உலகின் பழமையான டெபிட் கார்ட்(Debit Card) ஜெர்மனியில் கண்டுபிடிப்பு!

by தாமு Fri May 20, 2011 8:40 am

453 ஆண்டுகளுக்கு முந்தைய டெபிட் கார்டை ஜெர்மனி தொல்பொருள் ஆராய்ச்சி துறை நிபுணர்கள் கண்டுபிடித்துள்ளனர். இதுபற்றி ஹல்லே நகரில் உள்ள அரசு அருங்காட்சியக தொல்பொருள் ஆராய்ச்சி நிபுணர் ஆண்ட்ரஸ் ஹீலி கூறியதாவது: விட்டன்பெர்க் நகரில் அகழ்வாராய்ச்சி செய்தோம். அப்போது ஒரு அட்டை கிடைத்தது. 30 செ.மீ. நீளம் இருந்தது. அதில் பெயர், திகதி பொறிக்கப்பட்டிருந்தது. 23 கோடுகள் இருந்தன. திகதி அடிப்படையில் 453 ஆண்டு பழமையானது. அது நல்ல நிலையில் பாதுகாக்கப்பட்டிருந்த அந்த அட்டை மார்ட்டின் லூதர் கிங் காலத்தில் கடனுக்கான கார்டாக அது பயன்படுத்தப்பட்டிருக்கிறது. பெரும்பாலோர் எழுத, படிக்க தெரியாத காலத்தில் அட்டையை வைத்திருப்பவர்கள் கடன் பெற்றிருக்கலாம். தொகைக்கு ஏற்ப கடன் பெறும்போதெல்லாம் அட்டையில் கோடு பொறிக்கப்பட்டிருக்கலாம். 60 செ.மீ. நீளத்துக்கு இருந்திருக்கக்கூடிய அட்டையில் மீதியை கடன் அளித்தவர் வைத்திருக்க கூடும். கடனை திருப்பிச் செலுத்தும்போது இரண்டு பாதிகளையும் கொண்டு வந்து ஒப்பிட்டு பார்த்து முடிவு வந்திருக்கலாம். எனவே டெபிட் கார்டு உபயோகம் 450 ஆண்டுகளுக்கு முன்பே இருந்திருக்கிறது. இவ்வாறு ஹீலி தெரிவித்தார். புதியஉலகம் அறிவித்தல் எமது செய்திகளை பிரதியிடுவதாயின் தயவுசெய்து எமது தளமுகவரினை இறுதியில் சேர்த்துக்கொள்ளல் வேண்டும். உங்கள் ஆதரவுக்கு நன்றி.