வற்றிடாத அன்பு...

ஹாசிம் · ஹாசிம் Thu May 19, 2011 12:50 pm

அன்பிற்கு நிகர் நீதானென்று
அல்லும்பகலும் உனைத்தொடர்ந்திட
ஆவலளித்த பாசமுனது
ஆசை தீர்த்திடாத அன்புனது

வானங்கள் இடிந்திடட்டும்
மலைகள் மணல்களாகட்டும்
கடல்கள் வறட்சி பெறட்டும்
உனதன்பிற்கு ஈடிணையில்லை

நானடைந்த நட்புகளையும்
நானடைந்த காதலிகளையும்
நானடைந்த உறவுகளையும்
வென்றுவிட்ட அன்புனது

அம்மா என்றழைத்த போது
அகிலம் மறந்த ஆரத்தழுவலில்
ஏக்கங்களின் பிரதிபலிப்பாய்
ஊற்றெடுக்கும் பாசமுனது

பாசங்கலந்த பாலுட்டி
உதிரத்தில் கலந்துவிட்டதால்
நீயென்று உணரும்போதே
நானெனை மறந்துவிடுகிறேன்
என்னுயிர் பிரியும்வரை
எனதன்பும் வற்றிடாதம்மா...

**Manik** · **Manik** Thu May 19, 2011 12:53 pm

கல்வெட்டில் பதிய வேண்டிய வரிகள் அனைத்தும் மிக அற்புதம் அண்ணா வற்றிடாத அன்பு... 677196

நான் அடைந்த காதலிகளையும் (லிஸ்ட் ரொம்ப பெருசா இருக்கும் போல) வற்றிடாத அன்பு... 755837

இந்த பதிவைத் துவங்கியவர் நன்றி கூறியுள்ளார் Manik

ஹாசிம் · ஹாசிம் Thu May 19, 2011 1:00 pm

Manik wrote:கல்வெட்டில் பதிய வேண்டிய வரிகள் அனைத்தும் மிக அற்புதம் அண்ணா

நான் அடைந்த காதலிகளையும் (லிஸ்ட் ரொம்ப பெருசா இருக்கும் போல)

மிக்க நன்றி மாணிக்

காதலிகள்என்று சுருங்க கூறியதில் இப்படியான ஒரு கேள்வி வரும் என்பதையும் நானறிவேன்
பெண்களின் தரப்புகளை தனித்தனியாக குறிப்பிடாது மொத்தமாக சொல்ல நினைத்ததுதான் அது ( சகோதரிகள் மனைவி குழந்தை நண்பிகள் அனைவரையும் ஒருவிதத்தில் நாம் காதலிக்கிறோம் தானே (அன்பு செலுத்துகிறோம்) அதனால்தான் காதலிகள் என்றுவிட்டேன் அதற்காக வேறு விதாமான காதலிகள் என்று கொள்ளாதிங்க நன்றி )

மஞ்சுபாஷிணி · மஞ்சுபாஷிணி Thu May 19, 2011 1:10 pm

அன்னையின் அன்புக்கு ஈடு தான் என்ன?
அன்னையின் அன்பே மாத்திரமல்லாது வேறெதுவுமே இல்லை என்று ஆணித்தரமாக எல்லா உறவுகளையும் புறம் தள்ளவைத்து முன்னுக்கு வந்த அன்னையின் அன்பை போற்றி எழுதிய மிக அருமையான வரிகள் ஹாசிம்.....

அன்பு வாழ்த்துக்கள் ஹாசிம் அருமையான படைப்புக்கு...

ஹாசிம் · ஹாசிம் Thu May 19, 2011 3:14 pm

மஞ்சுபாஷிணி wrote:அன்னையின் அன்புக்கு ஈடு தான் என்ன?
அன்னையின் அன்பே மாத்திரமல்லாது வேறெதுவுமே இல்லை என்று ஆணித்தரமாக எல்லா உறவுகளையும் புறம் தள்ளவைத்து முன்னுக்கு வந்த அன்னையின் அன்பை போற்றி எழுதிய மிக அருமையான வரிகள் ஹாசிம்.....

அன்பு வாழ்த்துக்கள் ஹாசிம் அருமையான படைப்புக்கு...

நன்றி அக்கா உங்களின் கருத்தில் மகிழ்கிறது மனம்

கலைவேந்தன் · கலைவேந்தன் Thu May 19, 2011 4:57 pm

தாய்மையைப்பற்றிய தரமான கவிதை..! பாராட்டுகள் ஹாசிம்..!

ஷீ-நிசி · ஷீ-நிசி Thu May 19, 2011 9:28 pm

அம்மாவிற்கான கவிதை மென்மையாய் இதயத்தை தாலாட்டுகிறது...

'வரட்சி' தவறு 'வறட்சி' என்பதே சரி

ஹாசிம் wrote:

வானங்கள் இடிந்திடட்டும்
மலைகள் மணல்களாகட்டும்
கடல்கள் வரட்சி பெறட்டும்
உனதன்பிற்கு ஈடிணையில்லை

sino · sino Thu May 19, 2011 9:50 pm

நல்லா இருக்கு கவிதை

றினா · றினா Fri May 20, 2011 12:54 am

நானடைந்த நட்புகளையும்
நானடைந்த காதலிகளையும்
நானடைந்த உறவுகளையும்
வென்றுவிட்ட அன்புனது

வென்று விடுவதுதான் தாயன்பு.
வாழ்த்துக்கள்.

ஹாசிம் · ஹாசிம் Sat May 21, 2011 10:59 am

கலைவேந்தன் wrote:தாய்மையைப்பற்றிய தரமான கவிதை..! பாராட்டுகள் ஹாசிம்..!

மிக்க நன்றிகள் அண்ணா

Sponsored content · Sponsored content

வற்றிடாத அன்பு...

வற்றிடாத அன்பு...

Re: வற்றிடாத அன்பு...

Re: வற்றிடாத அன்பு...

Re: வற்றிடாத அன்பு...

Re: வற்றிடாத அன்பு...

Re: வற்றிடாத அன்பு...

Re: வற்றிடாத அன்பு...

Re: வற்றிடாத அன்பு...

Re: வற்றிடாத அன்பு...

Re: வற்றிடாத அன்பு...

Re: வற்றிடாத அன்பு...

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக