திருமணம் ஆயிரம் காலத்துப் பயிர்...

**Tamilzhan** · **Tamilzhan** Thu Sep 10, 2009 8:40 pm

திருமணம் ஆயிரம் காலத்துப் பயிர்...

திருமணம் ஆயிரம் காலத்துப் பயிர் என்பார்கள். இன்றைய இளைய தலைமுறையினருக்கு படிப்பு, வேலை என்று வாழ்க்கை ஆதாரங்களை தேடுவதில் பாதிக்காலம் கழிந்துவிடுகிறது. பெரும்பாலானவர்கள் நன்கு முன்னேறிய பிறகே திருமணம், குடும்பம் எல்லாம் என்று லட்சியமாகவே கொண்டுள்ளதை அறியமுடிகின்றது. இப்படி இருந்துவிட்டு இளமைக்காலம் முடியும் தருணத்தில் பெண், மாப்பிள்ளை தேடும் படலத்தில் இறங்குகிறார்கள். அதிலும் சலிப்புத் தட்டிவிடவே திருமண வாழ்க்கையை உதறிவிடுபவர்களும் இருக்கிறார்கள்.

திருமணம் முடிந்தவர்களில் சிலரும் திருமண வாழ்க்கை கவலையைத் தருவதாக சலித்துக் கொள்கிறார்கள். ஆனால் திருமணம் என்பது சலிப்புத் தட்டும் விஷயமோ, ஒதுக்கி வைக்கும் அளவுக்கு துன்பகரமான நிகழ்வோ இல்லை என்கிறது ஆய்வு. திருமணம் செய்வதால் உடலும் மனமும் பல்வேறு விதங்களில் நலம்பெறுவதாக அந்த ஆய்வு தெரிவிக்கிறது.

அரிசோனா பல்கலைக்கழகம், அல்ஸ்டர் பல்கலைக்கழக ஆய்வாளர்கள் இதுதொடர்பான ஆய்வில் ஈடுபட்டனர். அவர்கள் 1,715 பேரை ஆய்வுக்கு உட்படுத்தினார்கள். அவர்கள் அனைவரும் 57 வயது முதல் 85 வயதுடையவர்கள். அவர்களின் உடலில் சி.ஆர்.பி. என்னும் புரத அளவு பரிசோதித்து பார்க்கப்பட்டது. இந்த புரதம் இதயவியாதி, ரத்த அழுத்தம் போன்றவற்றுடன் தொடர்பு உடையது.

இதில் திருமணம் முடிக்காதவர்களுக்கு பல்வேறு உடல் நலக்கோளாறுகளும், கொடிய பாதிப்புகளுக்கான அறிகுறியும் தென்பட்டன. திருமணம் முடிந்தவர்களுக்கு இதுபோன்ற பாதிப்புகள் இல்லை. அவர்களது உடல் நல்ல ஆரோக்கியத்துடனும், நோய் எதிர்ப்புத்தன்மையும் பெற்று இருந்தது தெரியவந்தது.

ஆய்வு முடிவில் திருமணம் மனிதனுக்கு அளிக்கும் சில நன்மைகளை பட்டியலிட்டு உள்ளனர். அவை...

1. திருமணம் உடல்நலப் பிரச்சினைகளை 10.34 சதவீதம் கட்டுப்படுத்துகிறது.

2. ரத்த அழுத்தத்தை கட்டுக்குள் வைப்பதோடு, 3.43 சதவீத அளவு குறைக்கிறது.

3. புகைக்கும் பழக்கத்தையும் 7.94 சதவீதம் கட்டுப்படுத்துகிறது.

**சிவா** · **சிவா** Thu Sep 10, 2009 8:47 pm

அப்படியா?

திருமணம் ஆயிரம் காலத்துப் பயிர்... 676261

மீனு · மீனு Thu Sep 10, 2009 10:21 pm

திருமணம் ஆயிரம் காலத்துப் பயிர் என்பார்கள்

ஆயிரம் காலம் எந்த பயிர் வாழும்.. இதற்க்கு ஏதாவது உள் விளக்கம் இருக்கா.. நந்திதா அக்கா கிட்டே கேட்டு பார்க்கலாமா ? தமிழன் அண்ணா நீங்களே சொல்லுறீங்களா.. இல்லை ஷிவா அண்ணா சொல்லுவீங்களா ?

**சிவா** · **சிவா** Thu Sep 10, 2009 10:31 pm

விஞ்ஞான முறைப்படி தாய் - தந்தையின் உயிரணுக்கள் பத்து தலைமுறைக்கு மேல் தொடரும் என்கிறார்கள். அதாவது ஏறக்குறையஆயிரம் ஆண்டுகள்! சரியா, தவறா என தெரிந்தவர்கள் விளக்கவும்!

மீனு · மீனு Thu Sep 10, 2009 10:37 pm

ஓஒ அப்படியா.. நன்றிகள் அண்ணா..இப்போ புரிகிறது..சும்மாவா முனோர்கல் சொல்லிவைத்து சென்று இருக்கின்றார்கள்..

Sponsored content · Sponsored content

திருமணம் ஆயிரம் காலத்துப் பயிர்...

திருமணம் ஆயிரம் காலத்துப் பயிர்...

Re: திருமணம் ஆயிரம் காலத்துப் பயிர்...

Re: திருமணம் ஆயிரம் காலத்துப் பயிர்...

Re: திருமணம் ஆயிரம் காலத்துப் பயிர்...

Re: திருமணம் ஆயிரம் காலத்துப் பயிர்...

Re: திருமணம் ஆயிரம் காலத்துப் பயிர்...

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக