நீரழிவும், பாலுணர்வும்

**சிவா** · **சிவா** Wed 26 Nov 2008 - 19:15

நீரிழிவு பெண்களின் பாலுணர்வை பாதிக்கிறதா?

ஓரளவு பாதிக்கும். ஆண்களுக்குத்தான் பாதிப்பின் அளவு அதிகரிக்கும். காரணம், உறுப்பு விரைப்பின்மை போன்ற பிரச்சினைகள் தோன்றும்.

நீரிழிவுள்ள பெண்கள் கர்ப்பம் தரிக்கலாமா?

தாராளமாக கர்ப்பம் தரிக்கலாம். ஆனால் மருத்துவரின் ஆலோசனையின் பேரில்தான் கர்ப்பம் தரிக்கவேண்டும்.

முக்கியமாக இன்சுலினை உபயோகிக்கும் பெண்கள் மருத்துவ ஆலோசனையைப் பெற வேண்டும். காரணம், அதிக அளவு இன்சுலின் கருவையும் பாதிக்கக்கூடும்.

நாட்பட்ட நீரிழிவுக்காக பொதுவாக மாத்திரைகளை உபயோகிக்கும் பெண்கள் வேண்டுமானால் கர்ப்பம் தரிக்கலாம். ஆனால் இன்சுலின் எடுத்துக் கொள்ளும் பெண்கள் கர்ப்பத்தைத் தவிர்ப்பது நல்லது.

**சிவா** · **சிவா** Wed 26 Nov 2008 - 19:16

நீரிழிவு மாதவிலக்கை எப்படி பாதிக்கிறது?

நீரிழிவு உள்ள பெண்களுக்கு முதல் மாதவிலக்கு ஓரிரு ஆண்டுகள் தள்ளிப் போகலாம். அடுத்தடுத்து ஏற்படும் மாத விலக்கு ஒழுங்கின்றி காணப்படும். பெரும்பாலும் இன்சுலின் எடுத்துக் கொள்ளும் பெண்களுக்குத்தான் பிரச்சினை. நீரிழிவைக் கட்டுப்பாட்டிற்குள் வைத்திருந்தால் எந்தத் தொல்லையும் வராது.

மாதவிலக்கு நின்ற பெண்களை நீரிழிவு எப்படி பாதிக்கிறது?

மாதவிலக்கு நின்ற பெண்களுக்கு செக்ஸ் ஹார்மோன்கள் சுரப்பது குறைந்து விடும். இதனால் பொதுவாக தலைவலி, மன அழுத்தம் போன்றவை ஏற்படலாம். நீரிழிவு உள்ள பெண்களுக்கு இத்துடன் எலும்பு முறிவுகள் சாதாரணமாக ஏற்படலாம். நாட்பட்ட நீரிழிவுக்காரர்களுக்கு பிறப்புறுப்பில் காளான் தொற்றி அரிப்பு, நமைச்சலை ஏற்படுத்தும். எந்த மருந்தும் வேலை செய்யாது. சுண்ணாம்புச்சத்து, பாஸ்பரஸ் நிறைந்த உணவுகளை சற்று அதிகமாக எடுத்துக்கொள்ள வேண்டும். நடைப்பயிற்சி மிகவும் முக்கியம்.

**சிவா** · **சிவா** Wed 26 Nov 2008 - 19:17

நரம்புத் தளர்ச்சி என்று கூறுகிறார்களே, இது சரிதானா?

நரம்புத் தளர்ச்சி என்ற வார்த்தை தவறு. நரம்புத் திசுக்கள் பாதிப்பு என்று கூறவேண்டும். சோகமாக இருந்தால் நரம்புத் தளர்ச்சி என்றும் கோபமாக இருந்தால் நரம்பு முறுக்கேறிவிட்டது என்றும் சொல்வது தவறு* நரம்பு
என்பது என்ன பின்னப்பட்ட கம்பியா?

நீரிழிவு எப்படி ஆண்மையை பாதிக்கிறது?

பொதுவாக ஆண்மை என்பதை பாலுறவு விஷயத்தில் ஆணுறுப்பு விரைப் பதைக் குறிக்கிறார்கள். ஆணுறுப்பில் மூன்று நீள்வட்ட சிலிண்டர் போன்ற வடிவில் மென்மையான திசுக்கள் உள்ளன. பாலுணர்வுத் தூண்டுதலின்போது இவைகளுக்குத் தமனிகள் மூலமாக அதிக இரத்தம் பாய்கிறது. இதனால் பஞ்சுத் திசுக்கள் பெரிதாக உப்பி பல மடங்கு பெரிதாகிறது.

நாட்பட்ட நீரிழிவுக்காரர்களுக்கு இந்தத் தமனியில் அழற்சி ஏற்படுவதால் சரியான ரத்த ஓட்டம் பாய்வதில்லை, இதனால் அதன் எழுச்சியும் குறைகிறது. தொய்வு ஏற்படுகிறது.

**சிவா** · **சிவா** Wed 26 Nov 2008 - 19:18

நீரிழிவு நோயுள்ளவர்கள் திருமணம் செய்து கொள்ளலாமா?

தாராளமாகத் திருமணம் செய்து கொள்ளலாம். பெரும்பாலான நீரிழிவு நோய்கள் சுமார் முப்பத்தைந்து முதல் நாற்பது வயது வாக்கில்தான் வருகின்றன. இது இவர்களின் திருமண வாழ்க்கையை அல்லது குழந்தைப் பேற்றை பாதிப்பதில்லை.

இவர்களில் ஐம்பது விழுக்காட்டினர் ஐம்பது முதல் ஐம்பத்தைந்து வயது வாக்கில் தான் பாலுறவுப்பிரச்சினைகளை சந்திக்கிறார்கள் இருபத்தைந்து முதல் முப்பத்தைந்து விழுக்காட்டினருக்கு நாற்பது முதல் நாற்பத்தைந்து வயதுகளில் பிரச்சினை வருகிறது. மருத்துவம் முன்னேறியுள்ள காலத்தில் வாழும் நாம், பயப்படத் தேவையில்லை.

எந்தப் பிரச்சினையாக இருந்தாலும் மருத்துவரை அணுகி பரிசோதனையும், சிகிச்சையும் மேற்கொள்வது நல்லது.

Sponsored content · Sponsored content

நீரழிவும், பாலுணர்வும்

நீரழிவும், பாலுணர்வும்

Re: நீரழிவும், பாலுணர்வும்

Re: நீரழிவும், பாலுணர்வும்

Re: நீரழிவும், பாலுணர்வும்

Re: நீரழிவும், பாலுணர்வும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக