்தி வரும் போரால் இலட்சக் கணக்காக மக்கள் பெரும் இன்னல்களுக்கு ஆளாகியுள்ளனர். அங்கு நடந்து கொண்டிருக்கும் இனப்படுகொலையைக் கண்டித்து போரை நிறுத்தக் கோரும் பேரணி இலங்கை தூதரகத்தின் முன் எதிர்வரும் வெள்ளிக்கிழமை நடபெறவிருக்கிறது.

இலங்கை அரசாங்கப் படையினரின் குண்டுவீச்சு மற்றும் பீரங்கித் தாக்குதலால் இலங்கை தமிழர்கள் பாதுகாப்பின்றி தவிக்கின்றனர். உணவு, குடிநீர், இருக்க இடம் இன்றி தவிக்கின்றனர். இரண்டு இலட்சத்திற்கும் அதிகமான தமிழர்கள் சொந்த நாட்டிலேயே அகதிகளாக்கப்பட்டு அல்லல் படுகின்றனர்.

இலங்கை இனவாத அரசால் கொல்லப்பட்டு, அழிக்கப்பட்டு வரும் தமிழர்களுக்கு மனிதர்கள் என்ற அடிப்படையில் உதவியும் ஆதரவும் வழங்க வேண்டிய நமது கடமையாகும்.

இனவாத கொள்கையின் அடிப்படையில் தமிழர்களைக் கொன்றும் அவர்களுடைய உடமைகளை அழித்தும் மனிதத் தன்மையற்ற போக்கில் குண்டுவீச்சு நடத்தி வரும் இலங்கை அரசாங்கத்தை கண்டித்து எதிர்ப்பைத் தெரிவிக்க வேண்டியது நமது உரிமையும் தலையாயக் கடமையுமாகும்.

இன அழிப்பு எங்கு நடந்தாலும் அதனை எதிர்த்துப் போராட வேண்டியது மனிதநேயமுடைய மக்களின் பொறுப்பாகும்.

by **சிவா** Tue Nov 11, 2008 2:01 pm

இலங்கை தமிழர்களுக்கு ஆதரவு தெரிவிக்கவும் இனவாத இலங்கை அரசாங்கத்தைக் கண்டித்து போரை உடனடியாக நிறுத்தக் கோரியும் மஇகா இளைஞர் பிரிவு வருகிற வெள்ளிக்கிழமை நவம்பர் 14 ஆம் நாள் பிற்பகல் மணி 2.00 தொடங்கி இலங்கை தூதரகத்திற்கு முன் ஒரு மாபெரும் கண்டனப் பேரணிக்கு ஏற்பாடு செய்துள்ளனர்.

ஆயிரக்கணக்கான, பல்லாயிரக்கணக்கான மலேசிய தமிழர்கள் இப்பேரணியில் கலந்து கொண்டு இலங்கை அரசின் இனவாதப் போரைக் கண்டிக்க வேண்டும், இலங்கை தமிழர்களுக்கு ஆதரவு தெரிவிக்க வேண்டும் என்று கேட்டுக்கொள்ளப்படுகின்றனர்.

“இப்பேரணியில் அனைத்து ஈழ ஆதரவாளர்களும் மனித உரிமை அமைப்பைச் சார்ந்தவர்களும் கட்சி, அமைப்புகள் பேதமின்றி இலங்கை தமிழர்களுக்கு ஆதரவாக அணித் திரள வேண்டும் என உலகத் தமிழர் நிவாரண நிதியத்தின் அறங்காவலர் திரு பசுபதி சிதம்பரம் கேட்டுக் கொண்டுள்ளார்.”

“இப்பேரணிக்கு அரசியல் சாயம் பூசாமல், இலங்கையில் அப்பாவி தமிழர்களை காக்க மனிதாபிமான உணர்வினைக் கொண்ட அனைவரும் அணிதிரள்வோம்”, என்று வேண்டுகோள் விடுத்துள்ளார் மஇகா இளைஞர் பிரிவின் ஒருங்கிணப்புத் தலைவர் த. மோகன்.

பேரணி நாள்: வெள்ளிக்கிழமை 14.11.2008. இடம்: இலங்கை தூதரகத்தின் முன். நேரம்: பிற்பகல் மணி 2.00.

இலங்கை அரசுக்கு எதிராகக் கண்டனப் பேரணி

இலங்கை அரசுக்கு எதிராகக் கண்டனப் பேரணி

Re: இலங்கை அரசுக்கு எதிராகக் கண்டனப் பேரணி