கறைகளை நீக்க

by **krishnaamma** Tue 17 May 2011 - 15:57

First topic message reminder :

கா‌பி, டீ கறைகள் பட்டவுடன் சோப்பு அல்லது டிட்டர்ஜெண்ட்டால் கழுவி விடவும். வெள்ளை துணியாக இருந்தால் பிளீச் அல்லது பேகிங் சோடாவை கறையின் மீது தேய்த்து கறைகளை நீக்கலாம்.
சூயிங் கம் கறையை நீக்க:

சூயிங் கம் பட்ட உடையை ஒரு பையில் போட்டு, ஃப்ரீஜரில் ஒரு மணி நேரம் வைக்கவும். இதனால் சூயிங் கம் கெட்டியாகிவிடும். இப்போது இதை எளிதில் உடைத்து எடுத்துவிடலாம்.

எப்போதும் போல் துவைத்து முழுமையாக சுத்தம் செய்துவிடலாம்.

சாக்லேட் கறையை நீக்க:

துணியில் பட்டுள்ள சாக்லேட்டை முதலில் நீக்கவும். பிறகு வெதுவெதுப்பான சோப்பு நீரால் கறையை தேய்த்து சுத்தம் செய்யவும். சாக்லேட் கறை மறைந்துவிடும்.

பழக் கறையை நீக்க:

உடனடியாக துவைக்கவும். தேவைப்பட்டால் சிறிதளவு உப்பை கறையின் மேல் தேய்த்து கழுவவும்.

காய்ந்த கறைகளை நீக்க க்ளிசரின் (மருந்து கடைகளில் கிடைக்கும்) மற்றும் வெதுவெதுப்பான நீரை சமமான அளவில் கலந்து கறையில் தேய்த்து கழுவவும். அல்லது தண்ணீரில் துணியை ஊரவைத்து, கறையில் உப்பைத் தேய்த்து அதன்பின் கழுவவும்.

லிப்‌ஸ்டிக் கறையை நீக்க:

சிறிதளவு டூத்பே‌ஸ்ட்டை கறையின் மீது தடவி தேய்த்தால் லிப்‌ஸ்டிக் கறை மறையும். பிறகு எப்போதும் போல் துணியை துவைக்கலாம்.

அல்லது பெட்ரோலியும் ஜெல்லியால் தேய்த்தும் இந்த‌க் கறையை நீக்கலாம்.

பீர் கறையை நீக்க:

வினிகருடன் வெதுவெதுப்பான நீரை கலந்து, பீர் கறையின் மேல் தடவவும். சிறிது நேரத்திற்கு பிறகு டிட்டர்ஜேண்ட்டால் துவைக்கவும். கறை நீங்கும்.

by SK Tue 17 May 2011 - 16:53

நன்றி

by பாலாஜி Tue 17 May 2011 - 17:03

krishnaamma wrote:
வை.பாலாஜி wrote:பயனுள்ள பகிர்வு .. கடைசி குறிப்பு எனக்கு தேவைப்படும் என்று நினைக்கின்றேன்.

ஏன், மேல கொட்டிக்காம இருக்க மாட்டேளா?

அப்பொழுதுள்ள நிலவரத்தை பொருத்தது .......

by **Manik** Tue 17 May 2011 - 17:18

மிகவும் பயனுள்ள பதிவு நன்றி அம்மா கறைகளை நீக்க - Page 2 677196

by முரளிராஜா Tue 17 May 2011 - 19:35

பயனுள்ள பதிவு

by **கே. பாலா** Wed 18 May 2011 - 14:44

பேனா மை கறை போக ஏதேனும் tips உண்டா ? அடிக்கடி எனக்கு இதுதான் பிரச்சனை !

by அன்பு தளபதி Wed 18 May 2011 - 14:56

வை.பாலாஜி wrote:
krishnaamma wrote:
வை.பாலாஜி wrote:பயனுள்ள பகிர்வு .. கடைசி குறிப்பு எனக்கு தேவைப்படும் என்று நினைக்கின்றேன்.

ஏன், மேல கொட்டிக்காம இருக்க மாட்டேளா?

அப்பொழுதுள்ள நிலவரத்தை பொருத்தது .......

எத்தனாவது சுற்று என்பதை பொறுத்து (நான் பேச்சு வார்த்தையை சொன்னேன் )

by **krishnaamma** Wed 18 May 2011 - 15:04

கே. பாலா wrote:பேனா மை கறை போக ஏதேனும் tips உண்டா ? அடிக்கடி எனக்கு இதுதான் பிரச்சனை !

உருளை கிழங்கை இரண்டாக வெட்டி , இங்க் பட்ட இடத்தில் நன்கு தேக்கவும் . பிறகு வழக்கம் போல் தோய்க்கவும்
சரியா ? புன்னகை

by **krishnaamma** Wed 18 May 2011 - 15:06

நல்ல காலம் , எங்கோ போக இருந்த இந்த 'திரி' யை மீண்டும் இந்த பதிலால் சரியான பாதைக்கு கொண்டு வந்துட்டேன் புன்னகை

( இது வெறும் கலாட்டா தான் நண்பர்களே, கோபம் வேண்டாம் புன்னகை

)

by **கே. பாலா** Wed 18 May 2011 - 15:07

krishnaamma wrote:
கே. பாலா wrote:பேனா மை கறை போக ஏதேனும் tips உண்டா ? அடிக்கடி எனக்கு இதுதான் பிரச்சனை !

