தமிழ் பற்றுள்ள நந்திதா அவர்களுக்காக ..ஒரு கவிதை

மீனு · மீனு Tue Sep 08, 2009 11:45 pm

இந்த தமிழ் என்ற கவிதையை நான் நந்திதா அவர்களுக்காக இங்கு ஈகரைல போடுறேன்.. அவங்களின் தமிழ் பற்று ,அவர்களின் தமிழும எனக்கு ரொம்ப பிடித்து இருக்கு..இதில் தப்பு இருக்கலாம் இந்த கவிதையில்.. இருந்தால் மன்னிக்கவும்.. அன்புடன் மீனுகா.
தமிழ்

தழிழரின் நாவினில்
தவழ்ந்திடும் தமிழ்
தரணியின் களனியில்
தழைத்திடும் தமிழ்
உலகத்தின் பிறப்புடன்
உருவான தமிழ்

தொன்மையின் சான்றிலும்
தொலையாத தமிழ்
பிஞ்சுக் குழந்தையுடன்
கொஞ்சும் தமிழ்
மனசை மயக்கும்
மழலைத் தமிழ்

அன்னை மடியில்
அன்புத் தமிழ்
ஆசான் கரத்தில்
அறிவுத் தமிழ்
நண்பனின் மூச்சில்
நட்புத் தமிழ்

மடந்தையர் கண்களில்
மயங்கிடும் தமிழ்
காதலின் பேச்சில்
கவிதைத் தமிழ்
மன்னவர் சபையில்
மானத் தமிழ்

வள்ளுவன் எழுத்தில்
வாய்மைத் தமிழ்
பாரதி சொல்லில்
பற்சுவைத் தமிழ்
ஓளவையின் மொழியில்
அறிவுரைத் தமிழ்

கவிஞரின் உள்ளத்தில்
கனிந்திடும் தமிழ்
சங்ககாலம் வித்திட்ட
சாதனைத் தமிழ்
விளைகின்ற மண்ணில்
வீரத் தமிழ்

கடலின் அலையிலும்
கவிபாடும் தமிழ்
காற்றின் ராகத்தில்
கலந்திட்ட தமிழ்
மழையின் சாரலாய்
மகிழ்திடும் தமிழ்

வற்றாத ஆறாக
வழிந்தோடும் தமிழ்
பூவின் மென்மையாய்
புன்னகைக்கும் தமிழ்
பூவுலகம் சூட்டும்
புகழ்மாலைத் தமிழ்

வானத்தில் சிறகடிக்கும்
வசந்தகாலப்பறவைத் தமிழ்
சாத்வீக குணத்தின்
சாந்தத் தமிழ்
அன்பின் மார்க்கத்தை
ஆற்றுகின்ற தமிழ்

வறுமையின் பிடியிலும்
வாழ்ந்திடும் தமிழ்
அடிமையை எதிர்த்திடும்
ஆணவத் தமிழ்
உறவுகள் வாழ்ந்திட
உதவிடும் தமிழ்

மரணத்தின் படுக்கையில்
மரிக்காத தமிழ்
மறுஜென்ம பாதையில்
மறையாத தமிழ்
ஆண்டவன் தந்துவிட்ட
அகராதித் தமிழ்

குறையாத சுவை தமிழுக்கே
குன்றாத மொழி தமிழுக்கே
அழியாத அழகு தமிழுக்கே
அணையாத தீபம் தமிழுக்கே

எங்கும் தமிழ்
எதிலும் தமிழ்
என்றும் நிலைத்திட
எல்லாம் வல்லவனின்
ஆசியை பெற்று
அகிலம் நிலைபெறும்.

ரூபன் · ரூபன் Tue Sep 08, 2009 11:53 pm

என்ன அப்ப எங்களுக்கு தமிழ்பற்று இல்லையா கேளுங்க மகா ஜனங்களே கேளுங்க

மீனு · மீனு Tue Sep 08, 2009 11:54 pm

தமிழ் பற்றுள்ள நந்திதா அவர்களுக்காக ..ஒரு கவிதை 838572

kirupairajah · kirupairajah Tue Sep 08, 2009 11:59 pm

ruban1 wrote:என்ன அப்ப எங்களுக்கு தமிழ்பற்று இல்லையா கேளுங்க மகா ஜனங்களே கேளுங்க

உண்மையில் இங்கு விவாதத்திற்கு இடமில்லை ரூபன், அக்காவின் தற்போதய நிலையில் இருந்து கொண்டு அவ ஆற்றும் தமிழ் பணியோடு ஒப்பிடும் போது, நாமெல்லாம் ஒன்றுமேயில்லை

ரூபன் · ரூபன் Tue Sep 08, 2009 11:59 pm

உண்மைதான் கிருபை அவர்களின் தமிழ்ப்பற்று அபாரம்

பிரகாஸ் · பிரகாஸ் Wed Sep 09, 2009 12:17 am

kirupairajah wrote:
ruban1 wrote:என்ன அப்ப எங்களுக்கு தமிழ்பற்று இல்லையா கேளுங்க மகா ஜனங்களே கேளுங்க

உண்மையில் இங்கு விவாதத்திற்கு இடமில்லை ரூபன், அக்காவின் தற்போதய நிலையில் இருந்து கொண்டு அவ ஆற்றும் தமிழ் பணியோடு ஒப்பிடும் போது, நாமெல்லாம் ஒன்றுமேயில்லை

அவருக்கு உற்சாகம் அளிப்பதற்கு கூடியவரை தமிழ் வளர்க்கும் முகமாக உரையாடல் இருக்க வேண்ண்டும் என்று நினைக்கிறேன்

அன்பு தளபதி · அன்பு தளபதி Wed Sep 01, 2010 4:18 pm

அக்காவை பத்தி கவிதை

Sponsored content · Sponsored content

தமிழ் பற்றுள்ள நந்திதா அவர்களுக்காக ..ஒரு கவிதை

தமிழ் பற்றுள்ள நந்திதா அவர்களுக்காக ..ஒரு கவிதை

Re: தமிழ் பற்றுள்ள நந்திதா அவர்களுக்காக ..ஒரு கவிதை

Re: தமிழ் பற்றுள்ள நந்திதா அவர்களுக்காக ..ஒரு கவிதை

Re: தமிழ் பற்றுள்ள நந்திதா அவர்களுக்காக ..ஒரு கவிதை

Re: தமிழ் பற்றுள்ள நந்திதா அவர்களுக்காக ..ஒரு கவிதை

Re: தமிழ் பற்றுள்ள நந்திதா அவர்களுக்காக ..ஒரு கவிதை

Re: தமிழ் பற்றுள்ள நந்திதா அவர்களுக்காக ..ஒரு கவிதை

Re: தமிழ் பற்றுள்ள நந்திதா அவர்களுக்காக ..ஒரு கவிதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக