குடிபோதையில் கற்பழிக்க முயன்ற தந்தையை குத்திக் கொன்ற மகள்

by முரளிராஜா Thu May 19, 2011 3:35 pm

First topic message reminder :

குடிபோதையில் தன்னைக் கற்பழிக்க முயன்ற தந்தையை மகள் கத்தியால் குத்திக் கொலை செய்துள்ளார்.

சென்னை மாங்காடை அடுத்த கோவூர் தர்மராஜா கோவில் தெருவைச் சேர்ந்தவர் ரத்னமணி (57). பக்ரைன் நாட்டில் வெல்ட்ராக வேலை பார்த்த அவர் கடந்த 3 ஆண்டுகளுக்கு முன்பு ஊருக்கு வந்துவிட்டார். 2004-ம் ஆண்டு அவரது மனைவி இறந்துவிட்டார்.

ரத்னமணிக்கு ஆன்ட்ரோ செல்வின் பிரபு (27) என்ற மகனும், அஞ்சுஜெர்மி (18) என்ற மகளும் உள்ளனர். ஆன்ட்ரோசெல்வின் சென்னை அண்ணா நகரில் உள்ள ஒரு கால்சென்டர் ஒன்றில் வேலை பார்க்கிறார். மகள் அஞ்சுஜெர்மி கோவூரில் உள்ள ஒரு புனித ஜோசப் கல்லூரியில் கம்ப்யூட்டர் சயின்ஸ் 3-ம் ஆண்டு படித்து வந்தார்.

இவர்களது சொந்த ஊர் நாகர்கோவில். கடந்த 2 ஆண்டுகளுக்கு முன்பு தான் கோவூரில் வாடகைக்கு வீடு எடுத்தனர். நேற்று முன்தினம் இரவு ஆன்ட்ரோசெல்வின் வேலைக்கு சென்றுவிட்டார். வீட்டில் அப்பாவும், மகளும் மட்டும் தான் இருந்தனர். குடிபோதையில் இருந்த ரத்னமணி தனது மகளை கற்பழிக்க முயன்றுள்ளார். தன்னைக் காப்பாற்றிக் கொள்ள அஞ்சுஜெர்மி தனது தந்தையைக் கத்தியால் குத்திக் கொலை செய்துள்ளார்.

உடனே தனது அண்ணனுக்கு போன் செய்து நடந்த விவரத்தைக் கூறினார். ஆன்ட்ரோசெல்வின் தங்கள் வீட்டு உரிமையாளருக்கு போன் செய்து தான் வரும் வரை அஞ்சுவுடன் இருக்குமாறு கூறியுள்ளார். அதிகாலையில் வீட்டுக்கு வந்த ஆன்ட்ரோசெல்வின், 8 மணியளவில் மாங்காடு போலீசுக்கு தகவல் கொடுத்தார்.

தகவல் கிடைத்தவுடன் சம்பவ இடத்திற்கு வந்த போலீசார் அஞ்சுஜெர்மியை கைது செய்தனர். ரத்னமணியின் உடலை கீழ்பாக்கம் மருத்துவமனைக்கு பிரேத பரிசோதனைக்காக அனுப்பி வைத்தனர்.

விசாரணையில் அஞ்சுஜெர்மி கூறியதாவது,

கடந்த 1 ஆண்டுக்கு முன் நான் 5 பவுன் தங்க நகையை என்னுடைய தோழியிடம் கொடுத்து வைத்திருந்தேன். அதை வாங்கி வருமாறு என் தந்தை என்னிடம் அடிக்கடி தகராறு செய்தார்.

மேலும், தினமும் குடித்துவிட்டு வந்து என்னை அடித்து சித்ரவதை செய்தார். நேற்று முன்தினம் இரவும் குடித்துவிட்டு வந்த அவர் என்னை கற்பழிக்க முயன்றார். என்னைக் காப்பாற்றிக் கொள்ள நான் அவரை கத்தியால் குத்திக் கொன்றேன் என்றார்.

ரத்னமணியின் வயிற்றில் 4 இடங்களில் கத்திக்குத்து இருந்தது.

தன் மானத்தைக் காப்பாற்ற தற்காப்புக்காக அஞ்சுஜெர்மி கொலை செய்துள்ளதால் அவளுக்கு ஜாமீன் கிடைக்கலாம் என்று போலீஸ் அதிகாரி ஒருவர் தெரிவித்தார்.