உருளை கிழங்கை இரண்டாக வெட்டி , இங்க் பட்ட இடத்தில் நன்கு தேக்கவும் . பிறகு வழக்கம் போல் தோய்க்கவும்
சரியா ?

மிக்க நன்றிமா! கறைகளை நீக்க - Page 2 678642

by **krishnaamma** Wed 18 May 2011 - 15:10

* பால் பாயிண்ட் பேனாவின் மை கறையை எவ்வளவு சோப் போட்டுக் கழுவினாலும் போகாது. காட்டன் பட்ஸை சிறிது யுடிகொலனில் நனைத்து கறையின் மேல் தடவி வையுங்கள். சிறிது நேரம் கழித்து கசக்கினால் போயே போச்சு !
* வாழைக்காய் தோல் சீவும்போதோ , அரியும்போதோ கைகள் கறுப்பாக ஆகிவிடும் . ஒரு ஸ்பூன் பொடி உப்பைக் கைகளில் நன்றாகத் தேய்த்துக் கொண்டு , தோல் சீவினாலோ ,அரிந்தாலோ கறுக்காது .
* ஹோட்டல்களில் சாதம் வெள்ளை வெளேரென்று இருக்க வேண்டுமென்பதற்காக சுண்ணாம்பு நீரைக் கலந்து விடுகின்றனர் . அது வயிற்றைப் புண் ஆக்கிவிடும் . ஹோட்டலுக்குச் செல்லும்போது ஒரு ஸ்பூன் மஞ்சள்தூளை , பொட்டலம் கட்டி எடுத்துச் செல்லுங்கள் . சாதத்தைப் பரிமாறியவுடன் , சிறிதளவு சாதத்தை இலையின் ஓரத்தில் வைத்து அதனுடன் மஞ்சள் தூளைக் கலந்து பிசையுங்கள் . சாதத்தில் சுண்ணாம்பு கலக்கப்பட்டிருந்தால் சாதம் உடனடியாக சிவப்பு நிறமாக மாறிவிடும் . அதன் பிறகாவது அத்தகைய ஹோட்டல்களில் சாப்பிடுவதைத் தவிர்த்து விடலாமே !
* முடி அதிகமாக உதிர்ந்தால் பூண்டை இடித்து மண்டை ஓட்டில் தேயுங்கள் . அந்தப் பகுதியில் ரத்த ஓட்டம் அதிகரித்து முடி உதிர்வது குறையும் .
* சிலருக்கு மாதவிலக்கின் போது வயிற்றுவலி அதிகம் இருக்கும் . அப்போது முருங்கைக்கீரையை ஆய்ந்து கழுவி சிறிது நல்லெண்ணெய் விட்டு உப்புப் போட்டு வதக்கி சாப்பிட்டால் நல்ல பலன் கிடைக்கும்.
* பெண்களின் கை , கால்களில் முடி வளராமல் இருக்க , குப்பைமேனி , வேப்பிலை , மஞ்சள் மூன்றையும் நைசாக அரைத்து , கை கால்களில் தேய்த்து பத்து நிமிடம் ஊறிய பின் குளித்தால் முடிகள் உதிர்ந்து விடும் . உடல் வழு வழுப்பாக மாறும் . மேனி பளபளப்புக்கு குப்பைமேனி சிறந்த மூலிகை .
* உணவு வகையைப் பார்சல் கட்டும்போது பச்சை வாழை இலையில் கட்டினால் இலை கிழிந்து விடும் . இலையை வெந்நீரில் நனைத்து எடுத்துக் கட்டினால் இலை கிழியாது .
* சமையல் வேலையெல்லாம் முடிந்து விட்டது . கேஸ் அடுப்பின் பிசுக்கையெல்லாம் எப்படி நீக்குவது என்று மலைப்பாக உள்ளதா ? ஒரு ஸ்பாஞ்சில் வினிக்கரைத் தோய்த்து ,அடுப்பைத் துடைத்தால் , எண்ணெய்ப் பிசுக்கெல்லாம் நீங்கி , புதிய அடுப்பு போல் பளபளக்கும் .
* தாய்ப்பால் கொடுக்கும் முன் சிறிதளவு வெந்நீர் அல்லது மிதமான சூட்டில் பால் குடித்து விட்டால் பால் அதிகமாகச் சுரக்கும் .
* கழுத்தில் சங்கிலி அணிவதால் ஏற்படும் கறுப்பு மறைய , 1 டீஸ்பூன் மஞ்சள் தூளை 1 டீஸ்பூன் தேங்காய் எண்ணெயில் குழைத்து கருமை உள்ள இடத்தில் பூசவும் . முப்பது நிமிடம் கழித்து கழுவவும் . இதுபோல் தொடர்ந்து செய்து வர கருமை மறையும் .
* வெந்நீரில் குளிப்பதாக இருந்தால் காலிலிருந்து தொடங்கி உடல் முழுவதும் ஊற்றி பிறகு தலைக்கு ஊற்றிக்கொள்ள வேண்டும் . குளிர்ந்த நீரில் குளிப்பதாக இருந்தால் முதலில் தலைக்கு ஊற்றிய பின் பிறகு உடம்புப் பகுதிக்கு நீர் ஊற்றிக் குளிக்க வேண்டும் . இதனால் , மூளை களைப்படையாது . சுறுசுறுப்பாக இயங்கும் .
--- மங்கையர் மலர் . மார்ச் 2007 .