3 நிமிடங்களுக்கு இருவர் காசநோயால் இறக்கின்றனர்

by murugesan Sun May 22, 2011 11:12 am

""உலகில் காசநோயாளிகள் இந்தியாவில் அதிகமாக உள்ளனர், 3 நிமிடங்களுக்கு இருவர் காசநோயால் இறக்கின்றனர்'' என நெல்லையில் காசநோய் விழிப்புணர்வுக்கூட்டத்தில் "திடுக்' தகவல் தெரிவிக்கப்பட்டது. நெல்லையில் திருத்தியமைக்கப்பட்ட தேசிய காசநோய் தடுப்புத்திட்டத்தின் கீழ் ரீச், அக்ஷயா டி.பி. புராஜக்ட் சார்பில் கிராமங்களில் காசநோய் விழிப்புணர்வு ஏற்படுத்துவது தொடர்பாக சித்தா, ஆயுர்வேத, பரம்பரை மருத்துவர்களுக்கு ஆலோசனைக்கூட்டம் நடந்தது. ஒருங்கிணைப்பாளர் அலெக்ஸ் திட்ட விளக்கவுரை ஆற்றினார். அவர் மேலும் பேசும்போது, ""உலகம் முழுவதும் ஆண்டுக்கு ஒரு கோடி பேர் காசநோயால் பாதிக்கப்படுகின்றனர். இந்தியாவில் ஒரு ஆண்டுக்கு 1.20 லட்சம் பேர் புதிதாக பாதிக்கப்பட்டு வருகின்றனர். நாடு முழுவதும் 33 லட்சம் பேர் காசநோயால் பாதிக்கப்பட்டுள்ளனர். ஒவ்வொரு 3 நிமிடங்களுக்கும் இருவர் காசநோயால் பாதிக்கப்பட்டு இறக்கின்றனர். ஒரு ஆண்டுக்கு 3 லட்சம் குழந்தைகள் பள்ளிப்படிப்பை விடுகின்றனர். ஒரு லட்சம் பெண்கள் குடும்பத்தில் இருந்து தள்ளிவைக்கப்படுகின்றனர். உலக அளவில் அதிக காச நோயாளிகள் இந்தியாவில் உள்ளனர். காசநோய் பாதிப்புக்கு உள்ளானவர்களில் 70 சதவீதத்தினர் 15 முதல் 54 வயதுக்கு உட்பட்டவர்கள். 50 சதவீதத்தினர் 34 வயதுக்குட்பட்ட பெண்கள்.

இதனால் பொருளாதார வீழ்ச்சி, சமூக சீர்கேடுகள் ஏற்படுகிறது. காசநோயால் பாதிக்கப்பட்டவர்களுக்கு முடி, நகம் தவிர உடலின் அனைத்து உறுப்புகளும் பாதிக்கப்படும். 2 வாரங்களுக்கு மேல் சளிஇருமல், மாலைநேர காய்ச்சல், நெஞ்சுவலி, பசியின்மை, எடைகுறைதல் இருந்தால் காசநோய் பரிசோதனை மேற்கொள்ள வேண்டும். கிராம மக்களுக்கு நெருக்கமான மாற்றுமுறை மருத்துவர்கள் காசநோய் விழிப்புணர்வை மக்களிடம் ஏற்படுத்த வேண்டும். நோயாளிகளுக்கு காசநோய் அறிகுறி இருப்பது உறுதி செய்யப்பட்டால் மாற்றுமுறை மருத்துவர்கள் அரசு வழங்கும் இலவச டாட்ஸ் மாத்திரைகளை பெற்று வழங்கலாம்'' என்றார். பாளை.

அரசு சித்த மருத்துவக்கல்லூரி பேராசிரியர் டாக்டர் தங்கமணி பேசும்போது, ""சித்த மருத்துவம் ஆன்மீகம், அறிவியல் கலந்தது. மிக நுட்பமானது. இளைப்பு நோய் எனப்படும் டி.பி., குறித்த சித்த மருத்துவத்தில் கூறப்பட்டுள்ளது. உடலில் நோய் எதிர்ப்புச்சக்தி இருந்தால் நோயால் பாதிப்பு ஏற்படாது. நிலவேம்பு கஷாயம் ஆறு மாதங்களுக்கு சாப்பிட்டால் உடலில் நோய் எதிர்ப்பு சக்தி ஏற்படும்'' என்றார். டாக்டர் சுபாஷ்சந்திரன் பேசும்போது, காசநோய் பாதிப்புகள், சித்த மருத்துவத்தில் நிலவேம்புவை பயன்படுத்துவது, காசநோய் தடுப்பு முறைகள், முன்னெச்சரிக்கை நடவடிக்கைகள் குறித்து விளக்கினார். ஓய்வு பெற்ற மாவட்ட சித்த அலுவலர் டாக்டர் அய்யனார், டாக்டர் பவுலின், கணேசன் உட்பட பலர் பேசினர்.

காசநோய் பரவும் அபாயம் அதிகம் : கூட்டத்தில் டாக்டர் ஒருவர் பேசும்போது, ""காசநோயாளி துப்பும் சளி காய்ந்தாலும் அதில் இருந்து பரவும் கிருமிகள் இறப்பதில்லை. அக்கிருமிகள் மூலம் காசநோய் மேலும் பலருக்கு பரவும். காசநோய் தடுப்பு விழிப்புணர்வை முதலில் ஏற்படுத்த வேண்டும். இதுதொடர்பாக காசநோயாளிகளுக்கு அறிவுரைகள் வழங்கப்பட வேண்டும்'' என்றார். ""இதுதொடர்பாக காசநேயாளிகளுக்கு விரைவில் தகுந்த அறிவுரைகள் வழங்கப்படும், நோயாளிகள் தொடர்ந்து மருந்து எடுத்தால் நோய் பரவும் வேகம் குறைந்து விடும்'' என கூட்ட ஒருங்கிணைப்பாளர் தெரிவித்தார்.

தினமலர்

by மஞ்சுபாஷிணி Sun May 22, 2011 2:37 pm

வேதனையான செய்தி... சோகம்

3 நிமிடங்களுக்கு இருவர் காசநோயால் இறக்கின்றனர்

3 நிமிடங்களுக்கு இருவர் காசநோயால் இறக்கின்றனர்

Re: 3 நிமிடங்களுக்கு இருவர் காசநோயால் இறக்கின்றனர்