நன்றி தட்ஸ் தமிழ்

by மஞ்சுபாஷிணி Thu May 19, 2011 8:23 pm

விவரங்களை முழுமையாய் தெளிவுற அறிந்தப்பின் தந்தை செய்தது தவறென்று தெரிந்தால் மகள் செய்தது சரியே.... மகளின் எதிர்க்காலம் பாதிக்காமல் இருக்க மேற்கொண்டு படிக்கவைக்கவேண்டும். கெட்ட கனவாக நினைத்து இந்த விஷயத்தை மறக்கவும் வேண்டும்....

by றினா Thu May 19, 2011 11:31 pm

ரா.ரமேஷ்குமார் wrote:பாவம் அந்த பெண்...
இருந்தாலும் அனைவரும் ஒரு கோணத்தில் இதனை அணுக கூடாது கொலைக்கான காரணங்கள் மாற வாய்புள்ளது முழுமையான விசாரனை தேவை...

ஆமாம் ஒரு பக்க வாதத்தை வைத்து எந்த முடிவுக்கும் வர முடியாது??
ஆனால் இந்த விடயம் உண்மையாய் இருக்கும் பட்சத்தில் அந்த மகளுக்கு ஒரு சபாஷ்...

by ANTHAPPAARVAI Fri May 20, 2011 3:14 am

இது போன்ற தகாத உறவு தொடர்பான வழக்குகள் பெரும்பாலும் ஜோடிக்கப் பட்டவையாகவே இருக்கும்.

இதில் தகவல் தெரிந்த அண்ணன், அதிகாலையில் தான் வீட்டிற்கு வந்திருக்கிறார்.(?) மேலும் தந்தைக்கு 7 இடங்களில் (ரத்தினவேலின் வலது விலாவில் நான்கு முறையும், வயிற்றில் மூன்று முறையும்.) கத்திக் குத்து விழுந்திருக்கிறது.(?) ஆத்திரத்தில் குத்தினாலும் கூட ஒரு முறை குத்தியிருக்கலாம்.... இரண்டு முறை குத்தியிருக்கலாம்.... ஆனால்...(?). தனது தந்தை தன்னிடம் தவறாக நடக்க முயற்சித்தால், அதிலிருந்து விடுபட அந்தப் பெண், சத்தம் போட்டிருக்க வேண்டும். அது மட்டுமல்லாமல், நள்ளிரவு 2 மணிவரை இறந்து போன தனது தந்தையுடனே இருந்து விட்டு(?), அதன் பிறகு தான் தனது அண்ணனுக்குத் தகவல் தெரிவித்துள்ளார். அந்த அண்ணன் சொல்லித்தான் வீட்டு உரிமையாளருக்கே விஷயம் தெரிந்திருக்கிறது. எதிர் பாராமல் நடந்திருந்தால், அந்தப் பெண் பயத்தில் சத்தம் போட்டு இருப்பார்... அல்லது கத்திக் குத்து பட்டவுடன், குடிபோதையில் இருந்த அந்தத் தந்தை நிச்சயம் கத்தியிருப்பார்... இது ஏன் அந்த வீட்டு உரிமையாளருக்குக் கேட்டிருக்க வில்லை...(?)
ஒருவேளை அந்தத் தந்தை இதற்கு முன்னதாகவே இப்படி நடக்க முயற்சித்திருந்தால், அண்ணனிடம் தெரிவித்திருக்கலாம், அல்லது அண்ணன் இல்லாத இரவுகளில், அந்தப் பெண் தனி அறையில் தூங்கியிருக்கலாம், அல்லது வீட்டு உரிமையாளர் வீட்டிலோ, பக்கத்து வீட்டிலோ கூட தூங்கியிருக்கலாம்.(?)

எனக்கென்னவோ உண்மையைத் தூங்க வைத்து விட்டார்களோ என்று தோன்றுகிறது!?

இந்த சம்பவத்தைப் பொறுத்த வரையில், அந்தத் தந்தை கொடூரமாணவராக இருந்திருந்தால், பாதுகாப்புக்காக அவரைக் கொலை செய்ததை விட, அதற்கு முன்னரே பாதுகாப்பாக இருந்திருக்கலாம்.

பொறுத்திருந்து பார்க்க வேண்டியது தான். அந்தப் பெண்ணை பாராட்டவும் முடியாது, அந்தத் தந்தையை திட்டவும் முடியாது!

"அந்தப்பார்வை"