தூக்கமின்னையா...?

றினா · றினா Tue May 17, 2011 1:38 pm

பின் தூங்கி முன்னெழுவதை சிலர் பெருமையாகவெ கூறிக்கொள்வதுண்டு. ஆனால் இது 6 மணி நேரத்திற்கும் குறைவாகப் போனால் மாரடைப்பு உள்ளிட்ட பல பிரச்சினைகளைச் சந்திக்க நேரிடும் என அண்மைய ஆய்வொன்று தெரிவிக்கின்றது.

'நீங்கள் என்ன உண்கிறீர்கள் அல்லது அருந்துகிறீர்கள் என்பது மட்டுமே உங்களது உடல் நலத்தை தீர்மானிக்கப்போவதில்லை தூக்கமும்தான்!' என்று கூறுகிறார்கள் மருத்துவர்கள்!.

மாரடைப்பு உள்ளிட்ட இருதய சம்பந்தமான நோய்கள் குறித்து சமீபகாலமாக மேற்கொள்ளப்பட்ட ஆய்வில், தூக்கமின்மையும் அதற்கு ஒரு முக்கிய காரணமாக உருவெடுத்துள்ளது தெரியவந்துள்ளது.

லண்டனில் அண்மையில் இது தொடர்பாக மேற்கொள்ளப்பட்ட ஆராய்ச்சியில், இரவில் ஆறு மணி நேரத்திற்கும் குறைவாகத் தூங்குபவர்களுக்கு, இருதய நோயால் அல்லது மாரடைப்பால் உயிரிழப்பதற்கு மற்றவர்களைக் காட்டிலும் 48 வீதம் அதிக வாய்ப்பு இருப்பதாக தெரியவந்துள்ளது.

இந்த ஆராய்ச்சி பெருநகரங்களில் இயந்திர வாழ்க்கையில் உழலும் பின் தூங்கி முன்னெழுபவர்களுக்கும் பொருந்தும் என்கிறார்கள் முன்னணி இருதய நோய் மருத்துவ நிபுணர்கள்.