பிரிட்டனுக்குள் பின்கதவால் வேலையுடன் நுழைபவர்கள்!

பிரிட்டனுக்குள் பின்கதவால் வேலையுடன் நுழைபவர்கள்!
----------------------------------------------------------------------------------------------
விறுவிறுப்பு.காம், Tuesday 17 May 2011, 00:39 GMT
-----------------------------------------------------------------------------------------------
லண்டன், பிரிட்டன்: பிரிட்டனுக்குச் சென்று வேலை செய்வதற்கான விசா பெறுவதற்கு, கடுமையான நடைமுறைகள் உண்டு.ஒவ்வொரு வருடமும் அதிக பட்சம் எத்தனை பேருக்கு இவ்வகை விசா கொடுப்பது என்ற உச்சவரம்பும் உண்டு. ஆனால், இந்த சிஸ்டத்தை ஏமாற்ற ஒரு வழியும் உண்டு!!

அதுதான் பிரிட்டனிலுள்ள ஒரு நிறுவனம், வெளிநாடு ஒன்றிலும் ஒரு கிளை நிறுவனத்தை இயக்கினால், வெளிநாட்டுக் கிளையிலிருந்து பிரிட்டனிலுள்ள தலைமையகத்துக்கு வெளிநாட்டு ஊழியர் ஒருவரை இடமாற்றம் செய்யலாம்! அதாவது, intra-company transfers.

இந்த வழியில் வருபவர்கள், பிரிட்டனின் வழமையான ‘வேலை விசா’ நடைமுறைகளுக்குள் வரமாட்டார்கள். உச்சவரம்புக்குள்ளும் சிக்க மாட்டார்கள்.

“பிரிட்டனுக்குள் ஆட்களை அனுமதிக்கும் எல்லைக் கட்டுப்பாட்டு இலாகா, இந்த விஷயத்தில், போதிய கட்டுப்பாடு இல்லாமல் திணறுகின்றது” என்று குற்றம் சாட்டியிருக்கிறார் பிரிட்டிஷ் நாடாளுமன்ற உறுப்பினர் மார்கரட் ஹொட்ஜ்.

“இந்த வழியூடாக உள்ளே வருபவர்கள், தமது விசா முடிந்தபின் பிரிட்டனைவிட்டு வெளியேறிவிட்டார்களா என்றுகூட பிரிட்டிஷ் எல்லைக் கட்டுப்பாட்டு இலாகாவுக்குத் தெரியாது” எனவும் ஹொட்ஜ் கூறுகின்றார்.

தற்போது இப்படியான வழியில் பிரிட்டனுக்குள் நுழைந்த 181,000 பேர் விசா முடிந்த பின்னரும் பிரிட்டனுக்குள் தங்கியிருக்கிறார்கள் என்ற ‘உத்தேசமான’ கணக்கு ஒன்றை வைத்திருக்கின்றது பிரிட்டிஷ் அரசு.

ஆம். ‘உத்தேசமான’ கணக்குத்தான். சரியான எண்ணிக்கை யாருக்கும் தெரியாது!

http://viruvirupu.com/2011/05/17/1934/

இது நல்லா இருக்கே

கண்டு புடிச்சா கஷ்டம். ஆனா இவ்வளவு பேரில் கண்டு பிடிப்பதே கஷ்டமா தான்

இப்படி நண்பர்களும் சென்றுள்ளனர் (ஜப்பான் மற்றும் லண்டன்) - பணம் தான் இன்று பிரதானம்.

சூப்பருங்க

பின்வழியா கொடுக்குறாம்பா விசாவை! சுவாரஸ்ய தகவல். சட்ட ஓட்டை சரிசெய்யப்படுமா?

1. என்னதான் பணம் சம்பாதித்தாலும் மீண்டும் வெளியே வருவது ப்ராப்ளம்.2. இப்ப வந்துள்ள நியூ ரூல் பிரகாரம் 2 வருஷத்துக்கு மேல் நீங்கள் சொல்வது போல் கொம்பனி மூலம் சென்றவர்களுக்கும் அவர்களை போல் இன்கம் டாக்ஸ் போடப்போகிறார்களாம் .