கவிதை!

ஷீ-நிசி · ஷீ-நிசி Thu 19 May 2011 - 22:36

கவலைகளில்....
பலர் கண்ணீரில் அழுகிறார்கள்!
சிலர் கவிதையில் அழுகிறார்கள்!!

விழிகளின் வழியே அழுதால்
அது கண்ணீர் கோடுகள்!
விரல்களின் வழியே அழுதால்
அது கவிதை கோடுகள்!

மனம் கணக்கும் வார்த்தைகளோ!
மனம் மயக்கும் வார்த்தைகளோ!

இதழ் வழியே சிந்த விடாமல்,
விரல் வழியே சிந்தும் விந்தை....
கவிதை!!

எழுதுகோலும், எழுதுதாளும்!
சங்கமித்தால் வரிகள் பிறக்கும்!

இதயமும் துன்பமும்
சங்கமித்தால் வலிகள் பிறக்கும்!

வரிகளும் வலிகளும்
சங்கமித்தால் கவிதை பிறக்கும்!

கண்கள் கண்ட நிகழ்வை,
இதயம் பாதித்த ஒன்றை,
பல வரிகளில் படைத்தான்..
கவிஞன் ஒருவன்......

படைத்தவனை பாதித்தது....
படிப்பவனை பாதித்தால்,,,

"கவிதை"

அன்பு தளபதி · அன்பு தளபதி Thu 19 May 2011 - 22:39

அற்புதம் நண்பா

ஜாவிட் ரயிஸ் · ஜாவிட் ரயிஸ் Thu 19 May 2011 - 22:48

மிகவும் அருமை.. தொடர்ந்தும் எழுதுங்கள்

sino · sino Thu 19 May 2011 - 23:12

நல்லா இருக்கு வரிகள்

மஞ்சுபாஷிணி · மஞ்சுபாஷிணி Thu 19 May 2011 - 23:19

கவிதைக்குள் இத்தனை விஷயங்களா???

கற்பனைத்திறனை பொய்யும் மையோடு கரைத்து கவிதைக்கு அழகு சேர்ப்பார்கள் என்று நினைத்தால் இதில் வலிகளும் அடங்கி இருப்பதை இதோ உங்களின் இந்த கவிதை வரிகளை படிக்கும்போது அறிய முடிகிறது....

அன்பு வாழ்த்துக்கள் ஷீநிசி.... சூப்பருங்க